سر النجاح اليمني التجاري ..والفشل السعودي

الفوازي · #41 (**permalink**) 23-09-2015, 11:38 AM

بعض السعوديين وانا منهم ابي الربح الكثير بالعمل القليل وهذا للأسف الشديد بداية الضياع لأنك مثلاً تخسر على مغسلة ملابس 70 الف وآخر شي ياتخسر يا تاجر المحل على العامل ويعطيك 4000 والايجار والصابون وكلشي عليه..؟! هنا مجبراً أخاك لا بطل صعبه سعودي يشتغل في مغسلة ملابس

reeem22 · #42 (**permalink**) 25-09-2015, 02:19 PM

اقتباس:

المشاركة الأصلية كتبت بواسطة حمدان فهد

المشكلة من شقين أساسيين ,

1- علاقة التاجر السعودي بالتاجر السعودي .
2- علاقة التاجر السعودي بالمستهلك السعودي .

النقطة الأولى :

1- التجمع الرئيسي للتجار والعلاقه بينهم يكمن في إشتراك الغرفة التجارية , ماذا تقدم الغرفة للتجار فعلياً ؟

2- هل يوجد أي تاجر كبير يقدم خدمة (حقيقية ملموسة) لتاجر صغير لا تربطه به أي علاقه ؟ مثل أن يمده بالضاعة ويصبر على السداد أ و يستأجر له الموقع؟ أو يفسح له المجال في مواقع معينه ؟ أو يأخذ بيده لطريق النجاح ؟

3- هل التاجر الصغير يحرص على المنتجات السعودية أو المصنعة في السعودية ليفيد التاجر الكبير بدلاً من الأجنبي؟ ( الخزف السعودي , التجهيزات الكهربائية , الكنبات والأثاث , المطابخ ...........الخ ) ؟

4- هل التاجر الصغير يقوم بتوظيف السعوديين بدلاً من غيرهم ؟ براتب ونسبة ؟

.!!

مانتكلم على التجار الكبار فقط حتى التجار الصغار
يتنافسون بشكل مو طبيعي لدرجة الواحد منهم يبي يمحي الثاني عشان الرزق يكون له
جهل او غباء مايفهمون بالتجارة شي هذه الفئة
التجار القدامى ماكبروا ولا وقفوا على اقدامهم من الصفر الا لانهم دعموا بعض ووقفوا مع بعض هذه مو اخلاقيات مهمة فقط ولا هي قوانين ولا هي اعراف متعارفين عليها الناس واهل التجارة بس
هذه اصول امر الله بها ووصانا بها نبينا عليه الصلاة والسلام

اليوم الوطني للسعودية هذا العام طلبوا التركيز على الانجازات بدل الاحتفالات
اتمنى في المدارس يجيبون المنتجات السعودية ويعرفون الطلاب والطالبات عليها ويزرعون فيهم الثقة بمنتج وطنهم
ويعلمونهم ان البلد تكبر بأهلها
الدولة تدعم المصانع + مواطن بنى مصنع + المواطن اشترى من منتجات المصنع
وش يصير بعدين
المصنع يكبر ويورد للخارج
المصنع يكبر ويوظف عدد اكبر من المواطنين
المصنع يكبر ويزيد رواتب الموظفين السعوديين
انتاج المصنع يزيد
فيستمر بتحسين المنتج وتطويره
ممكن يفتح مصنع اخر لمنتج مكمل للمنتج اللي ينصعه المصنع الاول
وهكذا المواطن بكل الحالات مستفيد بسبب ايش, شراء المواطن لمنتجات هذا المصنع

نفس الشي ينطبق على المشاريع الصغيره
مشروع صغير بدأ بتمويل احد جهات الدولة او بتمويل شخصي
يعمل فيه صاحبة او مواطن واحد فقط
اذا اشترى الناس من المشروع الصغير هذا
بيكبر المشروع ويزيد عدد الموظفين من المواطنين ثم يزيد رواتبهم ثم يحسن من الخدمة والمنتج
وكذا المواطن مستفيد
احتاج مواطن اخر ان يفتح مشروع جديد وين بيتوجه؟ لصاحب المشروع الاول عشان يدله ويساعده بحكم خبرته
صاحب المصنع بعد ان ينجح بيقدم مبادرات ومساعدات ودعم . بيقدمه لمن؟ لبلده ولاهل بلده
فهمتوا كيف تدور الدائرة

وضروري يعلمون الصغار الاحترااااااااااااام
احترام الانظمة واحترام الموظفين واحترام البائع واحتراااام مهنة البيع
احتراااااام كل من يتعب في شغله ووظيفته
احترااااام صاحب الصنعه
لايدخل الواحد وهو يعامل البائع او الموظف كأنه عبد له فقط لمجرد انه بيشتري بفلوسه, فيطلب بقلة ادب ويرمي الفلوس كأنه يرمي قذارة,,, من الاخلاقيات ان تعطي البائع المال في يده وتدعي ان الله يبارك له فيه وتشكره على عمله
لايتعامل مع الجهات كأن واجبها فقط ان تخدمه بدون مايحترم انظمتها وقوانينها وسياستها وجهود موظفينها فيقل ادبة ويخالف النظام ويسيء للجهود وللمواطنين مثله
يتعدى الدور, لايقرأ الارشادات والنظام,وحط تحت كلمة لايقرأ مليوون خط, فتجد الموظف والجهة كتبوا ووضحوا لكن المواطن لايهتم للقراءه فيقول لايوضحون ولايهتمون بي ,, ولا اقصد هنا الامي بل اقصد المتعلم
لايحترم المواعيد واوقات الدوام, يزعج الموظف ولايجعله يؤدي عمله
يتلفظ بألفاظ غير لائقة, يسب الموظفين والجهة ويشوه سمعتهم فقط لان صبره قليل ولايعرف الاحترام , لايحترم وقت الانتظار ولايحترم من سبقوه في الانتظار, لايقدر الجهووود ولايشكر

بالنسبة للدعم اللي تطلبه مثل الصبر على السداد والايجار
التاجر اللي مايعرف كيف يدير امورة المالية ويوصل لمرحلة العجز هذا دليل انه ماقدر وماعرف يدرس مشروعه زين
يعني فاشل فمستحيل تلقى احد يساعده على الفشل لانه بيفشل اكثر
الدعم المادي مو مهم كثر ماهو مهم الارشاد
التدريب في سوق عمل حقيقية
التعليم
بندة مثلا يوم وظفت الشباب فيها اتوقع اكتسبوا معلومات كثييييرة وقيمة واي احد منهم لو فكر يفتح سوبرماركت مابيتعب بالبحث كيف يفتح ووش يسوي ومن يعلمه كيف ينظم ووكيف يرتب وكيف يسوق ولا بيدور احد يساعده ويعلمه لان صار عنده خلفية كاملة عن كيف يرتب ويأسس وينظم محله ويشغله كذلك

من حصل عنده عجز ممكن بإقتراح او فكرة بسيطة يقدر يرجع يبيع ويزيد دخله والاقتراحات والافكار ماتكون الا من عند من يملك الخبرة والتجربة ويعرف قيمة الخام في السوق وقيمة الصنع وسعر البيع
مثلا محل كيك ماحقق ربح وصار عنده عجز بسبب غلاء المواد الخام ماقدر يغطي
الحل هنا مو بإعطاءه اموال او مسامحته على السداد
الحل هنا باقتراح فكرة منتج جديد يقدمها لاتكلف شي
مثل بيع كريب او فطائر لاتحتاج مواد خام غالية السعر ولا يكلف صنعها الكثير من الوقت والجهد
وترفع من نسبة الربح والبيع الشي الكثير
وممكن يدله على مورد للمواد الخام مثل الدقيق سعره مناااااسب

اذا بدأ مواطن بالتوريد وانت كتاجر وجدته مورد وسعره ممتاز وخدمته ممتازه حاول تدل عليه من يستفيد منه لاتقول انا استفيد وماعلي من غيري
لان استمرار المورد ونجاحه يعني توفير خدمات لك افضل
والمورد اذا دل على التاجر يساعد على نجاح التاجر واذا نجح التاجر بيزيد الطلب من المورد
والمكسب للجميع
انت سعودي وعندك المال وفكرت تفتح مؤسسة استيراد وجملة قبل لاتبدأ تفق مع التجار اعرض عليهم خدماتك وعروضك
وتعاونوا

خدمة شي · #43 (**permalink**) 18-10-2015, 08:55 PM

الأخ حمدان فهد

أنت تفترض بكلامك أنه فيه شريحة ليست قليلة من السعوديين يعملون تجارة بأنفسهم وبدون شغل تستر
هذا الكلام غير صحيح والحديث عن العلاقة سابق لأوانه
أولاً أوجد طبقة متدربة على مهارات السوق استيراد وتصدير وتوزيع وإدارة مستودعات ومخازن
وبيع تجزئة وجملة ومحاسبة وكل المهارات المتعلقة بالتجارة وبعدها سترى مسألة التعاون

ولنا في أجدادنا مثال كبير !!!

لكن أرجع لرد الأخ سلطان لما قال أننا نحتاج دورات في المجالات التي ذكرتها سابقاً

غير كذا أؤيد كلام العضو الله أكبر

ترى الوضع الحالي سببه بالدرجة الاولى الخطة التنموية من 3 عقود
طبعاً لن ننتظر حتى تتغير لأن ستذهب أجيال وتأتي غيرها ولم يتغير
شيء
الدولة لا يوجد عندها توجه للتخفيف من إيراد النفظ والتحول لدولة منتجة بصناعات كثيرة
غير الإصلاحات الإقتصادية والتمسك بربط العملة والنفظ بالدولار الأمريكي
الذي ضرنا أكثر مما نفعنا !!!!!!!!

لذلك حلول مجتمعية أنه مراكز التدريب تركز على تنمية مهارات سوق التجزئة والجملة
وتبدأ الهيئات الحكومية بوضع برامج تدريبية

وعلى الشباب تطوير نفسه بدورات يحضرها أو دورات الكترونية !!!

وعموماً السوق صعب وليس بيد الشاب المسكين أن يدخل أو يعمل فيه !!

هذا الغالب

ومثال بسيط مكاتب العقار أو التمويل لو تدخل وتطلب التدريب والعمل
بدون مرتب ؛ ينظر فيك نظرة غريبة ويرفض
وهذا صارت لي قبل عدة أشهر
رغم أن بيني وبينه علاقة
لكن السعودي لا يفكر أنه يعرض على شاب يتعلم !!!! لذلك يتفأجاً بمثل هذا الطلب النادر

شكراً لإثراء الموضوع

مفكر تجاري مفلس · #44 (**permalink**) 19-10-2015, 10:33 PM

انا عندي محل تجاري و اداوم فيه يوميا
للاسف اغلب اللي يحاربوني سعوديين
ومن ضمنهم صاحب العقار طفشني برفع الايجار

مطور مواقع · #45 (**permalink**) 21-10-2015, 11:16 AM

اقتباس:

المشاركة الأصلية كتبت بواسطة مفكر تجاري مفلس

انا عندي محل تجاري و اداوم فيه يوميا
للاسف اغلب اللي يحاربوني سعوديين
ومن ضمنهم صاحب العقار طفشني برفع الايجار

لابد من العواقب اخوي والسعوديين بينهم تنافس كبير وذا انا ملاحئه في صاحب لي عنده محل حلويات وفتح جنب سعوي اخر وصارت بينهم مناوشات ومن هالحكي دايمن الحسد والبعغيضه موجوده بين الاجنبي وبين السعوديين بين بعضهم فانتبه رعاك الله ولا تياس ابدا مهما كانت الظروف وابحث عن مكان جديد لمحلك

ضاري كنعان · #46 (**permalink**) 19-01-2016, 01:10 AM

ليت قومي يعلمون

عوطالي · #47 (**permalink**) 19-01-2016, 05:26 AM

كلام جميل ورائع وفيه من الفائدة الشيء الكثير

لاتقنط من رحمته · #48 (**permalink**) 19-01-2016, 10:28 AM

ياخي اليمنيين مسيطرين على السوق

لو تبي تفتح محل مثلا بقاله لو نفرض على سبيل المثال
ماراح يوزع لك المندوب زي مايوزع للاجنبي راح يسبب لك مشاكل وتاخير ويحوسك ويزهقك عشان بس انت سعودي

لكن لو انت اجنبي او يمني راح يقولك المندوب بالاجل اخر الشهر او يقولك لاتدفع على حسابي ماعندك مشكله

الله المستعان

الكرتون · #49 (**permalink**) 19-01-2016, 11:09 AM

((لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ))
إذا كنت تحب لأخيك ما تحب لنفسك، وتكره له ما تكره لنفسك فأنت في المستوى الذي يرضي الله عزوجل.

لاتقنط من رحمته · #50 (**permalink**) 19-01-2016, 11:14 AM

اقتباس:

المشاركة الأصلية كتبت بواسطة الكرتون

((لَا يُؤْمِنُ أَحَدُكُمْ حَتَّى يُحِبَّ لِأَخِيهِ مَا يُحِبُّ لِنَفْسِهِ))
إذا كنت تحب لأخيك ما تحب لنفسك، وتكره له ما تكره لنفسك فأنت في المستوى الذي يرضي الله عزوجل.

ونعم فيك وانا اخوووك كلامك صحيح والله يوفقك ويرزق الجميييييع يارب