السلام عليكم ورحمة الله وبركاته

اولاَ بحكي لكم اللي صار معايا

اشتغل في مستوصف أهلي لمدة قصيره وطلعت من عندهم 25 رمضان

وبعد تعب وقلق اعطاني أخلاء الطرف بتاريخ 5/11

واخذت اخلاء الطرف وتوجهت للتأمينات الفرع النسائي بمنطقتنا
للأسف دخلت عليها واقولها ابغا اسقط اسمي من التأمينات
تطالع فيني بضحكه بارده تقول انا جديده م اعرف شي لسا>جنبها 4 مكاتب فاضيه

(وانا مقدمه على التأمينات اللي بمنطقتنا 4 مرات ومؤهلي مساعدني بكالريوس نظم ملومات+دبلوم حاسب+25 دوره أداريه لكن حسبي الله ونعم الوكيل)
المهم قالت لي
خلي اخوك ينزل الفرع الرجالي

واخويا اصغر مني بكثير نزل وقال له موظف التأمينات انا ما اقدر اسقط الأسم لازم المدير حق المستوصف والمدير مصري من اول ماطلعت وانا اقول له اخرج اسمي مو راضي .؟!!

اتصلت على اخويا وكلمت الموظف بنفسي وقلت له من رمضان وانا اقوله خرج اسمي مو راضي يعني بدال ماتعاقبونه تقولون لي ارجعي له.؟؟!

المهم رجعت اتصلت ع مديري المصري وقلت له لو سمحت موظف التأمينات فلان الفلاني يقولك طلع اسمي وبالفعل بنفس اليوم المساء وصلت رساله ان اسمي خرج من المؤسسه

الحين الاسم طلع له شهر تقريباً

ولما استعلم من التأمينات من الموقع واحط السجل المدني كذا يطلع لي


أنت مسجل حاليا وملتحق بعمل خاضع لنظام التأمينات الاجتماعية
إذا كنت فعلياً غير ملتحق بعمل ينطبق عليه نظام التأمينات: نأمل إبلاغ المؤسسة عن استغلال اسمك في السعوده الوهمية بالضغط هنا




وش هالاستغلال حسبيي الله ونعم الوكيل عليهم

انا اجيبها من البطاله ولا من ذولا .؟َ!

المطلوب منكم
1- اللي يعرف كيف اشيل الرساله ذي من التأمينات يكتبلي لاني والله تعبت من ذا الموضوع
2-الفتره اللي كنت اشتغل فيها كانو يسحبون من راتبي بمعدل 400 من فين آخذ اللي سحبوه مني.؟



والله يرزقنا بالوظايف الخير لنا ونرتاح فيها من الاستغلال

اكيد اسمك ما انشال من الشركة وهما يدعون أنهم حذفوه كعادة الشركات اولاً ادخلي وسجلي في موقع التأمينات اون لاين وشوفي اسم الشركة الى مسجل اسمك عندهم إذا كانت نفس الشركة لازم تشتكي عند التأمينات لعدم حذف الاسم + اخلاء الطرف وبكذا تنحل المشكلة وتابعي مع التفتيش في الـتأمينات حتى تتم المعاملة .

ارفعي شكوى عن طريق التأمينات الاجتماعية اون لاين ترفع الشكوى