السلام عليكم ..
اخوكم فدورة اﻻمن العام برتبة وكيل رقيب بتخصص حج وعمرة ..
طبعا من كثر م اسمع من العسكر هم العسكرية اتشائم واقول ليتني م تعسكرت وابغى اعرف هالشيء بين كل العسكر او ﻻ ..

وطبعا جتني وظيفة بشركة راتبها 7 اﻻف و احترت بسبي كلام الناس ع العسكرية ..

والسؤال هل اللي امر فيه الحين نفسية الدورة بس؟
عاد تعرفون نفسية الدورات خاصة ﻻ تعدت 6 شهور :《


المهم بدون مجاملات يخوان وحكونا ع مشواركم العسكري ..

والله نصيحه لك وانا اخوك خلك عسكري وكيل رقيب بالامن ترى راحه ويمديك توصل رئيس رقباء واعلى بعد

وظيفه حكوميه تعديل سنوي وترقيات وراتب واستقرار العمل الحكومي وتاخذ قروض اللي تبيه لكن قطاع خاص والله انها تعب وارهاق وعمل ساعات كثير وخصم راتب ولافيه قروض ولافيه استقرار واسال مجرب خلك بعمل حكومي لو يطلعون روحك نصيحه لوجه الله لا تتركها والله غير تندم لو تتركها تذكر مستقبلك بالعمل الحكومي خاص لو يعطونك عشر الاف ترى اكيد وراهم شي بس يحللونك على الفاضي واذا كان 7 الاف تلاقي اخر الشهر خصم وبدون سبب الكل يشتكي من القطاع الخاص العمل الحكومي حتى لو كرف والله فيه رجال طيبه تحترم الصداقه ... خلك وكيل رقيب نحصيه لا تتركها القطاع الخاص باختصار ماله مستقبل ولا امان ...

الله يووفقك صل واستخير وخلك بقرار واحد

تطلع من مضمون الا غير مضمون

نصيحة أخوية خليك عسكري وكمل دورتك وترجع بالسلامة أن شاءالله .
القطاع الخاص زي ماتفضل اخوي حماية .

مافيه استقرار مثل القطاعات الحكومية

الله يوفق الجميع لما يحبه ويرضاه

نصيحه وانا اخوك انا لى 6سنوات خاص قطاع والله تعذبت ماتزوجت ولا طقيت لى موتر ولا. بينت لى بيت نصيحه وانا اخوك خلك عسكري انا توني انقبلت بالجيش والله انى فرحت أحس أن الحياه انفتح لى الرزق والعسكريه راح تقدر تفتح لك بيت بس امشي على الخطه الحلوه اخوك سلمان عاطل 6 سنوات

الامن العام افضل قطاع ممتاز تداوم بدوريه وتقدر تنقل امن مهمات او مكافحة المخدرات او الدفاع المدني , وراتبهم ممتاز ما انصحك تروح قطاع خاص , امكن لو كنت بالجيش او الحرس الوطني بسبب عدم الاستقرار تروح قطاع خاص بس الامن العام ما في افضل منه الا الحرس الملكي هذول افضل قطاعين مع المباحث طبعا

اخي من وين جبت التخصص وانت مالك غير اسبوع من خلصت 45

غيركك خلصت 45 ب شهر 7 ولااعرف تخصص حقه


انت وكيل رقيب مافي تخصص حج وعمره لان يبون جنوود فقطط


انت تخصصك ي الدورياات ي امن الطرق او امن المهمات

انصحك ب عسكريةة

يعطيكم العافية يخوان ع ردودكم .. مازلت انتظر اﻻكثر ..

بخصوص اخوي ( ملازم بالدوريات ) ..
حبيت اوضح لك ان اﻻمن العام هالسنة الدخول كان ع دفعات .. فعلا فيه دفعة اخيرة حضرت بعد العيد ..
بس الدفعة القديمة كانت بشهر 7 يوم 7 وانا من ضمنهم ..
والتخصص من تاريخ القبول المبدئي عطونا خطابات حج وعمرة لمن طوله فوق 170 واﻻغلبية عندنا فالدورة ل هالسنة رقبا ووكلا رقبا وجميعهم راح يكونون بحج وعمرة حسب كلام المسؤولين لقلة صف الضباط في حج وعمرة طبعا اتكلم عن دورة مكة ..

اتمنى ان الصورة وضحت ي زميل ..

اخوي : الغالي خلك من االعسكـر .. انا صار لي 5 سنوات شركات خاصة وماخليت شركة ماتوظفت معهـا ..


استقرار وظيفي مافيـه .. 2 مديرك في اي لحظة ممكن يتغير ممكن يكون كويس يجي غيره ماتدري وش وضعـه

3 ماتدري من المدير عليك .. مافيه اهتمام مهما عطيت مابتحصل لا ترقيات ولا غيره .. 4 الانسان غير معصوم من الخطاء الاخطاء في الشركات تكرارها مشكلة .. الغيابات .. موضوع ثاني احيان عندك ظروف العسكرية بتقدر تمشي وضعك .. وعندك سعوديين بيقدرونك ويراعونك .. واخوانك الشركات بتلقى جميع الجنسيات ولا تتأقلم معاهم صدقني ...

اخوك : ابو عبد الله .. وانا والله اتمنى العسكرية .. لو جندي على بوابه فـ لا تضيع مستقبلك من يدك .. لكن عليك ب الصلاة .. وتحصين النفس ماتدري ياخوي يمكن محسود ولا شي .. فيه ناس في حفر الباطن واحد من الشيوخ يقولي والله ي جماعة الخير محسود على عمل دوام يوصل لين البوابة ويبكي .. ويرجع 5 كيلو لبيته .,. واسأل الله ان يوفقك .. ويكتب لك الجنة .. واصبر عشان ترتاح موفق خير

العسكرية حلوة للشخص الايجابي والنظامي بالدوام
ولا الشخص المبزوط ماتصلح له ولا راح يمشي فيها

شف نفسك انت ثم قرر