السلام عليكم ورحمة الله وبركاتة
انا عاطل عن العمل من سنتين تقريباً .. قدمت كـ معيد في احد الجامعات بالاحساءالتي تبعد عن المدينة التي اقيم بها اكثر من 500كيلو ومن البداية الوالدة الله يحفظها رافضة ان اتغرب واكون بعيد عنها .. وكان الاصدقاء يقولون صعبة الاعادة ويبقالها واااسطة ومن هالحكي... تجاهلت هذا الكلام كله وتوكلت على الله وقدمت ورشحوني للاختبار والمقابلة
وقبلت ولله الحمد بهالوظيفة .. الان انا في حيرة من امري الوالدة رافضة ان اكون بعيد عنها علماً بان والدي متوفى رحمة الله .. صحيح ان لااعرف احد في هذه المنطقة ولااعرف كيف سـ اتصرف من ناحية السكن وكيف سوف اتكييف مع وضعي الجديد ولكن اطمح لها هذي الفرصة ولا اريدها ان تفوتني.. والان صدعت من كثرت التفكير لااعلم كيف اتصرف ..

وعليكم السلام ورحمة الله وبركاته
أخوي انا ماراح ابدي راحتك أنت على راحة امك لإن من برك بها أن تنفذ رغبتها..
إذا قدرت تقنعها فالوظيفة فرصة ولإن الحساء جميله وناسها طيبين وسهل انك تعرف الحي المناسب
لكن بالاول والاخير حاول مع امك لعلها توافق تنتقل معك واذا العكس الشكوى على الله
استسلم للامر الواقع وربي بيعوضك خيراً منها

__________________
"لله دُر أمي إذا ابتسمت
تهادت جروح قلبي والتئمت"

جامعة فيصل
كويس والله يوفقك

لكن في حال انها رافضه مدري
يفضل انك تقنعها لجل هي تكون راضيه ومرتاحه وانت كذلك راضي ومرتاح

وعليكم السلام ورحمة الله
بالنسبه لأمك الله يحفظها اذا مافي اخوان غيرك يقوم فيهم فالأفضل انك تقعد معاهم
اما اذا كان رفضها عشان البعد فالأفضل انك تحاول تقنعها وتخلي اي احد من أهلك المقربين منها يساعدون
في اقناعها لأننا صرنا بوقت الفرصه ماتكرر مرتين وخاصه الوظائف وفي نفس الوقت تكون أمك راضيه عنك
..

بالنسبه للغربه فأمرها بسيط ان شااء الله لان اكثر الشباب والبنات حتى صاروا يسافرون عن أهاليهم عشان الوظائف
ومافي شئ يجي بالساهل ممكن تتعب في بداية الشئ لكن بعدها راح تتعود مع الوقت وخاصه انك طموحك بها الوظيفه
ربي يسهلك أمر هالوظيفه ويرزقك بر أمك ورضاها ..

الله يوفقك بس كلم الوالدة تنقل وياك هناك وقلها بس مؤقتاً واذا ما ارتاحت ترجع لبيتها الاول يمكن لما تروح وياك تحب الديرة وتجلس معاك

او اذا فيه جامعة قريب من مدينتك الظاهر تقدر تنقل لها من جامعة الملك فيصل مثلا فيه ناس نقلوا من جامعة ام القرى بمكة لجامعة الملك عبدالعزيز بجدة فحاول تكلم الوالدة وتقلها فترة قصيرة ان شاء الله واقدر اجي

اذا هي رافضة اسمع كلامها وأبشر بالخير ولا تنسى المعيدين يجبرونهم على السفر للخارج لتكميل الدراسة وهذا نظام معمول فيه فما أدري اذا كان تراجعوا عنه أو لا وأنت منت فاضي تسافر ابتعاث وتبتعد أكثر عن الوالدة

قصة أحد السلف الصالح اللي نوى يسافر لطلب العلم فرفضت أمه وسمع كلامها وجلس عندها وربي عوضه خير وصار إمام زمانه في العلم وتعلمه وهو عند أمه بسبب بره لأمه فلو سافر ممكن كان حاله غير

الله يوفقك

وعليكم السلام ورحمة الله وبركاته
ماقصروا الاخوه والأخوات في اقتراحاتهم
استخير وربي يعطيك الأفضل ويسهل امورك
وفقك الله

والله أنا أشوف أنها فرصة وما ادري ايش سبب رفض الوالدة!!
إذا بس على شأن الغربة..ما أشوف أنها غربة خاصة انك رجل وأغلب الرجال في البداية يتعينون في مناطق بعيدة بعدين ينقلون
شوف وحدة من خالاتك أو خوالك عشان يقنعون أمك ..العادة تأثير االخوال أكبر

اشكركم يااخوان واخوات على الردود والتفاعل الجميل ، لكن انا سوف اتعين كـ معيد بالجامعة بالتعليم العالي وليس معلم بالتعليم العام حتى فترة وانقل الى مدينتي وهذا الشيء عارفته الوالده؟! ستغترب بالخارج وفي الداخل هذا الشي الي مضايقها وتردده دائماً.. لكن الله يسهل الامور يارب وترشدني للصواب يارب

الله ييسر امرك ويوفقك ....