السلام عليكم

انا طالب ثالث ثانوي علمي فصلي من يوم ونا صغير اتمنى ان ادخل الدوريات الامنيه برتبه ملازم اول ابغا شرح مفصل اذا ما عليكم امر عن كم نسبه اجيب و وين ادرسس الجامعه و اي تخصص ادخل و وين اروح بعد ما اخلص جامعه ... وللعلم انا ابغا الدوريات الامنيه فقط هل اقدر اختارها ولا هم يختارون لي؟

و السبب اللي يخليني ابغا الدوريات الامنيه

السهر على حمايه المسلمين و حمايه الوطن و تطهير الشوارع من من يفسدونها و راح اكون عاقبه افعال المجرمين

وثاني شيء هذا العمل اللي يعجبني واحس اني راح ابدع فيه

وعشان كذا ابغا الدوريات الامنيه فعلموني خطوه خطوه كيف ادخل الدوريات الامنيه و راح اكون شاكر لكم

انا نفسك ثالث ثانوي والظاهر ان القلوب عند بعضها لان حلمي نفس حلمك بالضبط الله يوفقني ويوفقك ويحققلنا حلمنا وان شاء الله الشباب يفيدونا ما يقصرون

بالتوفيق اخوي احمد شد حيلك وان شاء الله نكون مع بعض يوم من الايام 😊

ترا ماهم معطينك فورد تستلم عليه ههههههههههههههههه
الضابط مايسوق الدورية يمكن يرافق في بعض الحالات

بالنسبة لطموحك عسا الله يرزقك اللي تمناه لازم تخش جامعة وتتخرج بمعدل حلو وتقدم عالامنيه عاد حسب الاحتياج والتخصص يحطونك بالقطاع ( وفيها واسطات التعيين ) يعني مكافحة ولا امن عام ولا طواري ولا مباحث و لا تتعين بالكلية الخ .....

وترا الحرس وكليات الدفاع طيبه ( بس حريسان يبيله واسطه تشق الارض اسألني انا مجرب والله العظيم )

يعني هم يختارون لي القطاع مو انا و ثاني شيء ليش الضابط ما ينزل الدوريه؟

شغل المطاردات فالشوارع الي انت تفكر فيه هذا غالباً عمل الجنود

لأن الضباط عملهم قياده وتوجيه ونادراً ينزلون الشوارع ..

انت ادرس جامعه وصدقني اذا وصلت اخر سنه فالجامعه وصار عمرك 23 او 24

صدقني راح يتغير تفكيرك 180 درجه

وتصير تبي وظيفة مريحة في مكتب .. لأنك الان ما شاء الله متحمس ونشيط ..

عموماَ الدوريات الأمنية تبع قطاع الأمن العام وطريقة دخولك للامن العام تجي من كلية الملك فهد الأمنية ..

وتوجيهك من الكلية يكون من عندهم وعلى حسب درجاتك اثناء الدورة ..

التخصصات الجامعيه الي لها قبول طيب في الكلية الأمنية هي :

التربية البدنية , التخصصات الشرعية

وانصحك بالبدنية مع معدل عالي ..

وفقك الله ..

الله يوفقك اخوي اللي يبي الدوريات الامنية يقدم على كلية الملك فهد الامنية وطبعاً هم اللي يعينونك مو على كيفك وحسب احتياج القطاعات وترتيبك للرغبات ايضاً والواسطات اكيد.
والضباط ينزلون الدوريات لكن الجنود هم اللي دايم يكون شغلهم ميداني الضباط في الغالب مكتبي .
اما التخصصات اللي تبيها الامنية زي لغات وترجمة وادارة اعمال وشريعة وتربية بدنية وعلوم حاسب وهندسة وطب وصيدلة وعلوم طبيبة هذي في الغالب يعني

كويس شغل الضباط اجل ... وعندي سؤال وش اسهل تخصص يضمن لي الكليه الامنيه و بنفس الوقت سهل و اخلص منه بسرعه و سمعت ان التربيه البدنيه تدخلني برتبه ملازم و دراسه سنتين في الكليه اما التخصصات العلميه تدخلني برتبه ملازم اول و دراسه 9 شهور في الكليه هل هذا الكلام صحيح ولا

حلمك غريب ويثير الشك