بالنسبه للنتايج قالو اسبوع او اثنين بالكثير ونتصل عليكم أو نرسل مسج
لأنو لمن طابقنا الورق وقعنا ورقة التعهد بمسمى الوظيفه والمقر وكمان ورقة ثانية سجلنا فيها رقمين للتواصل

لو سمحتو عندي سؤال
لمن تكون الوظيفة المعلن عنها واحدة ممكن يقبلو اثنين ؟؟
هل يعني يسير استحداث لوظيفة ثانية؟ أو المطلوب واحد ياخذو واحد؟

الله يوفقكم ي اخوات ويوفقنا جميعاا

بالنسبه للوظيفه اتوقع انها مو قبل الميزانيه

وبالنسبه لعدد الوظائف يمكن تغيير العدد اتوقع لو القسم كان محتاج وطلب


مس بريتي انتي تخصصك تربيه؟؟

السلام عليكم أنا مقابلتي يوم الاثنين كانت. كلية العلوم الادارية والاقتصادية -قسم اقتصاد.
الحمدلله حسيت المقابلة كانت كويسة والدكتورات ممتازات في التعامل واخلاق مرة
في البداية قالوا عرفي بنفسك ذكرت اسمي وتخصصي وكذا وان انا الحين ادرس ماستر والترم الثاني تخرج رجعت سالتني من اي جامعة البكالوريوس وكم المعدل والماستر في نفس التخصص قلت ايوة وكمانت في اي جامعة تدرسي الماستر.
بعدها يمكن حست اني متوترة سالتني لمى اي احد يجي للمقابلة يقروا عن body language
اللي هي لغة الجسد ايش تعرفين عنها؟ طبعا انا ما قريت عنها بس قلت لها دائما لمى اجي لمقابلة احاول ما اتوتر واكون مبتسمة واجاوب على الاسئلة بدون خوف فقالت لي يعني ما انتي متوترة الحين يعني ..فقلت اكيد شوي لاني قدام اساتذه كبار زيكم رفعتهم ... وكمانت قالت حابة اوضح لك شيء اكيد ما تعرفينه جامعة الطائف مو زي جامعة الملك عبدالعزيز عندها اوف يوم في الجدول كل يوم دووام وفيه ملاحظة على الاختبارات للدكتورات اجباري..وسالتني انتي من سكان جدة ايش راح تعملي قلت راح استقر هنا وزوجي راح ينقل معي ...

بعدها مسكتني وحدة ثانية سالتني لو وظفناك في القسم ايش راح تضيفين لنا ؟
جاوبت عليها باشياء عن تخصصي
آخر شيء سالتني رئيسة قسم الاقتصاد عن تعريف التضخم الركودي كنت ناسيه التعريف بس قلت اللي اعرفه عنه وقالت خلاص ..

اتمنى اني كتبت شيء يفيدكم ..

امينه حسيت،مقابلتك تشبه مقابلتي �� ونفس الكلام ماعندهم يوم اوف واجباري الاختبارات وكيف حتستقري بالطائف نفس الشي ��

شباب / شابات

أولا : أسأل الله لكم التوفيق
ثانيا / ياليت تحطوا حاجه في بالكم إذا الوظيفة مكتوبة لواحد منا والله لتكون من نصيبة عشان كذا إذا استعنتم فَاسْتَعِينوا بِاللَّهِ وَاعْلَمْوا أَنَّ الأمة لَوْ اجْتَمَعَتْ عَلَى أَنْ يَنْفَعُوكَم بِشَيْءٍ لَمْ يَنْفَعُوكَم إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَم بِشَيْءٍ لَمْ يَضُرُّوكَ مإِلاَّ بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلاَمُ وَجَفَّتْ الصُّحُفُ"
ثالثا / من سيرشح هي خير له من الله ومن سيتبعد هو شرصرف فلا يحزن ولا يتضجر وليفرح لأخوه أو أخته التي كتبت له .

رابعا / ياليت أحد يفيدنا عن معايير المفاضلة هل هي الاختبار التحريري أم المقابلة أم المعدل أم العمر

بالنسبة لمقابلتي مثلكم

دخلت ع اربع دكتورات ماعرف اساميهم بصراحه

سالوني 3 ووحده كانت مستمتعه

الاولى سالتني اش سويت من بعد تخرجي دورات دراسه الخ

الثانيه سالتني ع موضوع النقل والاقامه وقلت حانقل واسكوالثالثه سالتني سؤال عن رايي بموضوع بتخصصي وتفلسفت قليل بس الله يستر

والله يوفقنا

بالنسبه لمعايير القبول

كلها مهمه وكل واحده لها درجة عندهم بس اتوقع الاختبار والمعدل لهم الدور الاكبر ثم المقابله

مثل ما قالت ماجستيريه عاطليه اتوقع المقابله عليها 10٪‏ هم بس يبغون يشوفون ثقه الشخص وطريقه كلامه و شخصيتيه
و المعدل و الاختبار لها النسبه الأكبر طبعًا

والله يكتب لنا الخير وييسرلنا

ماجستيرية ....ايوا أنا ف كلية التربية
الطموح.... كلام رائع وسليم ميه ميه
الخيره فيما اختاره الله....دائما

أستغفر الله