​السلام عليكم ورحمه الله
بقول سالفتي بختصار،،واتمنى ماحد يهاجمني..

وآسفه الموضوع مو مكانه هنا بس اللي اعرفه العسكر فيهم شطانه هع
بليز المشرفين لاتحذفون الموضوع محتاجته حيل

فيه واحد ازعجني وازعج خواتي وبنات جماعتنا كلهم

يراسلنا تويتر وانستقرام وواتساب

ويجيب كل معلومات عنا ،،كان مسبب لنا قلق مو طبيعي

نحظره ويجيب بدل الرقم عشره وبدل الحساب حسابات

جلس ع هالحال تقريبا ثلاث سنوات

عطينا الرقم لاخوانا لازواجنا ماحد قدر يمسك عليه شي حتى الهيئه لانو الارقام باسم هندي

وجوالات الكشاف مافيها الجي بي اس

راسلني وحطيته في بالي اجيبه واستمريت معاه تقريبا ل6 شهور ووثق فيني

وبديت اخمن اسماء وطلع واحد منها واعترف انو من جماعتنا بس بعيدين شوي عنا

بس طبعا مااعترف الين اخذ الامان مني وحلفني،،وانا كان يهمني اعرف ولد مين بالضبط،

الحين طبعا انتهى كل شي بس ابي اعطيه درس قبل اعطيه الحظر

ابي كل ماافتكر عايلتناا يفز قلبه،،،



انتظر خطط المحنكين

خليك من حلفه وعلمي اخوانك خليهم يلعنون والديه
ولا ارسلي له اثنين من اخوانك يكونوا عاقلين ويهددونه اذا تعرض لكم عشان ماتصير فضايح لو انضرب

مااقدر اعطيه اخواني والله مو بس ضرب
والله لطيرون راسه
مابي اوقع اخواني بواحد تافه مثل ذا

هاذا قروب بحث عن الوظايف مو للمشاكل الأسريه المفروض تكون في محيط العائلة
تحياتي وكان الله في عونكم

اعطو الهيئه حساباته يحددو موقعه من الايبي ..
واشتكو عليه في هيئة الإتصالات وتقنية المعلومات

موضوع مكانه بقوة غلط

وانتي تطلبي المحنكين وانتم كيدكم افضل , استعيني بعقلك وفكري

غلط اللي سويتيه وبعد استمريتي معه 6 شهور من صدقك انتي
الهيئه وشرطه بيعتبرونها كنتي بعلاقه محرمه لمدة 6 شهور
وبعد هو يمديه يقلب كل شي ع راسك
للأسف أنتي غبيه وتعليمك أعتقد ع قدك
وتفكيرك محدود ،،،هذا شغل الرجال مو حريم
يمكن هو اتهم شخصيه مالها دخل حتى لو اتصل من
نفس رقم رجال يمكن استعار جواله ويمكن ويمكن ،،،، الخ
ولوتقدمتم بخطاب رسمي كان انحلت سالفه
للأسف مدري كيف الله لايبلانا قررتي تتعاملين مع مجرم دام له 3 سنين يحاول بالحريم
غلطتي وبقوه بعد ومدري
وماتمنى أحد بهل قسم يعطيك وجه لأنك منتي بصاحيه ومايندرى وش وراك أو وش اهدافك
وشرطه والهيئة والاماره والاتصالات معروفه اماكنها

واسمك غفوة عشق أهم شي اصحي ع نفسك
اسفه ع اسلوبي

اول شي اقول الله يهديك ويغفر لك ع فعلتك

باتكلم وانا معتبرك ك اخت

اول شي اختي استخدمتي حل فيه معصيه وذنب قدام خالقك ولمدة سته شهور
تبين تقولين ان كان المقصد تعرفين منهو فيه اساليب وحلول كثير بدون انك توقعين نفسك بمعصيه وتخونين رجالك
انتي تقولين انك عطيتي الرقم اخوانك وازواجكم طيب ليه م خليتي يتواصل واحد من اخوانك برقمك معاه ويجيب راسه ويصير رقمك مع اخوك هذا ح
الا اذا كان وصلت الامور انك تكلمينه صوت ؟؟؟؟؟؟؟ فهذا خطا لا يغتفر
فيه حل ثاني خليه يبتل يتصل ويرسل لين يمل م عليك منه م عليك موب تقولين زوجك عنده علم يعني م راح يشك لان يعرف انه مزعج

بعدين عندك تناقض انتي وشلون تقولين عند زوجك علم وبعدين تردين ع معرف تلفوني خربان تقولين اضطريت اني اتواصل معه ست شهور عشان بغى يخرب بينك وبين زوجك طيب ببدايه كلامك تقولين زوجك عنده علم

حل ثاني خطاب رسمي للاماره موب الهيئه بارقامك وارقام خواتك وارقام بنات جماعتك انه هالرقم ذا يتصلن ويزعجنا ومستقصدنا وحنا حريم متزوجات هذي الشكوى ب الاماره كفيله انه ينجاب راسه مثل الكللب

لكن اختي لا تعالجين الخطا بخطا والذنب بذنب والله م اقول هالكلام الا ناصح
توبي الى الله بفعلتك واستغفري ربك ع ذنبك انا م الومك الا ع فعلتك فقط

اتمنى تتقبلين كلامي بصدر وحب