وايضا هيئة مكافحة الفساد ارسلت لها ، ياشباب اتمنى تكثفون المراسلات على الديوان الملكي وهيئة مكافحة الفساد ، لان لو شافوا اقبال كبير على الموضوع راح يغيرون سياسية برنامج ساعد وراح تكون مفاضلات .

السلام عليكم
كيفكم بعد غيبه شبه طويله
انا مقهور
ياشباب شوفوا بإعلانات الوظائف شرطه الرياض معلنه تبي موظفين وطالبين شرط تعجيزي لازم خبره ماتقل عن 4 سنوات ليش؟؟!! حرام والله وقهر انا فرحت ان اول مره الشرط تعلن عن وظائف بالثانوية وهذي خطوه ايجابيه
وغير كذا ياشباب بعطيك رقم صحفي اسمه عيسى الحربي ب سبق كلموه وانا معكم واطلبوا منه ينزل اعلان للخدمه المدنيه 1 الغاء شرط الخبره اسوه بجداره او انهم يستمرون عليه بس يلغاء من شروط التقديم يعني الاعلى ياخذونه لو ظلينا كذا ماراح نتوظف وبيني وبينكم خلونا نغض العين عن التوظيف يعني لاتطلبون مفاضله انا اقولكم ليش اول شي يمكن لو جاء مفاضله الجهات الحكومية تبي تصر ع عدم وجود شواغر 2 لو طالبنا الخدمه المدنيه باستحداق وظائف يمكن يكون فيه شي ايجابي اننا نروح لي جهه سواً نعرف المدير او مانعرفه ونقول الخدمه اتاحت واستحدثت وظائف ارفع لنا ووظائفنا
نبي نتحرك ارجوكم وانا فرحت الاخوان اللي نزلوا ردود ان دقوا عليهم وسووا الفحص الطبي ذي بشاره خير يعني لو نطلب فقط استحداث وظائف والغاء شرط الخبره افضل نضرب عصفورين بحجر واحد والمفاضله خلوها بعدين لو ماجابت الطريقه الاولى نتيجه نطلب مفاضله النظام الاول حلو بس لو يسنحدثون وظائف وانتم وش رايكم
يالله ترزقنا من غير شروط يارب انا يجيني احباط اذا شفت شرط الخبره خصوصاً ان لي 7 سنوات عاطل ولاعندي خبره وهذا خطاء مني بس وش اسوي مريت بظروف الله فيها عليم ظروف صحيه وللحين اعاني منها بس بشكل قليل
لاتنسوني من صالح دعاكم ولكم تحياتي
والله اني فرحت يعني فيه فرص عمل لنا دام دقوا ع زملانا وفحصو طبياً
محبكم محمدالبدراني

بتاريخ 21/1/1437 أرسلت للصحفي عمر السبيعي بسبق علشان ينشر عن نظام ساعد ومعاناة المسجلين به
واليوم 11/2/437 أرسلت له رسالة أذكرة بالموضوع لانه طول أشوي

ورد علي وقال ( الموضوع مجدول للنشر بعد ماتم مراجعته ) يعني حسب كلام الصحفي أنه راح ينشر الموضوع بسبق

يعني أن شاء الله راح ينشر في أقرب فرصة

بخصوص الديوان الملكي مكتوب (صدر ) وجهة الصادر الخدمة المدنية ( بعد 15 يوم من الكتابة للديوان الملكي

ان شاء الله نتفأل خير

الموضوع هذا مافيه احد يتفاعل غيري انا واخوي اذكر الله كثيرا ، والباقين كانهم مالهم علاقة بالموضوع ، ياشباب ترى وضعنا واحد واذا مامشينا في المطالبات ترى وضع ساعد مايتغير .

بارك الله فيكم ياشباب وانا بدوري قدمت للديوان الملكي ومكافحة الفساد والمعامله في الديوان الملكي صدرت للخدمه المدنيه وان شاء الله فرج ورحمه

ياشباب انا معكم قلباً وقالباً ولاكن خلوا التركيز ع المطالبه بتوظيفنا او استحداث وظائف خلوا موضوع المفاضله ع جنب يعني من المفاضله ماراح نستفيد ابد اذا ماصار فيه استحداث وظائف يعني بالله عليكم من سنتين ماتعلن الا البلديات وليتها مجموعه بلديات كلها بلديتين نبي كل وجميع الدوائر الحكومية تعلن وتوظفنا ليش التجميد الوظئيفي من فتره بصحيفة المرصد 4 جهات حكومية مجمده الوظايف ليش والله اني مقهور مثلكم واكثر انا ابي امر لجميع الجهات الحكومية توظفنا ويستحدثون وظايف والله عندهم احتياج بس اعلان مافيه تجميد بس ركزوا معي احتمال يوافقون ع المفاضله ك عذر لنا والوظائف بتنزل بالقطاره هذا مانبيه انا انصدم اذا شفت اعلان وظائف والمطلوب 3 الى 4 موظفين صراحه لو كل جهه حكومية من وزارات وفروع لهم وغيرهم اعلنوا توظفنا ونبي بعد بدون شروط خبره او اختبارات سواً اختبار عملي او خطي اسوه ب جداره
ركززوا ع استحداث وظايف ارجوكم ارجوكم

مساءالخير والامطار والاجواء البارده
ياناس انا بموت من الفراع والوقت يالله يمشي ع بال ماتجي المزانيه الجديده باقي حول الشهر والنصف واكثر تعبت والله فراااغ قاتل حسبي الله ونعم الوكيل معقول من اخر شهر12 يوقفون الوظائف ليش طيب جت علينا يوم بدينا نتحرك تعبت من الفراغ وعدم الراحه ع الاقل قبل حافز ممشي الامور لو بشي بسيط والحين لاذي ولاذيك وحافز منقطع له حول السنتين والمصيبه ان الملك الله يحفظه داعم مشاريع تخص الشباب امس الاول بس مافهمتها ب 500 مليون مدري كم مبلغ ضخم تعبت ارجوكم شوفوا لنا حل مليييييييييييييييييييييييييييييييت هذا رقم صحفي اسمه عيسى الحربي ب صحيفه سبق رجل تكانه واجزم انه مستعد ينزل لنا موضوع بس ارجوكم مانبي مفاضله نبي توظيف او استحداث وظايف لنا قبل لاتوقف وظائف البنود الكل كان يوظف والحين ولاجهه حكومية تعبن او توظفناولو اعلنت جهه او جهتين وين باقي الجهات والله نهبوا حلال الدولة تحصلونهم ياكلون رواتب الوظائف المجمده ملييت كلموا الصحفي واتساب او مكالمه واشرجوا وضهنا له ركزوا ع استحداث الوظائف واننا مهمشين المفاضله ماراح تجيب نتيجه بالعكس يمكن ع طول يوافقون ع المفاضله والوظائف بالقطاره عشان لو نطالب بعدين يقولون انتضروا دوردكم متى بعد الف سنه مليييت 0503224339عيسى الحربي سبق
كلموه تراه طيب ويسعى للخير وضحوه له انا نبي استحداث وظائف ملييييت من الفراغ والوعود الوهميه اللي مسبب لي ازمه نفسيه ع هالوظائف اللي نطالب فيها فيه الف حاجز وشروط تعجيزيه اختبار تحريري واختبار عملي ومقابله ووووو الخ ليش والله لو شهاداتنا ماستر او دكتوراه وليت ع كثرت هالشروط نتوظف ملييييييييت ضاقت في الدنيا والليل موحش طويل وفراغ لاحد يقولي عدل نومك قم بدري اذا قمت وين اروح هاه بالعكس الليل اصرف واريح والله صرت اتجنب المناسبات من خوف الكل يسالني ماتوظفت! وعمري قرب ل الثلاثين مليييييييييييييييييييت ياناس

سبحان الله وتقولون متعاونين مع بعض هاه اشوف تعليقي اللي فوق بيكمل ال24 ساعه ولارد عليه ولاتعاون ولاشي
سبحان الله توقعتكم اكبر من الشي ذا وانا من فتره رحت عشانكم لوزاره الخدمه وبريده وارد لكم اول باول اقول الله يرزقني بس الوظيفه والسعاده والراحه ويرزقكم جميع توقعت حماسكم اكبر شوي
ع كلاً اخر مشاركه لي معكم احسن لي ابحث انا بنفسي؟!!!

الــــلــــه يعين