مبلغ اربعين الف محتاره قرار مصيري

روزالين · #1 (**permalink**) 08-09-2015, 06:51 PM

السلام عليكم

انا اخذت قرض كبير لاني راح اسدد دين زوجي عشان يفكون خدماته ويقدر يتوظف
وراح يبقالي اربعين الف
حابه اسوي فيها مشروع يدخلي في الشهر اقل شي الفين ريال
لان راتبي ماراح يبقى منه الا 600 ريال ماتكفي حق مصاريف او فواتير او للمدارس و و و ...

الصراحه انا متخوفه اني ممكن اخسر ووقتها باكون جنيت على نفسي وعايلتي

ياليت الي يعرف مشاريع مضمونه ويكون له خبره مو بس كلام ..يدلني عليها الله ينور عليكم

نزف السحاب · #2 (**permalink**) 08-09-2015, 07:34 PM

انتي من فين اختي ؟

روزالين · #3 (**permalink**) 08-09-2015, 08:09 PM

في الرياض

نزف السحاب · #4 (**permalink**) 08-09-2015, 08:21 PM

كتبت لك كلام كثير ثم طار

شوفي عندي لك فكرتين ..
اولها شراء ملابس و اكسسوارات فقط من المواقع الصينيه و تبيعينها بالانستقرام
انا جربت هالشغله العام و استمريت تقريبا 5 شهور ثم وقفت
اذا اعجبتك الشغله بعطيك جميع ملاحظاتي فيها عشان تتجنبين الوقوع في نفس اغلاطي ..
و المشروع ممتاز ممتاز ممتاز بإذن الله

الفكره الثانيه
هذي مشروع قاعده اجهز له حاليا لكن نقصني الماده
لو حابه تشاركيني فيه راسليني ع الخاص اشرح لك الفكره و اوريك صور تجهيزاتي للمشروع
طبعا شراكتك بالمال فقط ، باقي العمل علي لان اعتماده ع التصاميم و الرسم و انا موهوبه فيه

بالتوفيق للجميع

abo fahd · #5 (**permalink**) 08-09-2015, 09:03 PM

مشروع بسيط لزوجك

مكتب عقار

ايجار محل + تأثيثه بمبلغ 3000 ريال + عمل زوجك وكل بيعه يطلع بمبلغ جيد وايجار الشقق

المحل ع حسب المكان الي يختاره

ممكن بـ 10 الاف للسنه وممكن 50 الف

أحمد 94 · #6 (**permalink**) 08-09-2015, 09:16 PM

أول شيء أهنيك على دخول التجارة أسئل الله أن يرزقك ويوفقك .. أول شيء لازمك فكرة بعدها تخطيط بعدها تنفيذ

قبل كل شيء إذا فكرتي في شيء أستخيري ثم توكلي على الله ولا تنسي الإستشارة ولا تمسكين أحد فلوسك إلا إذا كان أمين خليه يمشي لك

40 الف تفتح لك مغسلة ملابس بديكور بسيط بدون الإجار

أهم شيء العامل .. أتفقي معه أنك تاخذي منه مثلا 2000 شهريا والباقي حلال عليه طبعا أنا أفضل أنك تعطيه راتب بس المشكلة المتابعة صعبه والعامل ممكن يسرقك بالراحة علشان كذا قلت لك أجري

طبعا المغسلة تدخل ذهب إذا الموقع ممتاز

أسئل الله أن يرزقك من فضلة

زرقا اليمامة · #7 (**permalink**) 08-09-2015, 09:42 PM

الله يكون بعونك
لازم تكونين حريصة كل الحرص على مشروع ناجح
حتى ماتخسرين فلوسك
وانا من رايي انك تخليها عندك بما ان مصروفك الشهري 600 ريال
خليها لوقت الحاجه لو بديتي بعشر الآف او خمسطعش الف افضل
بالتوفيق

لن أصمد · #8 (**permalink**) 08-09-2015, 11:34 PM

الله يوفقك
نزف السحاب ياليت تذكرين ملاحظاتك عشان الكل يستفيد.ولك ألف شكر

سعد ابرا · #9 (**permalink**) 08-09-2015, 11:45 PM

الله يرزقك و من فضله
عندك موضوع هنا بالمنتدى
الطباعه معنا اسهل اعتقد
مشروع حلو و خاص لما يكون نسائي نسائي
من تطبعين مثلا صورهم الخاصه ع اكوب و بلوفرات و دروع و الملابس
راس ماله ما يوصل 10 الاف و ممتاز
ولا يحتاج عمال و لا رخصه
بالبيت "