للتصحيح في ناس توظفوا من باتش1
العروض الوظيفية او العقود تكون بعد الانتهاء من الدورة الخارجية ... وقد تأخذ فترة حتى يتم التعاقد و من ناحية المكافأة الشهرية تنزل كل شهر يوم 25 في حسابك البنكي

اختي بينك, بالنسبة للوظيفة ما استغنوا عنهم ابدا, بالعكس جتهم فرص انهم يروحون يشاركون بمهمات اغاثية, ولكن اهم شي على كلامه انكم تضمنون الاجتهاد وتكونون الاوائل عشان ينضمن لكم وظيفة ان شاء الله, بس هو ما حصل له نصيب لحد الان, ومن اهم الاشياء اللي قالها لنا اننا نسأل بيوم الخميس ان شاء الله عن الوظيفة, هل هي تطوعية او تدريب منتهي بالتوظيف؟ هي على كل حال فرصة حلوة وصراحة العمل التطوعي بجهة مثل هذي جدا جميل, وخصوصا انهم يسوون لنا قبل نهاية التدريب, ياخذوننا لمكان نائي ونطبق اللي تعلمناه, وبالنسبة لتدريب الاخ كان 8 شهور كاملة, بس نصيحته لنا ان لو حصلت لك وظيفة براتب عالي لا تفوتك, اما اذا عاطلة مثلا 7500 شهريا حلوة صراحة ومن الحين لنهاية الدورة ممكن ان شاء الله ربي يفتح لك رزق, لأن سبحان الله الارزاق تسحب بعض, والله يوفق يارب.

اخوي حسن هذا اللي ما فهمته, كيف يخلونا نوقع عقد, وبعد كذا ما نتوظف؟ هل شرح الاخ ابو محمد هذا الشي قبل ما انضم؟

طرحت السؤال بالقروب ونرى الجواب هناك بإذن الله

بالنسبة للجواب, حصلنا من الاخ ابو محمد ماقصر انهم وقعوا عقد تقريبا في منتصف الدورة لإشغال وظيفة, ولكن لسبب غير معروف ما تم توظيفهم؟! بالنسبة لي تراني راعي مشاكل يعني لو قدر الله وصار لنا نفس الشي بدرعم ع وزير العمل , مو بكيفهم يقولون وقعوا بعدها ما نبي نتوظف؟ هذي اسئلة بسألها بحول الله يوم الخميس القادم عشان نعرف وش موقفهم صراحة.

انا اعمل بقطاع خاص والراتب مرة قليل مقارنة بالمكافئة اللي راح يعطونا اياها .. بس المشكلة انه بتغرب بالرياض وسكن ومصاريف واحتمال مايوظفونا بتكون صعبة علي .. البرنامج باللنسبة لي مو واضح للحين فيه غموض ..ان شاء اللله يوم الخميس يبان كل شئ .. الله يوفق الجميع

الله يسمع منك لاني من جد احاتي هالناحية خصوصا يوم الخميس اللقاء التوجيهي وعلى طول يوم الاحد تبدأ الدورة .. الله يسهل علينا جميعا

الله يكتب مافيه الخير
ان كان فيها خير الله ييسرها لنا
وان كان فيها شر الله يصرفها عننا

الله يكتب لنا اللي فيه الخير
بسسس الكلام يخوووف اذا بس تدريب بدون وظيفه مضمونه لكن اسال الله الكريم يوم الملتقى نسمع منهم غير كذا ياااااااااااارب
لانه بنترك اعمالنا و ننقل بعد للرياض وندور سكن ومواصلات ....