ابشر اخوي مسعف بس انا ابي اتأكد اسهل وصف منه واقوله لكم, بس لأني انشغلت اليوم ولا امداني امر بنفس طريق الهئية, بس ابشروا بكرا ان شاء الله بنزله لكم بالتفصيل الممل.

السلام عليكم ورحمة الله وبركاتة
صباح الخير

ابغى استفسر عن شغلة ياليت اللي يعرف يرد علي ضروري.. انا من الشرقية و موعد مقابلتي يوم الثلاثاء لكن المرافق اللي بيجي معي يدرس بالجامعه وعندة اختبارات فيحتاج ورقة تثبت انة كان معي عشان يرضون يعيدون له الاختبار. فهل راح يعطوني ورقة اثبات ولا لا..
او اذا تعرفون لهم ارقام تواصل اقدر اكلمهم لانهم مايردون على ايميلهم

أختي همس المعاني،،،

رائيي الشخصي..اتمنى أنك ماتوضحي صعوبة تواجدك بالرياض ولابد من وجود مرافق.
ولو كنت مكانك راح ابيّن للجنة بإن لاتوجد مشكلة لدي بالمواصلات والعمل بالرياض لأن عادة اللجان الخاصة بالتوظيف
تنظر لهذه المعايير ضمن المفاضلة.
عشان كذا حاولي ما تفتحي الموضوع معهم وتخلي المرافق يدبر أي عذر ثاني ويتفاهم مع جامعتة.

مشكور اخ عبدالعزيز .. و صحيح انا مأيدة نقطتك لكن المشكلة بحظور المقابلة يعني لو ماراح يعطونة عذر احتمال كبير ما اقدر اجي للمقابلة ومافية وقت انها تتدبر بطريقة ثانية .. انا بقدر ان شاء الله ادبر وضعي بس انقبل لكن الحين الوضع حرج جاي الموعد ب فترة اختبارات .. وان شاء الله انهم مايفهمونها بشكل سلبي لانة كثير تصير يعني يعطون تفرغ للطلاب حتى لو انة عمل تطوعي فما بال بشي مهم كذا .. واتوقع انهم عارفين وضع اللي يكونون من خارج الرياض.. وربي يفرجها ان شاء الله

الان عندي لكم وصفين للهئية, الوصف الاول هو الاسهل ولكن اصعب للي ما ينتبه للطريق كويس وممكن يضيع بسبب التحويلة:

تقدرون تحطون فندق برج رافال كمبينسكي بقوقل ماب ويطلعه لكم, اللي هو بحي الصحافة تقريبا على طريق الملك فهد, بعد الفندق عند الاشارة تتجه يمين, تمشون سيدا وتشوفون قدامكم اشارة العليا, تاخذون منها يسار وتمشون سيدا وتشوفون التحويلة, قبل نادي الشباب تقريبا بـ 100 متر يجيكم محل خياطة رجالية بالزاوية, تلفون بعده يمين, بعدين يجيكم مدوير اول ماتدخلون يمين ماعليكم منه يجيكم الثاني تسوون يو تيرن, وتشوفون اول ما تسوون يوتيرن مدرسة على يمينكم, تدخلون بعد المدرسة اللي مكتوب عليها ثانوي ليلي يمين مباشرة, بعدين اول لفة يسار بالحارة بعدين اول يمين, يجيكم باب صغير بمبنى لونه رصاصي تقريبا مكتوب عليه هئية الهلال الاحمر ادارة التدريب.

الوصف الثاني اطول ولكن اوضح بدال ما تضيعيون, اول ماتخشون يسار بعد برج رافال, الاشارة حقت تقاطع العليا تروحون سيدا لين يجيكم دوار فيه البنك الفرنسي بالزاوية على يدكم اليمين, تاخذون الدوار يسار, تمشون سيدا بتاكلون كم مطب لين ينتهي الشارع ويصير اجباري يسار او يمين, تاخذون يسار ثمن مره ثانية اجباري يسار او يمين تاخذون برضوا يسار, بعدين اجباري يسار او يمين مره ثالثه تاخذونه المره ذي يمين, تمشون سيدا لين تجيكم نفس المدرسة اللي فوق مباناها كبير, امشوا لين نهايتها ولفوا يمين وبعدين اتبعوا نفس الوصف اللي فوق.

مبتعث! الله يوفقك ويرزقك ما تتمنى، عساك يارب تكون من المقبولين. ماقصرت الله ييسر امورك

تسلم اخوي مسعف والله يتقبل منك يارب العالمين ويرزقك بأحسن مادعيت لنفسك ولوالديك ولغيرك يارب العالمين.