استشارة في وظيفة بنك الراجحي ، بكالوريوس حاسب آلي

كاسيرا · #1 (**permalink**) 04-09-2015, 11:17 PM

السلام عليكم ورحمة الله
انا خريجة بكالوريوس حاسب آلي
وصلني اتصال امس من الادارة العامة لمصرف الراجحي و بلغوني بوقت المقابله يوم الثلاثاء القادم بالرياض و ما اعرف ايش مسمى الوظيفة بالضبط
و انا بصراحه احب اعرف ايش طبيعة الوظيفة اللي راح يقابلوني على اساسها
و للأسف اني مقدمه على أكثر من وظيفة و بأكثر من طريقة
1-قدمت الكتروني بعد التخرج مباشرة
2-قدمت عن طريق الفرع بعدها بفتره
3-قدمت اوراقي للإدارة العامة عن طريق صديق اخوي : للتوظيف بقطاع تقنية المعلومات في إدارة المصرف بالرياض(قالوا لي رواتبهم ممتازه)

السؤال : كيف اعرف نوع الوظيفة اللي بيوظفوني عليها لو اجتزت المقابله و الاختبار 😁؟
و ايش طبيعة وظيفة بمسمى :
MIS and Analytics Supervisor (Retail Banking)
طبيعة العمل والراتب المتوقع؟ و هل ممكن يوظفوني عليها و ما معاي خبره
لأن هذي هي الوظيفة اللي مقدمه عليها بالموقع قبل سنه

و اخر استفسار و اعتذر عن الاطالة
ابغى تعريف مختصر لعمل كل من :
خدمة العملاء :
الصراف :
المبيعات :

و ايش الأفضل بالنسبة للراتب

و شاكره لكم جميعاً و اعتذر مره ثانيه للإطاله ❤️

بكلوريوس محاسبة · #2 (**permalink**) 05-09-2015, 08:03 AM

بالنسبة للوظيفه الي قبلوك عليها راح يعلمونك عنه في المقابلة الوظيفية
بالنسبة لطبيعة العمل الاداره مثل ما اعرف ان الراجحي 9 ساعات عملهم
اما بالنسبة للوظيفه الافضل في العرع فيفيدونك الاخوان والاخوات لاني ما اعرف عنها

والله يوفقة ويسهل امرك إلى ما يحبة ويرضاهـ

بكلوريوس محاسبة · #3 (**permalink**) 05-09-2015, 08:06 AM

واظبف لردي نصيحة للمقابلة

في المقابله خلك عادي مجرد دردشة وسوالف
واهم شي لا تستغربين اي سوال او تقولين وش دخلكم مثلااا خلك عادي جاوبي موب لازم يكون الجواب صحيح بس اهم شي ابعدي عن المبالغة

الله يسهل امرك

كاسيرا · #4 (**permalink**) 05-09-2015, 10:06 AM

اقتباس:

المشاركة الأصلية كتبت بواسطة بكلوريوس محاسبة

واظبف لردي نصيحة للمقابلة

في المقابله خلك عادي مجرد دردشة وسوالف
واهم شي لا تستغربين اي سوال او تقولين وش دخلكم مثلااا خلك عادي جاوبي موب لازم يكون الجواب صحيح بس اهم شي ابعدي عن المبالغة

الله يسهل امرك

بإذن الله يسهل المقابله يارب
مشكووور على النصيحة الله يسعدك

و ياليت اللي عنده معلومات اضافيه مايبخل علي بالاجابه

بعد البعثة عطالة · #5 (**permalink**) 05-09-2015, 05:40 PM

نصيحة اختي اذا وظيفة فرع, حاولي ماتستعجلين عليها, لأن وظيفة الفرع ثابته ونادر انك تتطورين فيها, بالنسبة للمقابلة, اهم شي تعرفين تجاوبين عن اسئلة تقنيه خاصة بتخصصك, انظمة البنك لازم تسألين عنها مثلا عندك هم يستعملون نظام اسمه تاج حق الحسابات والحولات, وعندك برنامج من اوراكل اسمه CRM حق رفع الطلبات وغيرها, وبالنسبة للخبرة اذا دقوا عليك ما اتوقع انهم يبون خبرة, ولكن حضري نفسك تجاوبين وش سبب انك جالسه سنة بدون وظيفة, طبعا فيه اسئلة معروفة مثل, كلميني عن نفسك, وش سبب اختيارك للراجحي, وين تشوفين نفسك بعد خمس سنوات, وش سبب اختيارك لتخصصك, وش نقاط ضعفك وقوتك, وفيه مصادر كثير بالنت تقدر تفيدك واقدر اساعدك اذا حبيتي كيف الجواب المثالي, من ناحية خدمة العملاء ما راح تحتاجين تعريف بس اللهم تعرفين مهام الوظيفة مثلها مثل الصرافه والمبيعات, الصرافه راتبها اعلى بـ 1000 ريال اتوقع او اكثر شوي بسبب انها مسؤولية كبيرة عليك, وبالنسبة لتخصصك اتوقع وظيفتك في الادارة العامة وما اتوقع في الفروع, انتبهي للاسئلة اختي ركزي وحضري واقري عن البنك, وزي ماقلت لك ما انصحك بالفروع لأن مالها مستقبل, بالادارة فيه ترقيات ومستقبلها كبير وبالسي في راح تكون كبيرة انك تشتغلين بالادارة مو بفرع.

كاسيرا · #6 (**permalink**) 05-09-2015, 06:08 PM

اقتباس:

المشاركة الأصلية كتبت بواسطة بعد البعثة عطالة

نصيحة اختي اذا وظيفة فرع, حاولي ماتستعجلين عليها, لأن وظيفة الفرع ثابته ونادر انك تتطورين فيها, بالنسبة للمقابلة, اهم شي تعرفين تجاوبين عن اسئلة تقنيه خاصة بتخصصك, انظمة البنك لازم تسألين عنها مثلا عندك هم يستعملون نظام اسمه تاج حق الحسابات والحولات, وعندك برنامج من اوراكل اسمه CRM حق رفع الطلبات وغيرها, وبالنسبة للخبرة اذا دقوا عليك ما اتوقع انهم يبون خبرة, ولكن حضري نفسك تجاوبين وش سبب انك جالسه سنة بدون وظيفة, طبعا فيه اسئلة معروفة مثل, كلميني عن نفسك, وش سبب اختيارك للراجحي, وين تشوفين نفسك بعد خمس سنوات, وش سبب اختيارك لتخصصك, وش نقاط ضعفك وقوتك, وفيه مصادر كثير بالنت تقدر تفيدك واقدر اساعدك اذا حبيتي كيف الجواب المثالي, من ناحية خدمة العملاء ما راح تحتاجين تعريف بس اللهم تعرفين مهام الوظيفة مثلها مثل الصرافه والمبيعات, الصرافه راتبها اعلى بـ 1000 ريال اتوقع او اكثر شوي بسبب انها مسؤولية كبيرة عليك, وبالنسبة لتخصصك اتوقع وظيفتك في الادارة العامة وما اتوقع في الفروع, انتبهي للاسئلة اختي ركزي وحضري واقري عن البنك, وزي ماقلت لك ما انصحك بالفروع لأن مالها مستقبل, بالادارة فيه ترقيات ومستقبلها كبير وبالسي في راح تكون كبيرة انك تشتغلين بالادارة مو بفرع.

ممتاز
الله يسعددددك افادني ردك كثير
مشكور ماقصرت
و متردده اذا كانت بالادارة لأن سمعت انها اختلاط مو مثل الفروع

بعد البعثة عطالة · #7 (**permalink**) 05-09-2015, 06:15 PM

اقتباس:

المشاركة الأصلية كتبت بواسطة كاسيرا

ممتاز
الله يسعددددك افادني ردك كثير
مشكور ماقصرت
و متردده اذا كانت بالادارة لأن سمعت انها اختلاط مو مثل الفروع

طبعا اختي لا تاخذين كلامي انه محبط, بس اسألي انتي في المقابلة وان شاء الله راح يكون فيها تطوير, انا قلت لك من خبرتي عن البنوك بس.

بكلوريوس محاسبة · #8 (**permalink**) 05-09-2015, 08:31 PM

حتى لو كانت البنوك فيها الي فيها كبداية تبقى افضل من المكوث بين احضان السرير لان الواحد لا يعلم متى تاتيه فرصة الالتحاق بغيرها وعلى فكره ترا كثير من موظفين بنوك تاتيهم فرص افضل ومناسبه واجمل لانهم موظفين بنوك يتم اختيارهم

والله يوفق الجميع

بعد البعثة عطالة · #9 (**permalink**) 05-09-2015, 08:40 PM

اقتباس:

المشاركة الأصلية كتبت بواسطة بكلوريوس محاسبة

حتى لو كانت البنوك فيها الي فيها كبداية تبقى افضل من المكوث بين احضان السرير لان الواحد لا يعلم متى تاتيه فرصة الالتحاق بغيرها وعلى فكره ترا كثير من موظفين بنوك تاتيهم فرص افضل ومناسبه واجمل لانهم موظفين بنوك يتم اختيارهم

والله يوفق الجميع

صحيح وهذا الصح العمل حتى لو براتب قليل ولكن بمكان مناسب وله سمعة, لأن اكيد التطوير راح يجي والوظايف راح تجيك اكثر والمعروف ان موظفي البنك خصوصا الراجحي مطلوبين بشكل كبير بخارج البنك لأنهم عارفين انهم راعين كرف.

كاسيرا · #10 (**permalink**) 07-09-2015, 03:01 AM

اقتباس:

المشاركة الأصلية كتبت بواسطة بكلوريوس محاسبة

حتى لو كانت البنوك فيها الي فيها كبداية تبقى افضل من المكوث بين احضان السرير لان الواحد لا يعلم متى تاتيه فرصة الالتحاق بغيرها وعلى فكره ترا كثير من موظفين بنوك تاتيهم فرص افضل ومناسبه واجمل لانهم موظفين بنوك يتم اختيارهم

والله يوفق الجميع

و انا معاك
مهما كانت طبيعة العمل صعبه و مُجحفه الا ان الفراغ اصعب و يهدم كل ما بذلته لطلب العلم قبل التخرج
كونك تعمل و تُنتج حتى لو كان المردود قليل او متوسط ، باعتقادي انه كافي لاثبات وجودك في الحياة و بالعمل تزكّي نفسك و تترفع بها عن السؤال قل أو كثُر

استشارة في وظيفة بنك الراجحي ، بكالوريوس حاسب آلي

إستفسارات ونتائج وظائف القطاع الخاص

السلام عليكم ورحمة الله انا خريجة بكالوريوس حاسب آلي وصلني اتصال امس من الادارة العامة لمصرف الراجحي و بلغوني بوقت المقابله يوم الثلاثاء القادم...

استشارة في وظيفة بنك الراجحي ، بكالوريوس حاسب آلي

تسجيل الدخول

استشارة في وظيفة بنك الراجحي ، بكالوريوس حاسب آلي

إستفسارات ونتائج وظائف القطاع الخاص

السلام عليكم ورحمة الله انا خريجة بكالوريوس حاسب آلي وصلني اتصال امس من الادارة العامة لمصرف الراجحي و بلغوني بوقت المقابله يوم الثلاثاء القادم...

استشارة في وظيفة بنك الراجحي ، بكالوريوس حاسب آلي