حياتي،،
المقابله الشخصيه بعد ماتطلع نتيجة الاختبار..
هم اول شي اتصلو باختي وحددو لها اليوم اللي بيسوون فيه الاختبار،
بعدين راحت واختبرت ،بس مالها نصيب هناك ونشرو الأسماء بالجرايد وماطلع اسمها...
خلي ثقتك بالله قويه..

شكرا لك يا الغزال العارضية
أختي عندي بعض الأسئلة :
بعد كم يوم من تقديمها لأوراقها دقوا عليها ؟
يوم أتصلوا عليها متى حددوا لها الأختبار يعني أتصلوا قالوا بعد يوم بعد أسبوع يعني أمدها تستعد؟
يوم أمتحنت متى أعلنوا النتيجة ؟ بيطون ؟ و لا بسرعة ؟
شكلي أزعجتك من كثر الأسئلة
و الله يوفقك ..

اختي هم يقولون لك مقابلة ويفاجوك باختبار

انتي حاولي انك تذاكرين وتتجهزين لان انا كنت مثلك بس هم قالو لي مقابلة ورحت مو مستعده والله ما وفق

الله يوفقك يارب

أختي دموع عاطلة ..
كيف أستعد ؟ .. التخصص وسيع و فيه أقسام كثيرة يعني أدس الفنون القديمة و لا الفنانين و لا التذوق ولا النقد ولا المجالات إلي هي كثيرة و لا طرق تدريس.
أن عارفة أن محد يقدر يجاوبني لان العلم عندهم ( الجامعة ) بس قاعده أنفس عن نفسي و أفضفض لكم ..
و الله رددكم كلها ريحتني .. يعني حسيت كل يعاني مثلي مو أنا بالحالي ..
وبعضها فادتني..
و أرجوا إذا كان عند إي احد معلومة حتى لو كانت صغيرة أو تافة أن مايبخل علي .
شكرررررررراااا للجميع ...

اخت رياح ..فيه بنات من اللي كان تقديمهم قبلكم قالوا لهم راجعوا كلياتكم الاحد 9محرم لكن يوم راحوا قالوا لهم ماوصلت لنا ملفاتكم وبعض الكليات يكون ماعندهم خبر اساسا فقالوا لهم ارجعوا لبيوتكم واذا بغيناكم اتصلنا عليكم.
فلو عندك رقم سكرتارية القسم تتأكدين منهم قبل لا تروحين يكون احسن.
الموعد اللي حددوه لكم عادة لا يكون للاختبار او المقابلة, لان الكلية كانت تتصل قبل على البنات ويعلمونهم الموعد المحدد للاختبار او المقابلة.
بالتوفيق..

شكرا لك أختي لحن الحياة
قبل شوي كلمت دكتور في كلية التربية (مو في جامة الملك سعود )
طبعا هي تقابل البنات إلي مقدمين على الماجستير و أيضا وظائف المعيدات ..
تقول أن أهم شيء عندنا هي شخصية المتقدمة هل هي مثقفة هل مطلعة هل عندها خبرات .. طريقتها في الحوار يعني تعرف ترد مو بس تقول نعم , لا .. نبغى أجابات واضحة تدل على شخصيتها ومدى أهتمامها بالتخصص إلي راح تدخلها ..
طبعا راح يكون فية أسئلة عامة .. و أيضا تقول من وحدة لو حدة تختلف الأسئلة .. يعني ممكن تسألك ليه أخترتي ها التخصص ؟ مثلا إذا كنت مقدمة على طرق تدريس .. تسألك ماهي الطرق الحديثة للتدريس؟ ( تقول إذا كانت مومطلعة تقول طرق قديمة )
تقول أن بعض البنات ما يعرفون يتكلمون بس يعرفون يعبون الورق ..
و قالت إذا كانت إلي مقابلتك مو من نفس التخصص ماراح تسألك عن التفاصيل عن تخصصك لانها ماتعرف شي .. يعني أسأله عامة..
وتقول في بنات قابلنهم من العام ما بعد عيناهم .. ياسلام سلم ..
أنشاء الله قدرت أفيد أحد
و شكرررا للجميع.

و في معلومات من مصدر أخر يقولون يسألون عن أهتماماتك .. ماذا تقرأين .. ماذا تفعلين الان .. هل توظفتي .. لماذا تركتهم إذا كنت تاركة الوظيفة .. لازم يكون سبب وجيه و أيضا ما يكون ضدك .. مثلا ما أرتحت و تركتهم و لا تذمين فيهم ..
و أهم شيء عندهم الهدوء ..

للإسف يا اخواتي ان الواسطة هي كل شيء..
صار حتى إلي تتوظف تفتخر انها متوظفة بواسطة ..
وحدة من قريباتي تقول عندنا مراقبة متوظفة بواسطة و تقوله عين عينك ( أنا متوظفة بواسطة .. شفتوا يا بنات الواسطة وش تسوي )
يوم كنت في الكلية عندنا معيدة متوظفة بواسطة و تقديرها مقبول .. أن كل البنات يناظرونها بستحقار .. وحتى ما نثق في رأيها .. نقول أنا أحسن منها ..
بس لا تنسون رب العالمين .. هو فوق كل شيء.
أقول لاهلي أنشاء الله يغلطون ويحطون أسمي مع المقبولين .. و لا ما يكون فيه أحد جايب واسطة .. ولا يبقى محل محلين ما خذوه أهل الواسطات ويحطوني ..
بس انا أقول ان ما حصلتها ربي بعوضني اخير منها..

الاخت رياح
اللي صار معك صار معي
اعرف بنات كثيرة توظفو ا بالفتيامين c
من مشرفات وبنات معيدات وغيره
لكن بنقول يا رياح الله كريم
وقولي دائما
حسبي الله ونعم الوكيل