واحد من محارمك اعرضي عليه مبلغ ياخذه في الشهر منك مقابل انه يجي معك

معظم الناس يمشون بالفلوس

وحتى لو طلب نص الراتب ما عليك لو ما يبقى من راتبك إلا 10 ريال
المهم انك مسكتي الوظيفة و راح ترتاحين و تستفيدين منها لما يجيك نقل

عاد الشكوى لله هذا حالنا في السعودية

لا تتنازلي ابدا
كثير بنات كذا وضعهم اهاليهم مايقدروا يروحوا معهم وحلهم انهم يسكنوا بسكن خاص بالمعلمات ومع باص يوديهم كلهم والحمد لله ماصار فيهم لين ييسر ربي لهم النقل
وزوجك يصير لو كل ويكند يجيكم واستودعي نفسك واطفالك ربي وان شاء الله مو صاير لكم شي
نصيحه لا تفرطي فيها بعد هالانتظار لان الحكومي صعب ينوجد بهالوقت
او مثل اقتراح بعض البنات خذي احد محارمك واعطيه مقابل

بالتوفيق

اسأل الله ان يعينكم ويوفقكم ويجعل كل عسير يسير انه على كل شي قدير

زوجك مصيره يندم مثل ماندم غيره
على أساس أنه ضامن حياته وضامن صرفيته عليك وعلى عيالك
بعض الرجال همه نفسه مايبي زوجته تتوظف عشان ماينقصه شي
خايف على نفسه وباله على نفسه وعلى اكلة وشربه
زوجك المسؤول منك مو أهلك
طول سنين زواجك وانتي تخدميه بعيونك وعند حاجته
ويوم جاء وقت حاجتك قال أهلك أعوذ بالله
وين المروة ووين حق الاهل والزوجة
اذا مايقدر يروح معاها الله يعينه يمسك عياله ويقوم فيهم
أهلها مو مسؤولين منها ولا من عيالها
حاولي حاولي حاولي
تعقيدات الوزارة طل سنة تزيد 3 عقد
فرج الله همك وسخر لك زوجك يارب

اقنعي اهلك احد يطلع معك الين ترتبي امورك حدك اسبوع
اذا ترتبت واخذتي شقة بسكن معلمات
يرجعون

وقتها اذا شافك زوجك صاملة واستنفذتي كل الحلول
بيرضى
او بيخاف الله فيك وان مارضي

اولا بسم الله الرحمن الرحيم لاشك ان مشكتلك كبيرة ولكن هنالك حلول ان شا الله
اولا زوجك اعتذر عن المرافقة ومو من حقه ابدا الا اذا اذا كان ظروفه تمنعه ولكن لايحق له يشترط عليك وجود اهلك معك ابدا
ممكن اختك تذهب معاك اواخوك اواحد اقربائك ولو لمدة شهر شهرين الين تحطينهم امام الامر الواقع وتذكري مافيه شي اهم من تعليمك وعملك وتعب سنينك اسمعي نصيحتي لاتفرطين في الوظيفة كلها سنة وترجعين لمنظقتك حاولي تجاوزي ظروفك باي طريقة انا ماعرف المنطقة يمكن بعييدة جدا لكن فكري ولاتقلقي ولاتتوتري الحل بيد الله و التفكير العميق سبب بعد تدبير الله لحل المشاكل وان استعصت

حسبنا الله ونعم الوكيل

الله يفرج همك ياااااااااااااااااااااااااارب