المشاركة الأصلية كتبت بواسطة خيرالفال

السلام عليكم ورحمة الله وبركاته
كانت مقابلتي امس لوظيفة امين مستودع على النحو التالي:
كانوا طالبين الحضور الساعه 1:30 ظهراً
كان ترتيب المقابله الشخصيه بالابجدي
عدد المتقدمين لوظيفة امين مستودع 32
شفت ناس مااستغرقت المقابلة معهم نصف دقيقه ،جاني فضول اسأل عن سبب خروجهم من المقابله بهالسرعه قالوا ان اللي خبرته في غير مجال المستودعات يتم استبعاده مباشره مثال للي استبعدوهم أمين صندوق ومحاسب ومدير مبيعات.

دخلت المقابله بعد صلاة العصر
عدد اعضاء اللجنة 7 جالسين على طاوله شكل L وانا بالوسط
وماخلوني اتكلم عن نفسي
هم يسألوني ويقاطعون بعضهم بسرعه وانا اجيب
قلت لو سمحتوا ابي اتكلم عن نفسي براحتي وعن دوراتي قالوا موبكيفك احنا نسألك وانت جاوب
اسألتهم كلها شخصيه كم عمرك وين كنت تشتغل وكم راتبك ليش تبي تترك عملك الحالي ووين ساكن واهلك وين ساكنين
ومن الاسئله الاستفزازيه ليش انت عصبي رغم اني طاق لهم ابتسامه من الاذن للاذن
وكمان قال انت عمرك 33 ومدير الجامعه يبي عمر 25 وتحت وش رايك، قلت ليتكم وضحتوا هالشرط من بداية المسابقه عشان ماتعنون احد<<< طبعاً سؤال يبي يشوف ردة الفعل
فيه ناس سألوهم من هو وزير الدفاع الحالي
ولو مديرك عصبي وتلفظ عليك بكلام غير لائق وش ردة فعلك
وفي اخر شي سألني كيف خبرتك بالانجليزي
وكيف خبرتك بالحاسب الالي

الحمدلله كانت اجاباتي كلها موفقه وحسيت انهم يبحثون عن الاجدر
رغم ان فيه واحد كان جنبي يقول ابوه يشتغل في مستودعات الجامعه، لكن املي بالله كبير
وعدد وظائف امين مستودع الشاغره لديهم هي 3 وظائف
اتمنى اني ماطولت عليكم لكن ادري فيه ناس محتاجه اي رد بهالخصوص وكمان عشان يستفيدون المتقدمين السنوات القادمه،، اي سؤال انا حاضر سواء خاص او عام
سبحانك اللهم وبحمدك اشهد ان لا اله الا انت استغفرك واتوب اليك

المشاركة الأصلية كتبت بواسطة شموروخ