مصاريف الاثاث+مصاريف الاجهزة والمعدات+مصاريف التاشيرات والاستقدام+مصاريف الايجار-(3000*12 شهر) = رابح او خاسر

المبلغ الصافي*60 شهر = جبت راس المال للمشروع او لا

اخي ياليت توضح لي اكثر
نفترض تكلفة المحل او الورشه 30000
الاجار عندنا 500
انا عليه تجهيز المحل والاجار
الكهرباء على العامل كم المكسب السنوي

المعذرة . مافيه شيء نفترض ان تكلفة المشروع كذا
لازم تحسبها

بداية راح تحسب الايجارات ، وش هي المباني او الاماكن اللي راح تستاجرها
مثل
ايجار محل قيمته 10000 ريال
ايجار سيارة قيمته 1200
وتمشي على الطريقة وتكتب جميع الاشياء اللي راح تستاجرها تحت بند الايجارات

بعدها تكتب بند الاثاث
وتحط فيه الاثاث الي راح تشتري مثل
كنب طول 3 م قيمته 1000 ريال
مكيف قيمته 1200
برادة ماء قيمتها 350 وهكذا
وهنا تكتب جميع ادوات الاثاث تحت البند

ثم تجي لم العدد اليدوية اذا كان عندك مثل
مفك عجل قيمته 30 ريال
ممسامير 6 مل قيمتها 20 ريال
وتمشي على الطريقة

بعدها تجي لبند الالات والمعدات
مثل مكينة لحام قوة 1200 قيمتها 1000 ريال
سيارة قيمتها 30000
وهكذا

ثم تحسب التاشيرات والتامين والاقامات (قبل ما تفتح المشروع)
2 عامل تاشيرة/تحويل اقامة قيمتها 2عامل* قيمته التاشيرة = المبلغ


وبكذا تحسب كل بند تكاليفة كم
مثل طلع بند الايجارات يكلفك 50000
وبند الاثاث يكلفك 10000
وبند المعدات يكلفك 5000
وبند العمالة يكلفك 5000

تحسبها 50000+10000+5000+5000 = 70000 ريال

وانت تقول راح ااجرها على العمال 3000 ريال يصير الحسبة
3000*12 شهر = 36000

ربحك في اول سنة 36000-70000 = -34000 الف
يعني اول سنة انت خسران ماربحت ريال واحد

ربحك في السنة الثانية 36000-34000 = 2000 ريال
ربحك في السنة الثانية 2000 ريال بس

ربحك في السنة الثالثة 36000+2000 = 38000ريال
انت في السنة الثالثة ربحان
لكن الى الان ماغطيت او جبت رسال مالك . يعني حتى لو ربحك في هي السنة 38000 الف ريال تعتبر خسران لانك ما جبت راس المال

السنة الرابعة 38000+36000= 74000 ريال
هنا في السنة الرابعة انت بديت تربح وربحك الفعلي 4000 ريال . ال70000 الف تعتبر ربح لكن هي بالفعل انت جبت رسال المال
ومن السنة هذي اي مبلغ يجيك بعد كذا من الورشة انت رابح


هذي حسبة بسيطة لكن الحسبة الحقيقة والارقام تحسبها انت
لان هذا مشروعك وانت تعرف وش تبغى تسوي وش راح تشتري وهكذا

وشكراً لك

يعطيك العافيه يا اخي وبيض الله وجهك

ايش رايكم في تاجير البورش > مخي قراها كذا ههههههه

الله يرزقنا وياكم

والله يااخي لو تبتعد عن العماله
اجر اللورش لشباب سعوديين آمن وابرك
العماله اللعبوا بحسبت البلد
وفوق هذا مايتباركن الفلوس الي تاخذها منهم
ابعد عن هالامور ابرك

اخوي المشكلة تبدا بعد ما تجهز ويصل العامل

وقتها يبدا يضغط عليك ويقولك المحل مو ماشي وبعطيك 1000 الشهر مثلا بدل 3000

وقتها ما تقدر تتصرف انت متكلف مثلا 50000 ريال

اذا سفرته بتتكلف وبتطلع تاشيرة مرة اخرى وغير كذا بتتعطل اقل شي 6 شهور مثلا.
واذا بعت المحل ما يجيب نصف قيمة والمشتري طبعا بيكون عن طريقة لانك ما تقدر تنقل كفالته ع الشخص اللي تختاره بل العكس
طبعا الحين صعب تلقى احد يشتري محل مع نقل كفالة العمال لان العامل بعد نقل الكفالة يقدر ينقل مره اخرى بدون الرجوع لكفيله

انصحك تبعد لان القرارات جميعها صارت مع العامل ضد الكفيل والله المستعان