أيش نسوي أكثر من كذا بس
الوظائف بدون مفاضلة حتى وان أستحدثوا وظائف جديدة راح تروح للواسطة والمحسوبية مثل الحاصل الحين

مدري أيش نسوي ، يمكن لو خلوه مفاضلة راح يهتموه فيه مثل جدارة مهتمين فيه كثير والعين عليه ومفاضلات ومواعيد يعني شكل مرتب

أخوي محمد مرة قلت أنت أنك قدمت على وظائف الأمارة ماراجعت فيه مرة ثانية

أسال الله العلي العظيم أن يرزق الجميع الرزق الحلال يارب العالمين

الحين وصلنا صوتنا للديوان الملكي نتظر أيش يصير وان شاء الله خير
الحين وظائف الأمارة والمراكز التابعة لها أغلبها واسطة ، وساعد مايشملها ، كيف أقدم عليها وهذه الطريقة
قدمنا كثير ولكن نتفاجى أن من ياتي بعدنا توظف ونحن نتظر أحد يتصل علينا


((( فيه سؤال لاحد الأشخاص نزلت أنا في قسم النقاشات والأهداف ،،، والسؤال يقول هل تقبل وظيفة عن طريق الواسطة،،، البعض عارض والبعض يؤيد الواسطة والسؤال لجميع الأعضاء

انا بدوري سألت وتابعت عدة مشايخ الأغلب أتفق انه في حال عدم أخذ وظيفة من هو أحق مني فيجوز

ولكن السؤال الذي لم أجد لو أجابة كيف أعرف أنني أخذت أو لم أخذ وظيفة من هو أحق مني
هذا في حال وجدت واسطة ،،،، طيب في حال لم أجد واسطة اليس من المفترض يكون هناك نظام واضح للجميع

اخوي اذكر الله كثيراً وظائف الاماره مستثناه يعني من عند امير كل منطقه استوعب كلامي ياالغالي يعني امراء المنطاق قالوا حنا اللي نوظف ورسلوا خطاب للخدمه المدنيه
وغير كذا اخوي وش فايده المفاضله ولافيه وظايف بالعكس بنجلس بالسنوات وحنى ماتوظفنا وع قولتك جداره ترا فيه مئات الاف عاطلين مسجلين فيه الحريم بس الجامعيات 500 الف ولاتعينن وغير خريجي التقنيه ووو الله يعين والله انه جاني احباط
وبخصوص سؤالك لاوالله مارجعتها يمكن اروح ل امير المنطقه اقدم عليه من جديد بس مدري متى الله يعين بس

أخوي محمد الله يجزاك خير على كل اللي تسوى لنا وللجميع

طيب بخصوص وظائف الإمارة لما تروح قدم في الأمارة على أيش يوظفونك ، يعني المؤهلات ولا الخبرة ولا الواسطة

لانه ما فهمت طريقة التقديم عندهم مرة يسوون قرعه ومرة يقولون نبغى نرفع لأمارة المنطقة وهي من تختار ولكن أعتقد الأغلب اللي يوظف الواسطة ،،، لانه واحد قالي وظائف المستخدمين والخويا في الأمارة ما يهم المؤهلات
كأنه يقولي أذا عندك واسطة قوية تعال حسب فهمي ،،،، لكن القرعة أفضل طريقة أقل شي مافيها ظلم لاحد والكل يرضي فيها


بخصوص كلامك يوم تقول نطالب أستحداث وظائف ، أيش نسوي الحين ننتظر إلى حين الميزانية ولا نشوف الخطاب المرفع للديوان وأيش نسوي

خصوص مستثناه من أمير المنطقة يعني مثلاً
لو توظف واحد في الأمارة خوي ولا مستخدم ولا مراسل ، أيش يصير على ملفه بنظام ساعد

هل يترك يمكن تجيه فرصة أفضل ولا خلاص لن وصلت أوراقه الخدمة المدنية راح يسقط أسمه من ساعد

اخوي مالها علاقه بنظام ساعد كانت الخدمه تبيها بنظام ساعد بس امراء المناطق هم اللي يوظفون ع الامارات او بنفس اماره المنطقه ومو ع طول التوظيف حسب الاحتياج او بالواسطه هم با الاماره يسمونها شفاعه مو واسطه ازرق ل امير منطقتكم واشرح له وضعك ب معروض وايضاً تكلم وقل ابي وظيفه تعبت وكذا وقدمت ولاحالفني الحظ ومن هالكلام اتمنى اني شرحت لك وظائف الاماره واعتذر ع اجابات ثانيه تخص الاماره لاني وضحت كل شي ومفهوم للكل
تحياتي

شكراً لك أخوي محمد
طيب الحين ودك نصبر للميزانية ولا نسوي شي الحين بخصوص ساعد ووظائفه

لا إله الا الله