موضوعي اليوم عن مشكلتين يواجهونها اصحاب المشاريع الصغيرة بسببب ثقافة المجتمع وارجو التفاعل من اصحاب المشاريع والمقبلين على اقامة مشاريعهم
اول نقطة المشاريع الوطنية يااخوان ويااخوات بما ان الان التوجه لاقامة المشاريع كبير هذا فيه منفعه للبلد ويعتبر حل من حلول البطالة لذلك تحتاج مننا دعم لابد نعطيهم الاولوية وندعمهم بأي شكل لان بدعهم انت تدعم انسان تدعم اسرة تدعم وطنك تدعم مالك
المشروع هذا لو كبر بيزيد عدد موظفينه وكذا تعتبر ساعي في فتح باب رزق لغيرك
المشروع الصغير لو كبر بيستفيد ويكبر معاه مشروع اخر
مثلا مشروع بوفيه يحتاج يشتري بيض بكميات ياخذه من محل اخر وهكذا المحلين يستفيدون
بتقولون واحنا كمواطنين وش نستفيد انتم تستفيدون الامن والامان
اذا اقتصاد بلدك بيد اهل البلد لاتخاف
اذا في يوم احتجت انت او ولدك او اخوك تفتح محل او مشروع ابن بلدك يدعمك ويساعدك ويعلمك مايخفي عنك من اسرار المهنه عشان ماتنافسه وبيشتري منك بعد وبيورد لك

النقطة الثانية اللي عندهم حسد وغيرة وتنافس غير شريف
مايبي احد ينجح ولايحب يشوف احد ناجح
في قصة للرسول صلى الله علية وسلم قال للصحابة لما زادوا التجار سعر السلعه ارخصوها انتم
بمعنى اتركوها وكفى
بمعنى اكفي خيرك وشرك عنه
الحين وش نشوف من البعض سواء كانوا تجار صغار او كبار
يشوهون سمعة المنتج او الشركة او الشخص
يسبون
يحسدون ويلعنون
يحاربون التاجر ومنتجه سواء باشاعات او بالبحث عن سقطات ولوكانت تافهه
التحدث بسوء عنه والغيبة
شي لايرضي الله ورسوله ولايفعله شخص يخاف الله
انا شفت مشاريع صغيرة للاسف محاربة مو بس من المافيا الاجنبية بالسوق بل من المواطنين انفسهم
وشفت مشاريع مميزة وقادرة انها تحقق اكتفاء بدل الايدي الاجنبية واعمالهم المشبوهه المغشوشه لكنها افلست بسبب ان المواطنين مايشترون منهم واذا سالت عن السبب قال محلهم ومنتجهم واسعارهم مناسبة بس ماابي اخذ منهم ويروح عند اصحابة يقولهم لاتشترون منهم خلونا نشتري من ماكدونالز مثلا

اكيد انتم واجهتوا مواقف مثل هذه ابي رايكم ونصيحتكم لبعضكم
وانتم كمواطنين هل سبق لكم دعمتم مشروع وطني او مواطن يبي ينشئ مشروع؟ وكيف؟ وايش اثر هذا الشي عليك ؟
وانت كصاحب مشروع هل وجدت دعم؟ وكيف اثر عليك
واللي نجح بمشروعه وش كان دور الدعم بنجاح مشروعك وضحوا للي يستخفون بالدعم سواء بكلمة او شراء او نصح صديق بالمشروع او نشر اعلان
واللي مايدعمون وش شعوركم لاشفت مشروع وطني مميز تقفل؟
ووش شعورك لاشفت مشروع وطني جيد بس ينقصه شي هل تنصح صاحبة او تحاربه بالنقص اللي عنده سواء كنت منافس او غير منافس له؟

وين اصحاب المشاريع

في اعتقادي أن الحل للمنافسة الغير شريفة
أو الحرب الخفية بين المواطن والأجنبي

هو الإبتكار والتميز ..

بدلاً من تركيز الجهد على المنافسة وطريقة إزاحة الآخر
يتم التركيز على عمل شيئ مختلف يجذب العملاء ..

من يريد العمل بالتجارة بنوع معين
فهو يكون بالمنتصف بين المورد والعميل ..

لذلك يقطع عليه الأجنبي الطريق إلى المورد
وبالتالي لا يصل للعميل!

ولكن بالتميز والإبتكار تكون بعيد عن هذه المنافسة الغير شريفة
لانهم لا يعرفون كيف يتصرفون في هذه الحالة ..

المنافسه الغير شريفه و الحسد و و و ....
هذي موجوده بكل مكان مو بس بين التجار ..
حتى بين الموظفين ..

يعني لا يحطها عذر و يقعد معشش مكانه .. يشتغل يحاول و يسعى و التوفيق من الله ..

لكن الواحد يخلص النيه و ربي معاه .. بينصره لو بعد حين
لا يعلق قلبه بأمور الدنيا ، الحياه فانيه


اكتفي بهالقدر لأني بديت احس اني بنقلب عجيز




بالتوفق للجميع

الله يوفق جميع ويجمع قلوبنا ع بعض بس للاسف كلن نفسي
وهمه نفس

يابعدهم لو حنا لبنانيين كان كل النقاط المذكورة اختفت

مشكلتنا الاساسية ياخوان هي العمالة الوافدة المسيطرة على كل شئ مدعومين من بني جلدتهم التجار كم شاب سعودي خرج من السوق بسبب المنافسة غير الشريفة وكم شاب تقمص شخصية الاجنبي لكي ينجح في تجارته حتى اصحاب العقار يفضلون الاجنبي عليك لانه يدفع ايجار اكثر انا لا الوم الشاب انه ياجر محله على الاجنبي ويرتاح لان هذ الحل الوحيد يا تأجر او تخسر
الحل الوحيد هو تنظيم السوق والقضاء على تكتلات الأجانب خاصة اسواق الجملة والموزعين كذلك صرف راتب لشباب اللي يشتغل في محله من الموارد البشرية والغاء شرط ان يكون مدعوما من صناديق التمويل
نجي لسعودة اللي ضيقت كذلك على الشباب
مادمر السوق الا وزارة العمل ووزيرها السابق عادل فقيه فقط كان يريد زيادة اعداد السعودة باي طريقة لايقدمها للملك ويقول قضيت على البطالة الان في قرار يدرس يخير صاحب العمل بدفع 4 الاف للموارد البشرية لمن لا يستطيع توظيف سعودي وهذه القرار فرح به الكثير يقول ادفع للحكومة ولا اوظف سعودي
من اللي تأثر من السعودة هي المنشأت الصغيرة والمحلات الصغيرة واغلبها صارت للتقبيل وانضموا اصحابها الى قائمة البطالة الحل هو تطبيق السعودة على الشركات المتوسطة والكبيرة ودخلها بالملايين ماهو تطبق على محل دخله لا يتجاوز 5000 الاف او 10000 الاف لانه اغلبها تروح ايجار وراتب للعمالة وكم يصفى له في الشهر

يعني كل شئ ضدك وتبغون الشباب ينجح
تحياتي