السلام عليكم ورحمة الله وبركاته

اتصلوا علي من بنك البلاد يوم الاربعاء بخصوص مقابله وقالو تعال يوم الأحد
بس ما حدد لي الوقت وبعدها استفسر عن بعض الاشياء وقال بنتواصل معك خلال الايام القادمة
الوظيفه قالو انها سكرتير تنفيذي وما ادري هل زينه لأهل الخبره او متعبه ؟!

عاد ما عرفت وش اسمه او رقم التحويله من البنك الي يتصل منه علشان استفسر منه
المهم انا خارج الرياض ولا ادري هل اني اروح الرياض واقول لهم عندي مقابله يوم الأحد او انتظر اتصالهم لأنه ماحدد لي الوقت باليوم الاحد
ومتردد اني اروح واقابلهم ويقولون انتظر نحدد موعد او اني اجلس وتكون فيه مقابله وتروح علي

علماً اني خارج الرياض 300 كيلو

والله اخوي مدري وش اقولك غريبه انه ماحدد الوقت, السكرتير التنفيذي وظيفة حلوة لأن فيها ترقية ومستقبل بس متعبه شوي لأن فيها كتابة تقارير ومسؤول عن اشياء كثيرة بتكون, وانصحك اخوي انك تستعد للمقابلة وتقرا عن الوظيفة, اذا ودك اتصل عليهم الصباح الساعه 8 ونص, واذا قالوا تعال رح, لأن انت بعيد واخاف اقولك تعال ولا يقابلونك وتتحسب علي خخخ, فا استخير اخوي والله يكتب لك اللي فيه الخير.

السلام عليكم حاول معاودة الاتصال الساعه 9ونصف لان الدوام يبدا الساعه 9
حاول تتصل على نفس الرقم لان فيه بعض التحويلات تكون مباشرة


حسب ما فهمة منك انه بيتواصل معك في الايام القادمه

مشكورين على الافادة
انا بجلس انتظر منه اتصال ثاني ان اتصل او خيره ان شاء الله

ممكن تقولي كيف قدمت عليهم الله يعافيك

كيف قدمت عليها

ماهي الشهادات المطلوبة للتقديم على وظائف في البنوك ؟