السلام عليكم

زي ماهو واضح في العنوان والموضوع جدي يا جماعه

لأن بصراحه لي ست سنوات اقدم بالطريقه اللي الناس تقدم فيها وما تمشي

ما ابغى اطول عليكم انا خلاص تعبت من البحث وعيوني تفقعت من كثر ما اشيك على مواقع االاعلانات الوظيفيه

ابغى واسطه في مدينة جيزان او صبيا او بيش قطاع خاص او حكومي

المؤهلات:
بكالوريس لغه انجليزيه + دورة حاسب 6 اشهر + خبره في معهد نيوهرايزن

التعليم هو اللي كانت دراستي عشانه خلاص صار مستحيل وكله شغل واسطات واضحه

البنوك البنك الاهلي البنك الراجحي بنك التسليف والادخار بنك البلاد بنك الرياض هذي اللي موجوده عندنا لها افرع نسائيه
الان سيرتي الذاتيه في الموقع لها سنين ولا احد شافها ولا اطلع عليها واذا فيه ما تجي

تقولولي روحي الفرع

اروح للفرع اقدم يقولي عن طريق الموقع ادخل الموقع يقولي لا يوجد وظائف حالياً او الوظايف اللي تنزل اغلبها في المدن الرئيسيه

وزارة الشؤون الاجتماعيه وزارة العمل وزارة الخدمه المدنيه وزارة الداخليه المؤسسه العامه للتقاعد هذي اللي اتذكرها كلها سجلت فيها واشيك من وقت لوقت ومتابعه الاعلانات الوظيفيه لكن نفس الشي مافي

المدارس الاهليه اللي عندنا كلها واسطات اروح اودي ملفي قالت مافي احتياج طيب خذي الملف قالت مافي احتياج كأنها تقولي احلمي يعني حتى لا تخلين ملفك عندنا

الجامعه ادق عليهم كيف التقديم على الوظائف الاداريه قال مافي وظايف وانتظري الى ما يجي اعلان وعمري ما شفتلهم اعلان ولو شفت ما كان دقيت

ابغى اعرف بس الناس اللي متوظفه عندهم كيف توظفت والمواقع شبه معطله و مافيها وظايف

ولما جيت ادرس دبلوم رسوم الدراسه مبالغ فيها فوق ال10 الف
من وين اجيب وانا عاطله
حافز يقولك ما نعطيك وانت تدرس طيب ؟! من وين اجيب مبلغ زي كذا

سبحان الله وبحمده سبحان الله العظيم ...

وعليكم السلام ورحمة الله وبركاته
أعانك الله ورزقك من حيث لا تحتسبين لا تطلبي من احد واسطة الله عزوجل هو اللي بيده كل شيء لا تترجين أحد يتوسط لك لأنهم بشر [/COLOR]مابيدهم شيء الله وحده اللي إذا قال كن فيكون عشان كذا افرشي سجادتك يوميا وادعي الله بصدق ومو لجاتك الوظيفة تنسين الدعاء يعني مو قت حاجتك تدعين ادعي الله بكل وقت طولت عليك بكلامي لكن اسأل الله أن يرزقنا واياك من حيث لا تحتسبين.

اختي في وزارة التربية والتعليم بالكويت طالبين معلمات لغة انجليزية ولايحتاجون خبرة للخليجين يعني قبول على طول بعد اجتياز المقابلة الشكلية فقط لاغير لان بالاساس محتاجين جداً
وراتب اكثر من9 الاف ريال تقريباً مبدائياً ، اختي قدمت وقبلت وسوف تباشر بعد ايام نحن بحفر الباطن والكويت قريبة بالنسبة لنا وانتي ان استطعتي فتوكلي على الله وعسى ربي يفتحها عليك ويرزقك

ما ارح ازيد على الاخوان ماقصروا .. عليك بالإستغفار وقيام الليل .. صدقيني إن الله كتب لك نصيب تتوظفي حتتوظفي رغم أنف الجميع .. علق قلبك بالله والله يرزقنا وإياكم من واسع فضله

جزاكم الله خير

كلمي الموارد البشرية
اكثر من مره لين يوظفونك أن شاء الله

سكون ونعم بالله ما قلت شي والحمدلله دايما ادعي لكن لما تلقين ناس تجيهم وظايف بهذي الطريقه بدون تعب شي يقهر
الله يرزقهم ما قلنا شي بس كمان احنا نبغى فرص
ديمغراطي جزاك الله خير لكن انا ما اقدر اروح الكويت ليت تكون عندنا فرص مثلهم
حبصلي و nazzal جزاكم الله خير واشكر لكم اهتمامك والله يرززقنا واياكم يارب