30-09-2008, 06:40 AM
|
عضو مهم جداً
|
|
تاريخ التسجيل: Jan 2008
المشاركات: 625
معدل تقييم المستوى: 56
|
|
|
البخل طبعن مستحيل علاجه
البخل طبعن مستحيلن علاجــــــــــــه..
والجود طب لكل الأمراض وعـــــــلاج
جيت الرفيق اللي بشوشن حجاجــه
اللي بحزات الرخا مثـــل هــــــــــداج
وألا بوقت الضيق مثــــل الخواجـــــه
سلم العرب عنده خرابيط وإزعــــــاج
قال العلوم وقلت طــــــــلاب حاجـــه
حاجة يسر ماهي بتكليـــــف وإحراج
إن كلفت يكفي العــــــــذر والمواجه
وإن كان جت من يسر صاحبك محتاج
وأومى براسه مثل راس الدجاجـــــه
وهز المتون وراح وجهه كما الصـــــاج
وأقفيت من عنده مطفن سراجـــــــه
ولي غايتن ماعطيتها كل هــــــــراج
عرض العلوم لغير أهلها سماجـــــه
والصاحب الطيب له الدرب ينعــــــاج
كل أزمتن ياتــــي بعدهـــــا إنفراجه
ياليت كل أصحابنا مثـــــــل سهـــاج
الصاحب اللي ماتعكر مزاجــــــــــه
ولاحطله كثر المعاذير منهــــــــــاج
وألا الردي صيده يضيع بعجاجـــــــه
ماتسبقه في سرعة الروغ ميــــراج
أحد روائع الشاعر رشيد الزلامي...
|
العرض الشجري
