وزارة التعليم : التعيين على وظائف الحراس من خلال قوائم المتقدمين على نظام (ساعد)
pic.twitter.com/tsAZG8Engr

صباح الخير
ياعيال استوعبوا الناس صايره توظف اقاربها بالدوائر الحكوميه بدون اعلان وظائف بدون جداره بدون ساعد شوفوا اعلان الفساد بالجرايد لهم غير اللي مااحد يدري عنهم انهم توظفوا بواسطه شوفوا قبل فتره محاكم بالقصيم والشمال اعلنت وظائف ع البند وشترطت شروط تعجيزيه يعني لازم يكون خريج ثانوية حديث ولازم يكون تقديره جيد جداً علماً ان احد المسؤولين قالي لو تعرف احد راح يوظفونك ويلغنون شرط ال جيد جداً غير كذا مطلبنا يكون نفس جداره وحصرون الوظائف من الدوائر الحكومية ونكون بالسرى اللي يجيه الدور يتوظف مو بعض الدوائر الحكومية تعلن عن وظائف شرطها نكون بساعد اوك جبنا اشعار انا بساعد بعدين يسون اختبارات اختبار ورقي صعب واختبار عملي ومقابله كل هذا عشان وظيفه ع بند الاجور علماً ان الكثير توظفوا بدون اختبارات سواًَ بالسنوات الماضيه او بالسنوات هذي هذا ظلم والله ظلم شوفوا الموضع نتكاتف كلنا ماابي احد يكون اتكالي نرفع شكوى ونروح لوزاره الخدمه المدنيه ونطالب يكون نفس ساعد وندخل ع كل امير منطقه بشكوى نعلمه اللي صاير ومطلبنا انتم تشوفون الوضع واسطات وقلت حيا الحين اللي بجاره ينتظر دوره ويتوظف بدون تعقيد واختبارات والحين ولا دوائر حكومية صايره تعلن كلها توظف بالواسطه انا سبق وقدمت ع وزاره العدل بالرياض قالي مدير الشؤؤون الماليه والاداريه جب خطاب من ساعد ونوظف ع اي محكمه تبي وللحين اوارقي عنده علما ان فيه ناس توظفوا بعدي نفس طريقتي بس بواسطات عن طريق قصاه او شيوخ ياشباب والله اني منقهر تكفون لاتسكتون والله اني محبط الى متى ساكتين نبي يكون نفس جداره والله هذا ظلم تخيلوا بعض الوزارت صايره تعلن وظائف بالثانويه بمسمى حارس مدرسه تخيلوا بينما بعضهم يتوظف ع بند الاجور بمسمى كاتب وع مكتب بي دائره حكومية ومجلس الوزراء يقول التعيين ل بند الاجور او المستخدمين عن طريق مدراء الدوائر الجكومية ياناس تعبت تكفون خلونا نتكاتف كلنا

شوفوا هذا واحد مشتكي عن ساعد لهيئة الفساد أرسلها لي في توتير ،،،

سعادة ريئس هيئة مكافحة الفساد حفظك الله
السلام عليكم ورحمة الله وبركاته

لدي موضوع مهم جداً يخص العاطلين المسجلين بنظام ساعد للوظائف المساندة الذي أطلقتة وزارة الخدمة المدنية أرجو من سعادتكم مناقشتة مع المسؤولين بالخدمة المدنية لانه إلى الأن لم يكن بالصورة التي وضع من أجله ، وكان من المفترض ان يكون كنظام جدارة يعتمد على الأولى والأفضل بالوظائف ،،، هذا النظام

أطلقتة الخدمة المدنية قبل 3 أو 4 سنوات وهو يخص وظائف البنود والمستخدمين وكان من المفترض ان جميع الجهات الحكومية تدخل على قوائم المسجلين وتختار الأولى والأفضل حسب إفادة الخدمة ولكن للأسف النظام لم يكن بصورة الزامية لذلك لم يعطى أهمية من قبل الإدارات الحكومية وظل الوضع على ماهو عليه ، من يملك واسطة ومحسوبية يتوظف بعد توفيق الله أولاً وأخيراً ،،، ومن لا يملك واسطة له الله ،،، لذا أملي فالله ثم فيكم كبير بمناقشة الموضوع بشكل واسع وتسليط الأضواء عليه ويحبذا لو تواصلتم مع مسؤولي الخدمة المدنية بهذا الموضوع ، لعل الله يكتب الفرج على أيديكم لعدد كبير جداً ينتظر دوره في وظائف بسيطة جداً لكنها تمثل له شي كبير ،المشكلة وممكن انتم تعروفون هالشي ان الوسطة لعبه دور كبير بالوظائف ان لم يحكمها نظام كنظام جدارة على الأقل،،،، أسف على الإطالة ولكن أريد ان تتضح لك الصورة جيداً لهذا النظام ، أكرر رجائي لك بمناقشة الموضوع وإيجاد حل ولك شكري وتقديري ،،،


/////// رد هيئة الفساد في توتير //////



أهلاً بك، بإمكانك تقديم بلاغ للهيئة عبر الطرق الرسمية التي وفرتها لينظر في مضمونه مختصو الهيئة على الرابط http://goo.gl/JHNJM4
/////////////////////////////////
أتقدم ببلاغ ضد من بالضبط ، انا أقول جميع الإدارات الحكومية أو أغلبها تتعامل بالواسطة في وظائف البنود والمستخدمين ،، وهذا شي معروف ،،، وممكن يطلب مني دليل على كلامي أو حجة ،،،، انا ماعندي دليل واضح لو طلب مني ولكن ممكن عمل أستبيان في توتير وشوفو النتيجة

الناس بدات تتحرك بخصوص ساعد الكل مل صبره عدد المسجلين كبير جداً والأخير ما يتوظف الأ اللي معه واسطة

أثري الواسطة بكل مكان الله لنا

ا

يسعد مساكم
اولاً/ اعتذر اذا عندي اخطاء املائيه الكيبورد عندي خربان
المهم شباب خصوصً اخو اذكر الله كثيراً قريت تعليقاتك الاخيره ودي نتحرك افهموني ياشباب
انا اللي قاهرني اذا تم اعلان وظائف بنود من بلديات او محاكم يكون فيها اختبار عملي و تحريري اي ع ورق واختبار صعب وانتضار ع الفاضي قبل سنه ونص سابقه ع وظائف ع البند باحد البلديات والله اختبار تعجيزي وجمدو النتايج 8 شهور ع الفاضي ووضفوا قرايبهم وع فكره مثل ماوضحت لكم والله العظيم ياللي يعرف له احد بوزاره العدل يتوظف ع اي محكمه هو يبغاها ياخذ خطاب من احد المحاكم ان الشيخ يبيه كموظف وترفع لرياض بشعار ساعد واذا جاب له واسطه توظف اذا تذكرون قبل سنه ونص وقفت الوظائف اخر شهر 12 والله العظيم اثناء التوقيف اعرف ناس توظفت ع البند بواسطات سواً بالعدل او غيره واللي يقهرك من تالي بعض الوظائف سواً فيها وظائف ع بند او غيره مسمى الوظيفه عامل او حارس طيب واللي توظفوا بالسنوات السابقه سنوات قريبه توظفوا ع البند بمسميات حلوه وع مكتب وللمعلومية للحين موجوده هذي الوظايف بي جهه حكومية بس بالواسطه حنا مطلبنا ترغم حميع الجهات الحكومية ع حصر وظائفها البنود والمستخدمين وترفع للخدمه المدنيه ووزاره الخدمه تعلن انا نقدم ع هذه الوظائف عن طريق ساعد نفس جداره والله ياعيال تحطمت اول شي نسويه نكتب شكاوي ونروح جميع لوزاره الخدمه وفروعها ونرفع للوزير ونرفع لوزرات العدل وديوان المظالم ونزاهه وندخل ع كل امير منطقه نطلب شفاعته وحكمه لظلم اللي جانا من نظام ساعد والله العظيم سبق وقدمت ع وظايف قبل 3 شهور بمحكمه الرس قالي مدير الاداره بالعربي الوظايف محجوزه وحده لقريبه وحده لقريب الشيخ حسبي الله عليهم عيشوني بامل اني راح اتوظف شهر كامل رح تعال تعال رح اخر شي قالها لي ع بلاطه ياناس والله العظيم وظائف البنود كثيره بس اللي مجمده واللي يوظف قريبه واللي يعلن ويحط شروط تعجيزيه عشان يحط قريبه ليش اختبارات ع وظايف بنود واللي ع مراتب يتعين ع طول وقبل سنوات الناس تتوظف ع البند بدون اختبارات والله شي يقهر قسم بالله كل الدوائر الحكومية اسلوب سئ وقلت حيا حتى بعض الوزارت تعلن شروط لازم تقدير جيدجداً ويكون من نفس المدينه اللي فيها الوظائف سلامات والمصيبه بالقطاره يالله يجي اعلان يعد بروؤس الاصابع خلال السنه لازم نتحرك طفح الكيل تكفون لاتردوني لازم نتحرك جميع والكل راح العمر

خلاص تفح الكيل
أخوي سم المعادي هل ينفع الشكاوي عبر موقع الخدمة ولا لازم حضور شخصي واذا كان لا بد من الحضور هل فرع الخدمة بالمنطقة يقوم بالازم وكيف عطني الترتيبات

وبالنسبة للأمير ،،،، الأمير ممكن يرفع الشكوى للخدمة ، لانه يمكن الأمير ماعنده صلاحيات تلزم الخدمة بتنفيذ طلبه

المهم لابد نبداء ومسافة ألف كيل تبداء بخطوة

هلا اخوي اذكر الله كثيراً
والله ياغالي اول شي بالنسبه لامير اي منطقه نعم يحاولها للخدمه المدنيه او للفرع بس طبعاً يشعرهم بتظلمنا ومطلبنا ويطلب يرفعون له افاده مقصدي من التقديم ع امير كل منطقه نحرك موضوعنا والمسؤول الرئسي عن ساعد هو فرع الوزاره بالقصيم وع فكره الفرع يخاطب الوزاره بضرب لكم مثل بسيط قبل سنوات باحد الشوارع بحينا كثير تصير حوادث ع تقاطع رفع مواطن اعرفه شخصياً شكوى باسمه ل امير المنطقه يحكي الحوادث والمطلب بوضع مطب او ايجاد حل عاجل لم يتم النظر بموضوعه لان الشارع ملك عام وقالوا اذا تقدموا اهالي الحي نحط مطب فعلاً الرجال كتب اسماء اهالي الحي ومطلبهم وصور بطايقهم و خلال فتره تم وضع مطب مقصدي من هذا المثال لازم الكل يتحرك
وبخصوص الفرع نعم يغني زيارته عن الروحه للوزاره بشرط تطلب منهم مكالمه الوزير مرئي وبشكل عاجل نتيجه تظلمنا ولو رفضوا تدق ع الوزاره وتبلغهم بالرفض طبعاً ع مكتب الوزير ويتم التوجيه بمكالمتك للوزير
وبخصوص الاخوان اللي يرفعون شكاوي الكترونيه ماتنفع ياناس والله مااحد يناظر فيها لابد نكتب اسماءنا ونروح فيها لمكاتب فرع الخدمه للوزاره ولامير كل منطقه و ل نزاهه ول وزاره العدل والديوان الملكي وهيئه التحقيق والادعاء العام وكل من له صله بوضعنا طبعاً حنا نقدم الشكاوي الالكترونيه ماتجيب اي نتيجه وبعد انا اكلم كذا صحفي ويكرر الموضع اكثر من مره بالصحف وانا اولكم بالطرق اللي ذكرتها لكم اهم شي نتحرك شووفوا خريجين كليات المجتمع يطالبون بالتعيين وصدر لهم توجيه ليش مانتحرك مطلبنا فقط يكون نفس جداره ويتم حصر الوظائف عليه واللي يجيه الدور يتوظف بدون اي شروط ثانيه والله ياناس برنامج ظالم شي ينرفز

السلام عليكم مساكم الله بالخير
وشلونكم عساكم بخير وكل عام وانتم بخير
صراحه قبل لدخل بالموضوع عندي عتب عليكم اخر رد انا من 4 شهور او اكثر تكفون ابوس رؤوسكم نبي نتحرك سواً بنات او عيال
ادخل بالموضوع
الكل سمع عن كلام الملك الله يحفظه لموظفين البنود ب البشاره بالتثبيت صار له اكثر من 6 شهور متكاتفين وهاشتاقات بالتويتر و الصحف مطالب ويروحون ويرجعون للوزراء وكذا لين جاهم بشاره من الملك
حنا م تحركنا ابد بس بالمنتدى وبعض الاجتهادات البسيطه سابقاً من بعض الاخوه اعلان مره واحد بس ب الصحف وايضاً تاق تويتر مره واحده لازم نعقد العزم كلنا ونتحرك من اليوم عشان يوظفونا عشان اذا جاء تثبيت نتثبت وانتم عارفين الوضع الاقتصادي مره كذا ومره كذا للعالم كله من ضمنها السعودية يعني والله العالم اذا جاء تثبيت راح تلغى بعدها الوظائف وتكون فقط وظائف تبع شركات
مطالبنا واضحه حصر الوظائف البنود والمستخدمين بالجهات الحكومية ويكون نفس جداره يعني بالدور التوظيف ومحاولة توظيفنا بشكل عاجل شوفوا الكل يطالب لين توظفوا سواً خريجين جامعات او غيره من قديم
2 الغاء كافه الشروط للوظائف اسوة ب جداره
يعني اوضح اكثر فيه جهات تعلن وظائف بند بشروط تعجيزيه تقدير ممتاز او جيدجداً واختبارات ومقابلات ووو
وكل الوظيفه ع بند الاجور علماً الناس توظف بدون شروط واسطه
3 جهات حكومية تعلن وظائف ولاتطلب ان المتقدمين من ساعد؟؟ هذا اللي يقهر
4 فيه وزارت ك وزاره العدل تمنيت ان يكون لسمها نصيب منها عدل
توظف بالواسطه ع بند الاجور وع اي محكمه يبي اللي عنده واسطه حتى لو كان مؤهله جامعي وهالكلام عن طريق نفس الوزاره
5 اللي يقهر من فترات بعض الجهات تعلن وظائف بنود بشروط اكثر من تعجيزيه تقدير جيد جداً وووو الخ
وش هالتعقيد
ياشباب ي بنات انخاكم نتحرك باسرع وقت والله انا مظلومين ونبي تحرك منا وانصافنا بشكل عاجل تكفون
واللي يقهر اعلانات الجهات بشروط تعجيزيه فقط لرضاء الخدعه المدنية انا اعلنا عن وظائف وحطوا شروط تعجيزية
عشان هم يوظفون قرايبهم
ياناس تكفون نبي تحرك عاجل جداً

طبعاُ كلامي حتى للبنات
و بردود سابقه فيه مشاركات بنات معنا
علماً التعليم اقسام النساء فيها وظائف ع البنود او المستخدمين
والبلديات فيها وظائف نساء
ووزارة العدل فتحت محاكم للحريم ووظائف لهن راح تعتمد قريب جداً والعدل اكثر وزاره فيها وظائف
تكفون التحرك ياعيال و المسؤولين عن ساعد فرع القصيم وانا مستعد اروح لهم بس لابد من نتحرك كلنا

وعليكم السلام ,,,,,, مافيه ردود ::::: والله يا سم المعادي شكل ما أحد متابع لموضوع ساعد

ولا يمكن الناس فاقده الأمل بساعد

لازم الكل يتحرك نبغى نسوي مثل موظفي البنود طالبوا بحقوقهم الين جاهم الفرج من الله