السلام عليكم ورحمة الله وبركاته
أبغى استفستر عن المستقبل الوظيفي لماجستيرعلوم أحياء هل مستقبله مشرق أم نقصر الطريق من أوله مع العلم بأن تخصصي مختبرات طبية

والله ما عندي علمن اكيد .. لكن اقصر العنوه وتوظف وترزق الله
الماستر مايوكل عيش بدون دكتوراة والدكتوراة يبي له عمرن طويل
الا اذا أنت متيسرتن أمورك وعندك مصدر دخل من تجارة او غيره وسع صدرك بالماستر
وموفق خير ان شاء الله ..

اذا بتجيب معدّل ممتاز ابشر بالخير، لكن ماجستير علوم أحياء وين مجاله؟
مستشفيات؟ أو شركات أدويه، أو أيش؟ أو تدريس بجامعات؟ يعني يبغى لك تسأل الناس اللي يشتغلون بالاماكن هذي، غالبا التخصصات الدقيقة هذي محد يعرف عنهن شيء الا نادرا، ويمكن تتراجع أنت بسبب أن محد يعرف عنه شيء، وبالتالي يطلع له مستقبل مضمون.

عليكم السلام ورحمة الله وبركاتة

بتكون على المرتبة الثامنة وهذه مسميات الوظائف اما المستقبل ما ادري بصراحه لازم تسأل وتشوف او فيه طريقة انك ممكن ترجع لموقع الخدمة المدنية وبعدين المركز الاعلامي - الاخبار - اخبار الوزارة , وتراجع الوظائف المطروحه في كل سنه وتشوف العدد وتقرر , وممكن تستخدم البحث اللي فوق في موقع الخدمة المدينه وتبحث عن الاعلانات الوظيفية

https://eservices.mcs.gov.sa/rmcs/fu...px?chnid=00706
+
https://eservices.mcs.gov.sa/rmcs/fu...px?chnid=50807
+
https://eservices.mcs.gov.sa/rmcs/fu...px?chnid=50808
+
https://eservices.mcs.gov.sa/rmcs/fu...px?chnid=50809

يعطيك ربي ألف عافية يا تغيير

أولا حدد هدفك من الماستر
يعني تبي تشتغل في مكان محدد ومن شروطة حصولك على الماستر
ثانيا ليش تبي أحياء ماتكمل في تخصصك
أشوف المختبرات ماشاء الله وظائفهم أكثر وحتى الرواتب
ثالثا الأحياء تخصص مظلوم ماهو ما خذ حقه
فالأفضل (وهذا رأيي) تشوف تخصص ثاني أحسن لك
رابعا الخبرة أولا وثانيا وثالثا
يعني الخبرة هي اللي تدعم الشهادة
وتحصل وظيفة أحسن

مستقبلك حسب حبك للتخصص ومعدلك يحدد.
اذا المعدل طيب فالمستقبل المحتمل تدريس في الجامعه.
ونصيحه لاتسمع للمحبطين كمل اذا حاب التخصص.
تجاهل اللي يقول فرق الراتب عن البكالوريوس بسيط وغيره، وتذكر ميزة الماستر بالنسبه للموظف غير اعضاء التدريس ان الترقيات سريعه.
وبالنسبه اذا وفقت في وظيفه عضو تدريس او استاذ مختبر فالراتب جيد وغالبا تجبر على اكمال الدكتوراه.

إذا ضروفك ماديه تسمح كمل ماستر ببريطانيا
مدته فقط سنه
هذا في حال معك لغه
وبتوفيق

انا سمعت ان البكالويوس بالخارج اصعب من هنا

اما الماجستير بالخارج (الدول الغربية) اسهل من هنا ((((طبعا اذا كنت توب بالانقلش))))

بحكم تجربتي بالماستر اشوف تدرس وتتوظف بنفس الوقت لانك بتنصدم بالواقع لتخرجت للأسف حتى واحنا معانا ماستر لازلنا نبحث عن وظيفة من وجهة نظري اذا تقدر تدرس وتكمل مع بعض بنفس الوقت أفضل بكثير أما اذا كانت وظائفكم بهذا التخصص بعد ماتتخرج من الماستر مضمونه فكمل بدون وظيفة وركز بدراستك .
بالتوفيق.