السلام عليكم ورحمة الله وبركاته .. كل عام وانتم بخير
حبيت استفسسر
انا طالب تخرجت من الجامعة الفصل الصيفي تخصص المحاسبة وابي اعرف طريقة التقديم على البنوك هل هي الكتروني او اقدم السي في للادارة الاقليمية للبنك علما ان سبق جيت الادارة الاقليمية يقولون التقديم عن طريق النت واذا قدمت عن طريق النت كم يبغا لهم ويردون علي "الفترة الزمينة ويردون علي" كم شهر شهرين ..عشان يردون علي سوا بمقابلة او أي شي اخر علما معي خبرة 3 سنوات محاسب في مووسسة كنت اداوم مسائي ودورة في الحاسب . وابغى اعرف كيف احدث بياناتي اذا سجلت في موقعهم .

اعتذر عن الاطالة , لاتبخلون علينا بالردود
الله يوفقكم ويرزقكم من حيث لا تحتسبون .......

السلام عليكم

أفضل شيء تقدم بنفسك عن طريق شؤون التوظيف لكل شركة،
طبعاً لو رحت للبنك وسألت الموظفين خارج شؤون التوظيف بيقولون لك قدم بالنت هذا شيء معروف...

بالنسبة للتقديم عن طريق النت فيتم عن طريق موقع الشركة او البنك نفسه .. قسم التوظيف او الوظائف الشاغرة، تسجّل كمتقدم باحث عن عمل ثم تعمل تقديم على الوظائف الشاغرة المطروحة بالشركة، بعد ذلك لايحتاج تحديث، ماعليك هو التقديم على الوظائف التي تراها مناسبة وهذا يعتبر هو التحديث


بالتوفيق

مشكور اخوي وطني على الرد القيم بخصوص بنك الراجحي والإنماء وين الادارة الإقليمية لهم

الله يوفقك ان شاء الله بس انت في اي منطقة مقدم

أنا بالنسبة لي بعض البنوك صار لي مقدم عليهم أكثر من سنة وللحين ما جاء منهم رد

انا من المجمعة وين الادارة الإقليمية اللي اروح لها وأُقدِّم السي في الرياض ولا القصيم ؟! بانتظار باقية الردود

مودير وش شهادتك بكالوريوس ولا دبلوم ومعك خبرة ولا لا .

الله يوفق الجميع

انا بكالوريس إدارة جودة وعمليات , وماستر في إدارة نظم المعلومات .. ولي 6 شهور مقدم على البنوك ولكن دون أي رد يذكر , والآن تواصل معي بنك الخليج الدولي وكنت مقدم عليهم عن طريق بيت دوت كوم , ولكن الإجراءات صارت أصعب , وصارت البنوك اكثر إنتقائيه لموظفيها .. الله يكتب اللي فيه خير ويسهل امورنا ..

لكن الإنتظار لابد منه وممكن توصل سنه تنتظر! لكن الأمل دائماً في الله كبير ..