الله يكتب لكم الخير

الله ييسر أمركم يا إخوان نبغى إنطباعات عن الإختبار ويا ليت تكون إيجابيه حتى لو واجهتوا صعوبه ، علشان يتأثر اللي يقرأ سلبيا ويجيب العيد في المقابله الشخصيه
يا شباب موضوع البيض المقلي والبيض المسلوق شفت كثير يطقطقون ع الموضوع ، بالنسبة لي أشوفه سؤال طبيعي وفيه قياس رد فعل وتحليل إجابه .. هذي مقابله شخصيه لازم يعرفون الشخص اللي أمامهم بأسرع وقت إذا كانت المقابله من 5 إلى 10 دقايق وتحس إنهم تعمقوا بالأسئلة معك أعرف أنك مرشح مفضل عندهـم ، إن كان الموضوع كلمة ورد غطاها معناها الله ييسر لك ولم يقتنعون فيك
إن طولو حيل معك وبدو بالتدقيق بكل إجاباتك أعرف أنك برضو على الطريق الخطأ وأنك يبدو إستفزيتهم وحبوا يحجرون لك .. وغالبا ما حتعدي

أتمنى لكم جميعا التوفيق والسداد والله يرزقكم اللي تتمنون

ياعيال الللي سوا المقابله يعلمنا وسش صار معهم

الله يوفق الجميع يارب بس ياليت تعلمونا ايش صار معاكم متى وقت مقابلتكم وكم اخدت وقت معاكم على ما خلصتو ياليت تجاوبون علينا لاني عندي مقابلتين في نفس اليوم وما ابي يضيع عليي الوقت بينهم ابي ارتب بين الاثنين

بس مقابله يعني ما في اختبار عملي

طيب هما ماسألوك اسئله عامه او تخصص

ايش التخصصات المطلوب فيها انجليزي بالمقابلات

وانت ايش تحصصك

صباح الخير
بعطيكم ملاحظاتي والله يوفق الجميع

بالنسبة للمقابلة تجي وتجلس ع كراسي الانتظار الموجودة بالبهو وتنتظرهم ينادون اسمك
اول ماتدخل القاعة يطلبون تنزل جوالك عند الموظف ثم يستفردون بك هههه

عددهم تقريبا 8
الاول يقيم مستوى لغتك الانجليزية والثاني يقيم مستواك بالحاسب الالي والثالث يقيم معلوماتك بالتخصص والرابع معلوماتك بالوظيفة والخامس يقيم معلوماتك عن الجامعة والسادس دكتور نفسي والاثنين الباقين مادري وش وضعهم .. طبعا هذا صعب تكتشفه لان كل واحد يطش عليك سؤال حتى يلحسون مخك مره يسالك حق الحاسب بعده حق الجامعه بعده يمكن الانجليزي وهكذااا

الاسءلة لايمكن تتكرر ولا يمكن تحفظها او تتوقعها لانها تعتمد على المفاجاة وردة الفعل حسب اجوبة كل شخص ع حدة

اذكاهم واكثرهم شراسة وسرعة بديهه هو اللي بالنص يلبس نظارات وله عوارض واضح انه ثعلب مكار هو الوحيد اللي بغى يغلطني ويناقشني بذكاء كبير اما الباقين سهالات وواضح انه هو المايسترو وصاحب القرار بالمقابلة

لايوجد استفزاز بل احترام وتقدير واسءلةتعتمد على هل فعلا انت تستحق الوظيفة هل انت تعبان ع نفسك ولا طقها والحقها وغش وشهادة .. هذا الشي هو اللي راح يتاكدون منه وع اثره يقيمونك

السلبية الوحيدة هي اللطعه وسوء التنظيم الموعد الساعة 1 وما دخلنا المقابلة الا 4 وحسب كلامهم يقولون ماتوقعنا العدد الكبير ذا

تمنياتي لي ولكم بالتوفيق والنجاح