السلام عليكم لااعلم اين أضع هاذا الموضوع في اي قسم
لكن انا شاب خريج ثانوي عام 1429 أعاني من العطاله وسوء الأوضاع اريد ان املك سياره فالكل يعلم أهميتها في هاذا الوقت ولكن كيف وانا عاطل ولدي طفل
لم اترك بابا للتوظيف الا وطرقته بدءات اشعر باليأس سجلت في العسكريه ولم اقبل رفضت من عامين في لدفاع المدني بسبب الوزن والمباحث هاذا العام كذلك لااعلم مالسبب


أرجو إرشادي فأنا لم اكتب الا لاني اريد التوجيه والإفراغ مابداخلي من هم .....ماسبيل للحصول ع وضيفه بالمختصر اريد النصح لمن لديه خبره والمساعده .جزا الله من رد علي خير الجزا واسال الجهله السعاده ف الدارين

أولا والأهم الإستغفار ليل ونهار
هذا من تجربة والله العظيم كنت لا اجد الريال وبسبب الإستغفار والصلاة في وقتها رزقني ربي ولله الحمد

ثانيا
في البداية قدم على الشركات واشتغل فيها لين تجيك وظيفة حكومية
واسعى بالبحث والتقديم على شيء
وبعدين الحرس الوطني يقبل التجنيد بدون شروط

والسيارة اشترها بنظام التأجير

اعرف واحد نفس مشكلتك
و نصحته يشتغل في الشركات ويقدم على العسكرية
ما خلى ولا تجنيد في العسكرية ما قدم فيه
الحرس الوطني
والباحث
والدفاع
والشرطة
والمرور

والآن ماشاء الله جندي اول

اسمع اذا كنت تبي الوظيفة على طول قدم على القوة البرية او الحرس الوطني كله فيه التسجيل مفتوح وإذا كنت تبي الأهل قدم على الشركات القريبة من المدينة اللي فيه انت اخوي وش شهادتك ثانوي او جامعي

اخوي قدم بالحرس وخل الوالد يروح معاك لمكتب التجنيد صدقني وبإذن الله مايردونك
وعليك بالاستغفار وحافظ على الصلاة بوقتها
وشوف بعدين كيف ربي يفتحها بوجهك

ادع الله اخوي وحافظ عالصلوات وثم خفف وزنك ورح الحرس وان شاء الله مايردونك
والله يوفقك وييسر امورك كلها

اسأل الله المولى جل في علاه ان يحقق مافي بالك وان تتوظف


ياخوي الوظيفه اللي يبيها بيحصلها ان شاءالله شف الشركات وشف المطاعم ترا توظف سعودين الان راتب الموظف في مطعم هرفي 5 الاف ريال وكذلك شركتين اس تي سي وموبايلي توظف اليوم ورواتبها لاتقل عن 5 الاف ريال


والسياراه ان شاءالله تقدر تشتريها اجار منتهي بالتمليك بعد الوظيفه والله يوفقك الى ماتحب وترضى

اخوي اذا المشكلة اللي تعيقك عن العسكرية وزن بس بصراحة مشكلتك بسيطه مره وانت مكبرها ومتعقد منها بسبب عدم قبولك بالدفاع المدني والمباحث بسبب الوزن والحل اشوفه بيدك تقدر تنزل وزنك بس لازم تجتهد وتتعب على نفسك هرول يوميا على الاقل ساعه وحده حاول ما تاكل دهنيات وتشرب غازات جرب لمدة شهرين او ثلاثه وان شاء الله ينزل وزنك وارجع واقول الحل بيدك تقدر تنزل من وزنك ولا تشيل هم لان اللي مكتوب لك بتاخذه ما تدري عن المكتوب وشوف حالة اللي طولهم ناقص ترى مابيدهم حيلة عشان يصيرون طوال عكس المتين يقدر ينحف نفسه وقول الحمدلله واسال الله التوفيق لنا ولك ويرزقنا الوظيفه واعتذر عن الاطاله

جزاكم الله كل خير والله لايريكم مكروه ويسعدكم

بالنسبة لشهادتي ثانويه والوضايف الشركات والحكومية واسطاااااات كل ماقدمت رفض رح وننتظر اتصالنا ويسفهون

والوزن ياخوي ليتني متين الإنحيف 50وزني
والمباحث ضني رفضتني يابسبب اني متخرج قديم من الثانوية ولا بسبب القدرات قديمه نفسي اعرف سبب الرفض رفضتني مبدئ
وممكن افهم كيف أتوظف ف الاتصالات معي دبلوم حاسب سنتين من معهد نيوهورايزن
وكيف بعد السياره تأجير منتهي بالتمليك
وجزاكم الله خير اولا وأخيرا والله يرزقني ويرزقكم

وهل ساعد له فايده لي وهل فيه برنامج ثاني اقدم عليه غيره وكيف اعرف تسجيلي قبل فيها فيها ولا لا