ضيقة عصّير ..

رحلة وهم · #1 (**permalink**) 03-10-2008, 09:56 AM

ضيقة عصّير

الضيقه إلّي دايم تالي عصير
وش حيلتي و أردها لاتجيني

لا طال ظل العود حزة عشا الطير
كنها على سجن الحديد تحديني
يضيق صدري كل ما جات و أسير
و لا يخفف سوج رجلي حنيني

لا حولنا مشرّاف و لا أقدر أطير

يالله قسمة خير لا تبتليني

و عقارب الساعه توقف عن السير
ما كن في الدوحه سواتي حزيني
و العبرة إلّي تاصل الحلق و تحير
يا قربها لو قيل لي يا عويني
أمِل شوف الناس وِرد و مصادير

و إلّي يقول شفيك كنه يهجيني

يعني على ما قيل من باب تصوير

لا أحدٍ أبي قرّبه و لا أحدٍ يبيني

أروح أدور خط ما به دواوير
و أدور إلي ...........
و آخذ مع الهاجوس سجه و تفكير
و أراجع إلّي فات بيني وبيني
و أحسّب ذنوبي و أدور لتكفير
عساي ما قصّرت في والديني ؟!

و عساي ما قارنت من ينفخ الكير

و إلّي يحمل المسك جعله قريني

و يطري علي يوم الحشر و أطلب مجير
ماأعطى كتابي في شقيقة يميني

و يطري علي صدقان كثر الدنانير
إلّي تعاديني إلا كثر ديني

و راع الهروج إلّي سوات المناشير
أصد عنه و أدري إنه يعنيني
الله حسيبة يوم عرض القوارير

و الله حسبي من صواب مكيني

وإلا طرا لي واحدٍ كانه صغير

أما أصغر بيومين ولا سنيني

دريت وش قومي و عينت تفسير

للضيقة إلّي من زمن تعتريني
حبه بصدري سالفة سر في بير
و كن الفواد يقول هذا ***ني
أشفق على علم يجي منه من غير

ما يسمع إلّي سولفوا به .. ونيني

العام أجيهم من حساب المسايير

و اليوم حال عداي وينه ؟ و ويني ؟

يا كثرهم غيرة ولكن خبر خير

ما غير شوفه في الوجود يهنيني

رايي كذا يا عاشقين الغنادير
ماله على وجه البسيطه وزيني

خطاي تعليق الأمل في المدابير

إلين راح و شفت حقري بعيني
صبرٍ جميل و خابر إنها مقادير
و الله على تخفيف حزني عويني

ذي حالتي لين أتغبا الشمس و أصير

معطى سراحي عقب ما أنا سجيني

و إلا أمتلأ جوف الشجر بالعصافير

طلبت من رب العباد يهديني

يعتقني المذن عقب ضيقة عصير
إلّي على سجن الفراق تحديني

محمد بن فطيس