وعليكم السلام ورحمه الله وبركاته

في البدايه اخوي انا مادري عن نظام البرقيات اللي ذكرتوه لاني ماقريت الردود ولا افهم في نظام البرقيات علشان كذا تجاهلتها وزين انك ذكرت ذلك وذكرتني واحتمال على بكره ابرق برقيه خاصه لنظام ساعد او برقيه غيرها بخصوص التوظيف

ثانيا اخوي زين لك سبع سنوات انا من خريج 1422 ولا حصلت شي حتى العسكريه لهم اعذار ما تقبلني والشهادات اصبحت قديمه قدمت على شركه روابتها قليله لكن افضل من لاشي والحمدلله على كل حال ! الواسطات بكل مكان ..شخص كنت ابيه يوظفني في دائره حكوميه عنده وهو كان المدير قال ماعندي توظيف الا من الديوان وبعد خمس سنوات اخوانه اثنين وظفهم كل واحد في مكتب لكن املنا في الله كبير وان شاء الله يرزقنا من واسع فضله

استمروا يا اخوان في البرقيات وانا ان شاء الله معكم ولو تبون قروب انا اولكم والله يرزقنا من واسع فضله

اهلين يالغالي
اخواني والله اني ناصح لكم اقسم بالله العلي العظيم ان لي 7 سنوات ارسل برقيات عبر البريد او بالجوال بخصوص التوظيف واخرها من سنه تقريباً قبل ترسلون انتم والله ان كلهن يروحون ل الخدمه المدنيه وتحفظ لان مافيها تعميد او وخساير فلوس ع الفاضي استثناء والله حتى لو نرسل سواً ماراح تجيب نتيجه وربي اني حتى دخلت ع وزراء مثل وزير العدل ومسوؤلين بالوزارت عامه وربي ماطلعت بنتيجه
اللي صاير بالضبط ان اغلب المسوؤلين اللي بيدهم التوظيف ومعارفهم يوظفون معرفهم ع شرط يكوونون معارفهم ب نظام ساعد وقليل منا اللي ماعنده واسطه يتوظف انا تعبت ملييت تخيلوا جامعي وظفه شيخ محكمه ب فرع وزراه العدل بواسطه انا رفعت عن طريق احد المحاكم من القصيم وراحت لرياض ورجعت بالرفض مع اني راجعتها شخصياً ب رفضت ليش لان ماعندي واسطه والله اني قابلت ناس كثار يراجعون خطابات توظيف لهم بعضهم معهم واسطه والبعض الاخر لا
والان اللي صاير ان الدولة الله يعزها ويهديها هههه والله جد صار فيه تضييق بالتوظيفه وشبه توقيف وذا الامر جاي من خطابات من جميع الوزارات توقيف الانتدابات والزيادات وخارج الدوام والتعيين نبي حل
انا برائيي اول شي
1 نكلم صحفي ينشر لنا طلب اجبار جميع الدوائر الحكومية باختيارنا من ساعد وبقرب وقت مو كل مارنا ابشروا وانتضروا 6 شهور واكثر واخر شي يوظفون 2 وواسطه الى متى والله راح عمري واصبت ب ازمات نفسيه نتيجه الصدمات اللي جتني كل اصحابي توظفوا وانا صرت انطوائي
2 نكلف 3 يروحون لرياض لمقابله الوزير وشرح وضعنا له بدون مطلب ان نبي ساعد مفاضله انتم خلوا الدوائر تعلن وظائفها والله بعضهم مجمد الوظائف حقت البند ولاعمره وضف او اعلن عن شي
او طلب مكالمه الوزير عبر الاتصال المرئي واخباره بالحاصل
3 لازم نتوظف بي طريقه تعبت تعبت

ياهلا اخوي اذكر الله كثيراً
والله بقول سالفه صارت معي شخصياً وهي للكل
اقسم بالله وشوفوني احلف واخر الليل اني رحت لمدير الشؤون الماليه والاداريه بوزاره العدل قلت الخدمه تقول مو لازم تدقون علينا اختارني الان قال لا غير صحيح ولاتحاول معي بذا الموضوع هذا وايضاً قاله لي مدير شؤون الموظفين ورحت بعد لكذا دائره حكومية بالقصيم وقالوا مستحيل نتخارك مع ان مدير الخدمه المدنيه قالي شخصيا مافيه مانع يختارونك الحين من اصدق قولوا لي والله تعبت يعني شكلي اخر شي بشتغل معقب او مراسل بينهم اخذ كلام من هذا وودي هذا تعبت خلاص شي يقهر ولاتحطمون والله فيه وظائف حتى لو هي شبه موقفه وهي ان شاءالله مو موقفه بس صار تضييق بالوظائف وش الحل قولي لي هي فرصه حلووه ان اول شي ان ساعد مو مفاضله الشي الثاني انه حلووووووو جداً يكون ان كل مدير جهه يقدر يختارنا من ساعد بس والله شي يقهر مو راضيين يختارونا ويوظفونا والله قهر قهر
والشي اللي يقهر اكثر ان البلديات صايره تتعقد وظائفها اللي ع البند صارت تحط اختبار تحريري ومقابله واختبار عملي ووو ليش وكلها ع البند مع ان اللي توظفوا بالسنوات اللي قبل بدون اختبارات ارجوكم نبي حل عاجل
انا عندي شبه حلول بس ع الله تتنفذ تعبت وربي تعببببت
وترا رفض المسؤولين بالادارات يختارونا من ساعد ع طول قصدهم عشان يوظف اللي يقرب له بس عندي حل وان شاءالله يضبط

سم المعادي قدم عليهم شكوى اذا ماقبلوك والله انا مثلك زمان كل واحد يقول رح للديوان والديوان يقول توظف على بند وحنا نرسمك وبعد فتره اشوف موظفين على البند ومكتفين يعني شلون توظفوا ؟ اكيد بواسطه ومعرفه وتمشي الامور لكن حنا لنا الله

انا ابي اعطي ساعد فرصه ثم نبي نقدم شكوى جماعيه ان شاء الله

اهلين اخوي من زمان عاطل
من اشتكيهم عليه؟ يارجال الديوان الملكي خوذوها مني اذا ماصار فيه استثناء ماراح تتوظفون يعني لااحد يرسل ع الفاضي خساير فلوس ع الفاضي واخوي اذكر الله كثيراً
اول شي ي عيال يد وحده ماتصفق الحل هو انا نجبر كل جهه حكومةي تختارنا من ساعد والله كل جهه حكومية حتى لو هي صغيره تجيها مع الميزانيه وظائف وبعضهم يجمد ذي الوظائف وبعضهم ل اقرب الناس له الوظايف
الحل نكلم صحفي وينشر لنا مناشده ان كل جهه حكومية تختارنا من ساعد والمشكله ان كل جهه او وزاره حكوميه مسويه برئيه انها تعمل ع نظام ساعد ندري انهم يوظفون ع نظام ساعد بس من يوظفون؟!!
2 اذا كل جهه حكومية تبي تختارنا وتجلس بالاشهر تنجز وظايفنا مصيبه وتاخير ع الفاضي
شي يقهر انا ابي اطلع الاسبوع الجاي لمدير الخدمه بالقصيم واشرح له الحاصل يعني ع الاقل يرسل خطابات لكل جهه عادي تختارنا من ساعد مو هو له كلام ومدير اي جهه ثانيه له راي ثاني شي يقهر اقسم بالله انهم يوظفون من تحت الطاوله
حسبي الله ونعم الوكيل ع كل متخاذل او كل شخص وظف بواسطه الله يسلط عليه عاجل غير اجل

البريد الألكتروني للصحفي عمر السبيعي ،،، صحيفة سبق

omar.g@sabq.org لعل الله أن ينفع به

أحنا يوم كنا نطالب بمفاضلة لساعد حتى نبعد الواسطة عن هذه الوظائف

هذا المقصود ،،،،،،، ولو فيها تأخير كثير بس على الأقل تعرف دورك متى يجي


بس ماصار شي والظاهر ما راح يتغير