السلام عليكم ..

ان شاءالله راح أبتدي بمشروع على قدي قريبا واحتاج المساعدة

المشروع عبارة عن بوتيك نسائي للفساتين راح أبداه في البيت لما يتوفر مكان مناسب للعرض
عالعموم وقفت على أشياء أبي أسأل عنها ..
أبي أعرف من وين أقدر أشتري ستاند لتعليق الملابس مثل اللي بالمحلات أبيه من النوعيه القويه لأنها فساتين أعراس
شي ثاني أبي أشتري أكياس لحفظ الفساتين من وين أقدر آخذهم؟
أيضاً كروت للتسويق عن البوتيك مين اللي يقدر يسويه لي؟ وهل يحتاج أصمم لي شعار خاص فيني والا هالشيء بدري عليه؟
أخيراً المانيكان اللي راح أعرض عليه الفساتين دورت في السوق وقالوا لي انه ممنوع من وين أقدر أشتريه ؟ ولو أطلبه من النت من أي موقع وكم أسعاره ؟

الرياض _ شارع الخزان كل الي طلبتيه تلقيه هناك
جده _عندك عمائر الباشه_ وشارع المكرونه
المينكان اذا كان كامل خذي الصيني لو مستعمل مع العلم ان الفرق بين الجديد والمستعمل 70ريال
بنسبه للكروت اقرب محل كروت افراح يطبعها لك والتصميم اكيد مهم لانه نوع من دعايه التي تستمر معك

الله يوفقك
نصيحة ان الفساتين تكون ساتره افضل
وابتعدي عن الفساتين الي فيها تعري
انتي بري ذمتك واحرصي على هذا الشي واذا بيعدلون على الفستان عند خياط او مشغل بكيفهم
الرسول يقول الكاسيات العاريات محرومات من الجنة
كيف عاد انا ابي استورد هالفساتين ووفرها لهن واخذ ذنب على كل وحده تشتري من عندي
من يتقي الله يجعل له مخرجا ويرزقه من حيث لايحتسب
ادري والله انك انسانة حريصة على رضا رب العالمين
لكن الكلام لي ولك والخوات الي في المنتدى
الله يرزقك الارباح الطائلة الي من كثرها ماتقدرين تحسبينها
امين يارب
ملاحظة : فيه موقع يعرض موديلات فساتين على الطراز القديم الفرنسي
شي ولابالخيال الاقمشة فاخرة والالوان متناسقه والفساتين ساترة شي مايوصف
لو وفرتيهم وبعتيهم بغالي اتوقع راح يكون عليك اقبال من الحريم
اعتقد الموقع حقهم مشهور اذا ماتعرفينه راسليني ارسلك الرابط حقهم

1 تحديد النشاط والتخصص ( فساتين زفاف)
2 تحديد موقع لاستقبال الزبائن والبيع
3 اختيار اسم للمشروع وتصميم شعار وكرت شخصي وفواتير
4 تخطيط الديكور للموقع وتجهيزه يحتوي على + مكتب استقبال لك وعدد 2 كرسي+ مانيكان بالعدد اللي تشوفينه+ وتكلمين نجار او حداد يسوي لك الحديد على الجوانب اللي تعلقين عليها الفساتين او دواليب (احرصي المكان مايجيه غبار كثير او الفساتين تكون مغلفة)+ غرفة قياس فيها مرايا وتتقفل بستارة
5 اكياس الفساتين تباع بمحلات تجهيز المشاغل بالجملة
6 البحث عن موردين ودراسة اسعارهم وتختارين اللي اسعاره مناسبة وكم عددالفساتين اللي بتعرضينها وماانصحك تكثرين بالبداية
7 عمل دعاية واعلانات لمشروعك وتكاليفها
8 بعد ماتشوفين كل هالامور كم بتكلفك تقدرين تحددين راس المال اللي تحتاجينه

عندك بالدمام محل ( جدة للديكور ) كل الأشياء الي ذكرتيها عندهم
موقعه قريب سوق الدمام
شارع الملك خالد - تقاطع 18


بالتوفيق