السلام عليكم ورحمة الله وبركاته
إخواني الإعزاء
ابي استفسر منكم
أنا طالب دراسات عليا وباقي لي الرسالة ( يبي لها سنة) بإذن الله وأنتهي من دراسة الماجستير ( الله يتمم لي على خير) ويرزقكم من واسع فضله.
جتني فرصة قبول معيد في الجامعة الإلكترونية لكن فيها شرط إني ادرس ماجستير ودكتوراه في تخصص آخر قريب من تخصصي.
والماستر اللي ادرسه حاليا اسمحو لي أناقش الرسالة لكن ما يبونها.
وش رايكم
1- أقبل واروح برا أدرس 3 سنوات ونص او 4 ماستر ( مع اللغة) ثم ادرس دكتوراه الخ...
2- أكمل دراستي هنا وبعد سنة إن شاء الله ابدا أقدم على الدكتوراه داخليا أو حتى خارجيا ويمكن الله ييسر لي وأنقبل محاضر أو حتى معيد هالسنة وأكمل دكتوراه مباشرة بدون إعادة الماستر.

وش رائيكم يا أخواني ..

ا

الافضل اكمال اللي انت بديت فيه، عصفور باليد ولا عشره على الشجره،، ثانياً اذا ابتعاث الماجستير لبريطانيا الماجستير فقط سنه ف مو خساره اذا كان
ابتعاثهم مضمون، بس قبل ماتخاطر تأكد لان

وحده من البنات احدى الجامعات عطوها

امل يقبلونها ونجحت ب اختبارهم و اجتازت
المقابله و وقعت
التعهدات و بالنهايه ارسلو لها ايميل اعتذار

انها احتياط، لا تخاطر وكمل دراستك
وأهم شي استخير وأسأل اللي حولك ون شاءالله الاخوان بالمنتدى يفيدونك أكثر

هلا أختي
الله يوفقك شكرا لك على الرد

إكمال الدراسة بيكون في إمريكا
+
أنا لغتي الإنجليزية ضعية جدا
احتاج سنة ونص لغة + سنة ونص او سنتين حتى انتهي من الماستر

أنا سؤالي هل اعيد الماجستر من جديد 3 سنوات ونص
او
اكمل هنا بتخصصي وخلال الثلاث سنوات ادرس دكتوراه بدل الابتعاث وتغيير التخصص
..
شكرا لك مرة ثانية

ليتك علمتنا بالتخصص ..
عموما عرضهم جيد هل قالوا بانه يجب ان تدرس كمعيد سنة ثم يبتعثونك؟؟

اخوي انت متأكد انهم راح يبتعثونك على طول؟ في حال الجواب نعم اكيد الابتعاث افضل، اذا ما كان هالشي 100% اكيد لا كمل باللي انت تدرسه، عموماً الابتعاث ل امريكا مو ذاك السهوله يبي له احد يشد حيله، كذلك بكل مكان الافضل تختار بريطانيا صح الماجستير ضغط بس مدته سنه فقط، مافي تخصص مو مطلوب في حال انه كان عندك دورات كثير و اخترت تتوظف بمكان فيه فرص وظيفية تناسب تخصصك،، عموماً اذا موضوع الابتعاث مو اكيد لا تخاطر ابد، وبكل الحالات استخير، موفق

هلا أخواني .. الله يعطيكم الف عافية ويرزقكم من واسع فضلة

انا تخصصي إعلام - علاقات عامة
الجامعة بتبتعثني إعلام إلكتروني

الأبتعاث بيكون السنة الجاية إن شاء الله ..(بعد ما انتهي من مناقشة رسالة الماجستير مباشرة)

سألت وكل واحد يقولي رأي ...
انا الإعادة كانت ولا زالت حلم. (هو على الله سبحانه وتعالى هين ). بس أشوف أن عرض الجامعة كأني أبدا من جديد .. وأشوف أنه فيه فرص قادمة بإذن الله في جامعة الإمام والملك سعود ومعهد الإدارة ..الخ هذي الجامعات ممكن تقبلني هالسنة معيد وتسمح لي أكمل بنفس التخصص.. أو محاضر السنة الجاية.. بإذن الله.>دعواتكم
يعني على الأقل إذا تبي تبتعثني يكون الابتعاث للدكتوراه مو إعادة ماجستير..

أنتظر رائيكم مرة ثانية

شوف وانا اخوك موضوع توظيفك بعد الماجستير بيكون اصعب من البكالوريوس لان عندك رساله وتخصص معين ممكن مايكون مطلوب كثير في الجامعات...

لكن بما انك بتتوظف وتبتعث انا انصحك فيها بشدة وهي المستقبل..انت لاتقدم علي خطوه الاعتذار عن الدراسة الابعد ماتوقع عقدك مع الجامعه وتضمن منصبك..

اللغه اسهل منها مافي حتي لو لغتك مو ذاك الزود ترا كل العالم تمشي يبي لها بس تركيز...

قرار ابتعاثك بيكون ماجستير +دكتوراه مع اللغه يعني ممكن تكون المده طويله...

اخيرا الاستخاره هي المفتاح وقبل كل شي لاتنساها،،،،،

بالتوفيق يارب

هلا بك أخوي
الله يعطيك الف عافيه .. شكرا على الرأي والإفادة .

مدري أنا أحس أن مدة الدراسة طويلة.. يعني الأربع سنوات اللي راح ادرس فيها ماجستير أقدر هنا أخذ فيها دكتوراه بإذن الله..
وبنفس الوقت أشوف أن نظام الجامعة الإلكترونية مستقبلا ما يفيدني .. لأن مقابلة الطلاب قليلة وأغلبها عن بعد..


اتمنى من باقي الأعضاء يتفضلون بكتابة ارائهم...

^
ياخوي عادي فيه كثير من دكاترة الجامعات عندهم تخصصين للماجستير ..
المهم انك تكمل دراستك الحاليه ولا تعتذر تبقى القليل ..
وبالنسبة لاشتراط الاكمال ف نفس التخصص هذا شي روتيني لكل الجامعات عند التقديم ع وظيفة اكاديمية لابد من التوقيع على تعهد اكمال بنفس التخصص ... لكن ان كان تخصصك الحالي قريب من اعلام الكتروني تقدر بعد الانتهاء ترفع طلب التقديم على محاضر بس لها شروط وبالنسبة للالكترونية ضروري تكون لغتك قوية لان الدراسة باللغة الانجليزية ...
الله يكتب لك الخير