السلام عليكم
أنا بحرس الحدود
و عندي استفسار بس بليز لا أحد يقول أرجع لوظيفتك و نصايح .. الخ
لاني طفشت من اهلي و من زملاي بالعمل مو ناقصكم هنا ههههه
بس أبغى أسرع طريقة للفصل و إخلاء طرف و تعديل مهنه أوكي !

أنا خريج معهد جدة و صدر قرار تعييني بتاريخ 9 / 3 / 1433
و أعمل بالمنطقة الشرقية و رتبتي الآن جندي اول و خدمتي الان 3 سنوات و 9 شهور
أنا و الله ما أبغى حقوق ولا شيء أن كان في أساسا أبي بس الفكة بأسرع وقت ممكن

أستفساري يا سادة هو ك التالي

- أسرع طريقة للفصل ؟ ما هي الإجراءات ؟ كم تستغرق الإجرائات حتى أحول مهنتي ؟
و الله يرحم والديكم أفيدوني

علما باني لي يومين غايب عن عملي
و يتصلون ما ارد عليهم

العن ابليس وانا اخوك غيرك يدور حق بنزين

وانت خدمه وراتب وتبي تفصل

ع العموم نصيحه لوجه الله ولمستقبلك

امسك ارضك والعن ابليس والكرف في كل مكان

والله لو تجرب العطالة شهر لتعيف حياتك

وفكر في نظرة الناس لك بتكون احتقاريه بقوه
والرزق من الله

الزبده الله يوفقك وراجع حساباتك

الله يعين بس < طيب ي خوي بستفسر منك كم رواتب عريف فني شبكات انا توي مخلص ال 45 وهل اباشر ع نفس تخصيي ولا والعمل مكاتب ولا شو ؟؟ ..................... وش سببب فصلك منها واذ ممسكه معك فصل رح لهم وقدم استقاله وشوف وش يقلون لك لان هنا ماحد يفيدك بشي راجع اوراقك بتفسكك .. والي اعرفه ان طولت وانت ساحب عليهم فيها توقيف قبل تعدل المهنه

ياولد العن الشيطان والله لو تجلس شهر بدون عمل ان تكره نفسك انا ابوي متقاعد من حرس الحدود عام 1430 وكان في عردة بالربع الخالي يستلم شهر ويسلم شهر واقسم بالله انه بعض الاحين يروح قبل انتهى الشهر من الوناسة والحين وده يدفع 100الف ويرجعونه
انا مالي5شهور تخرجت والنفسية طاقتني لا اخر درجة
واسمع ابعطيك بعض النصائح لا فصلت وانت بصرك بنفسك
اول شيء
من وين تبي تصرف على نفسك تبي تطلع مع اخوياك وتبي تعبي بنزين وبيجيك بكرة ضيوف من وين بتضيفهم
وانت الحمدلله الحين قدك رجال واكيد وانا واثق انك ماتتجرى تقول لبوك عطني 20قيمة بنزين ولا 100 قطة مع اخوياي
ياولد نصيحة اعرفلك ناس متخرج من عام 1425 لا الحين ماحصل وظيفة
بعدين اذا انت تبي اهلك دورلك دقيش فالمنطقة اللي فيها اهلك وتنقل ع طول
بس الفصل لا تفكر فيه حط عليه مليون خط بكرة من وين تصرف على نفسك
وعلى علمك تراء اذا فصلت حتى لو تعدلت مهنتك ماتقد تسجل في اي قطاع ثاني مرة عشان كذا العين الشيطان وامسك وظيفتك ومن بغى الدح ماقال اح
والكرف موجود في جميع القطاعات

من بغى الدح ماقال أح تعوذ من الشيطان وخلك صبور تراء بكرة الناس مايرحمونك وماراح احد يبي ينفعك حتى ابوك

شكرا جزيلا لكم
هذا قراري أتخذته مبني على تفكيري المسبق
أخواني أحد يعرف الإجرائات ؟

ياخي فكر نصيحه

يارجال والله غيرك يتمنى الوظيفة لو على الجبهه يتوظف ويصرف على نفسه إذا أنت منتا مرتاح انقل قريب اهلك بس لا تفصل ياولد محد راح ينفعك غير جيبك

السلام عليكم ورحمة الله

استهدي بالله وصلي على النبي لو أن ظروفك الصحية تمنعك من مزوالة العمل في إجراء إداري هو تحرير خطاب موجه لرئيسك المباشر تشرح فيه ظروفك الصحية مرفق به تقرير أو تقارير طبية لعلهم يحولوك لوظيفة إدارية تقديراً لظرفك الصحي