Aptis Listening Test

أنا بالمجموعة الرابعة اختباري الأحد إن شاء الله
أنا كنت اتوقعه aptis اللي موجود british council و أحد الأخوان الله يجزاه خير أكد
اللي راح يختبروا اليوم بالتوفيق إن شاء الله والله يكتب اللي فيه الخير النا جميعا
بليز علمونا كيف كان سهل متوسط صعب

الله يوفق المجموعه الاولى

وان شاء الله احد يطمنا على الاختبار

السلام عليكم ورحمة الله وبركاته,

بردي القادم راح يكون عن الاختبار اليوم والاسئلة اللي عطتويني اياها وكم ملاحظة.

السلام عليكم ورحمة الله وبركاته,

الاختبار فعلا كان aptis, الاختبار كان لأي شخص مستواه الانجليزي متوسط او فوق راح يكون جدا سهل, راح اتكلم عن كل قسم وكيف صعوبته ونصائح لكل قسم:
اولا: Grammar and vocabulary:

بالنسبة للقرامر جدا بسيط يعني بيسك بس, مثل الـ Present tense مثل I want to be able to bla bla وعندك Present continuous مثل I have been doing my home work for a long time. طبعا انصح بالتركيز الشديد بقسم القواعد لأن ممكن يعطونك 3 خيارات وخيارين منهم يكون مشكوك فيهم كمثال, I want to ___ to do my home work, خيارات مثال: 1)be
2) can
3) have
مثلا فيه ناس بتشك بالخيارات بين 1 و 3, والصحيح انه 1.

مثل كذا يلحسون المخ شوي, بالنسبه للفوكابلري للي ما يعرف كلمات انقليزيه كثير راح يتوهق شوي بالقسم هذا, ليش؟ لأنهم يعطونك الكلمة الحالها مو بجملة عشان تقول بطلع المعنى من الجملة, الكلمات عامة ولا لها علاقة بالطب, ولكن اللي لاحظته انها كلمات معروفه, بالقسم هذا فيه كم نوع من الاسئلة, النوع الاول يكون عبارة عن الكلمة ووش تعني, القسم الثاني الكلمة وايش ممكن يكون رديفها, مثال Good مثلا رديفها great, وعندكم بعد قسم ثالث يكون فيه كلمة وتقول اقرب معنى لها وشو, فا هذا القسم مدته 30 دقيقة اتوقع ومو صعب ابدا للي متجهز وانجليزيته متوسط او فوق.

القسم الثاني, اللي هو الاستماع, هذا اسهل قسم بصراحة يعطيك اسئلة عن الموضوع اللي يتكلمون عنه او المكان اللي هم فيه وين وبس يعني جدا بسيط صراحة وكله اختيارات للعلم, طبعا نصيحة لوجه الله بالقسم هذا اسمعوا المقطع كامل مو اول ما تشوفونه قال الجواب تحطونه وتكملون لأنه صار لي الموقف هذا, الموقف كان اللي يتكلم يقول عن قطار رايح لباريس وكان هو المفروض يمشي من محطة رقم 13 بس غيروها للمحطة رقم 6 بسبب صيانة, ولكن بعدين غيريوها للمحطة رقم 3 بسبب انه فيه قطار جاي من نفس محطة رقم 6, لو استعجلت كان حطيت 6 وكملت وطلع خطأ.

القسم الثالث القراءة:
اقدر اقول انه سهل مثل الاستماع ولكن اصعب قسم فيه احس اللي هو تسمية البرقراف لأنه يلحس المخ صدق, يعني مثلا يعطيك قطعة وكل براقراف مكتوب جنبه رقم 1 او 2 او 3 اللي هو, بس انتبهوااا فيه برقراف 0 هذا لا اقروه ع السريع ولا تجاوبون عليه يطلع خطأ عليكم ابدوا الجواب من برقراف مكتوب فوقه 1 صار لي الخطأ هذا من الحماس خخخ, والجزء الثاني كان بسيط اللي هو يجيبون لك قطعة ملخبطة وماعليك الا انك ترتبها بإستعمال المواس يعني ترتب الاحداث حسب قرايتك لها, مثلا جاني عن طفل توه بادي مدرسة وبدا يقول وش صار, وطبعا من قراية القطع المتقطعه تعرفون ترتيب الاحداث وتحطونها بالترتيب الصحيح.

القسم الرابع الـ Speaking:

هذا حتى للي لغته كويسة وممتازة راح يكون صعب شوي عليه, الصعوبة مو في الاسئلة ولا شي ولكن في التركيز, هو جداااااا سهل, اول سؤال يقولك تكلم لي عن هوياتك وعرف بنفسك, تكلم لمدة 30 ثانيه بس, المشكلة وين؟ ان كل سؤال يسألك اياه ماعندك وقت تفكر فيه لازم تكون مركز وانصحكم نصيحة اذا مو مستعد او مو مركز بالاختبار خلوا القسم هذا اخر شي, طبعا تقدرون تختارون كل قسم زي ماتبون, طبعا يجيب لكم صورة مثلا يقولك تكلم لي عنها اوصفها لمدة 30 ثانية, اللي بعدها يجيب لك صورتين ويقولك اوصف الاولى والثانيه, وبعدها يقولك وشو الفرق بين الاولى والثانيه, وبعدين يقولك وين تفضل تكون فيه بالصورة الاولى ولا الثانيه, وكل هذولي لازم 45 ثانيه, اخر سؤال تتكلم لمدة دقيقتين وعندك دقيقة كاملة تفكر فيها وتقدر تكتب ملاحظات على جنب, عشان كذا انصحكم تكونون مركزين واهم شي خوذوا معكم ورقة او اطلبوا ورقة والقلم لازم يكون معكم! عشان تكتبون ملاحظات, السؤال الاخير طبعا بالنسبة لي كان وش اطول مبنى دخلته وكيف كانت التجربة والسؤال الاخير كان ليش فيه بنايات طويلة في المدن خخخ, وكتبت ملاحظات ع جنب وجاوبته.

اخر قسم اللي هو الكتابة:

الكتابة جدا سهل بصراحة, اول شي اكتب عن نفسك وهوياتك بـ 30 كلمة بس, بعدين كأنك بغرفة شات خخخ وانك تبي تقابل الادمن حقها وتقوله عن تجربتك ووش تبي تتعلم وهي 3 اسئلة وكل سؤال 45 كلمة, تقدر تزود بس ما تقدر تكتب اقل, اخر سؤال اكتب ايميل لصديقك اللي ما يعرف انقليزي وانصحه هذا كان اتوقع 60 كلمة, واخر واحد نفس الشي ايميل وكان اعتذار من المعهد اني ما اقدر اكمل عندهم لسبب طارئ ولازم اكتب 120 كلمة اتوقع او 240 ناسي والله بس اتوقع 120, الزبدة انه قسم سهل جدا.

بالنسبة للاسئلة عن الهلال الاحمر قابلت اخ شغال معهم, وكانت اجوبته كالتالي:

اولا ما افادني كم نسبة التعديه ولكن اكيد طالبين الافضل, ما راح نسمع منهم شي يمكن لين نهاية شهر ذي الحجة بسبب الحج, التدريب بالرياض ومدته من 6 الى 8 شهور, التدريب منتهي بالتوظيف, فيه مكافئه مقطوعه قيمتها 7500 ريال طوال مدة التدريب, ممكن يكون التدريب دبلوم عالي بس هذا قريته من 2010 وللحين شكلهم ما راح يقدرون يسوونه, اسلوبهم جميل صراحة وبسيطين بالتعامل, التدريب راح يكون بالرياض ومو شرط انك تترك العمل.

اي اسئلة عن الاختبار او غيرها راح اجاوبكم عليها ان شاء الله كاملة, وطبعا بالنسبة للموقع نصيحة تعالوا بدري شوي عشان الزحمة وذا, وترا مو شرط تجون ع قولتهم قبل ساعه انا كنت هناك قبلها بساعتين وانلطعت بالشمس, بس اخيرا دخلونا جونا بالمعهد بالدور الثاني.