15-09-2015, 04:34 PM
|
عضو جديد
|
|
تاريخ التسجيل: Aug 2015
المشاركات: 18
معدل تقييم المستوى: 20
|
|
|
أجازف والا لا ؟
السلام عليكم ورحمة الله وبركاته
بقولكم موضوعي باختصار وياليت ما تبخلون علي بمشورتكم
انا جامعية خريجة انجليزي
تخرجت من سنتين وقدمت على جهات كثيييير
ولكن للاسف اغلبها وانا مااعمم تدخل فيها الواسطه
يعني ممكن بنت اقل مني بالمؤهل تاخذ مكان افضل مني والارزاق بيد الله ولكن ياليت كل وحده تاخذها بجدارتها
انا عندي لغه ودورات كثير وافضل مكان عطاني راتب 6000 هو موظفة خدمة عملاء بشركه سفر ودوامها شفتات وبعيده عن بيتي واغلب البنات اللي معاي ثانوي
قبلت فيها والان لي سنه ونص معاهم وخلال هالسنه قدمت وبكل اختبار اعمله يارب لك الحمد انقبل لاني املك معلومات وثقافه واطلاع ولله الحمد
لكن من تجي ساعة المقابله مادري وش يصير
ادخل واثقه وابدع بالمقابله ولكن للاسف دايم تطلع النتيجه مخيبه للآمال
والحمد لله على كل حال
المشكله اني من كملت سنه بداومي هذا وهم بادين يمارسون علي انواع السياسات التطفيشيه
اولها فصلوني فصل تعسفي لاني غايبه 8 ايام متقطعه بدون عذر
فصلوني بدون توجيه اي انذارات قبل الفصل
ولاني اعرف القانون واعرف انو قانونيا لايمكن فصل اي موظف بسبب الغيابات الا اذا تغيب عن العمل 5 ايام متصله او 20 يوم منفصله بدون عذر على ان يتم توجيه انذارين كتابيين قبل البت في اجراء الفصل
فلما واجهتهم وحسوا اني فاهمه بقانون العمل تراجعوا عن الفصل واكتفوا بانذار
فاللي صار من بعد الموضوع انهم على ادنى شيئ يوقعوني يدورون علي الزله يعني بالعربي يطفشوني
وكل شوي يستدعيني المدير ويستعبط علي وانا من الاساس ما احب اتعامل مع الرجال وجالسه بحالي بالقسم النسائي
الخلاصه
اني افكر جديا اترك العمل وافتح لي بزنس خاص لحد ما يرزقني ربي الوظيفه اللي تناسبني
ف وش رايكم ؟؟؟
التعديل الأخير تم بواسطة جواز دبلوماسي ; 15-09-2015 الساعة 04:50 PM
|
العرض العادي
