السلام عليكم انا موظفة في بنك لي سنة و 7 شهور
جاني عرض وظيفي بشركة براتب اعلى ،،، الاساسي اعلى ب 834 ريال
مع البدلات وكل شيئ يصير اعلى ب1192 ريال

محتارة استقيل او لا انا كارهه البنك بدون اي سبب يذكر واخاف من التغيير اني اندم واقول مرات خلك على قردك
وهل اذا قررت اقارن الراتبين اقارن مع خصم التامينات وساند والا بدون الخصم ؟؟


السؤال الثاني انا الشركة ارسلو لي عرض وظيفي على الايميل ،حطيت موافق ووقعته وارسلته لهم هل هذا يكفي عن العرض ؟ كان موضح فيه التالي : معلوماتي و ومعلومات الراتب وشرط عدم العمل بشركة منافسة بعد سنتين من الاستقالة فقط


رأيكم ؟

بصراحه ليست عندي ادنى فكرة بهذا الموضوع ولكن ...


صلاة الاستخارة تغنيك عن كل شيء فقط بآخر الليل ركعتين وبعدها بنفسك قرري *


ربي يوفقك ويسعدك *

اعتقد الشرط الأخير كافي إنك تبقين في وظيفتك الحالية والله يوفقك ويوفق الجميع

__________________
كن بلسماً إن صار دهرك أرقما ....... وحلاوة إن صار غيرك علقما

ولد الغربية اكيد الاستخارة شيء اساسي بس قصدي من ناحية وظيفية ومصلحة عامة

عاطل ، الشركات المنافسة لها قليلة يعني شيء مايهمني

الراتب مو كل شي , قارني بين ساعات العمل , الاجازة الاسبوعية , الاجازة السنوية , التأمين ,البدلات , المسار الوظيفي , نظام العلاوات ....الخ

اما بالنسبة للشروط فبإمكانك تفاوضيهم وجربي كذا ترفضي الشروط الي ما تعجبك او تقللي من فتراتها زي الشرط الاخير

مقولتك : خلني على قردي لا يجيني اللي اقرد منه

عليكم السلام .. القطاع الخاص ماهو وظيفه حكوميه تتكي فيها طول عمرك يجيك شي افضل ان شاء الله ب500 تنتقل يا كذا ولا ما بتتطور وتحسن مدخولك وش الكسل هذا فينا جايك عرض زياده حوالي 1200 منطقيا توافقين عليه حتى بالمستقبل يفيدك الشي هذا اذا قدمتي على وظيفه وراتبك السابق كان 6 غير عن 5 يعني راح يقدمون لك عرض مماثل او افضل .

الي وقعتيه هذا عرض مبدأي غير ملزم وهذا رآي وكل التوفيق

السلام عليكم ورحمة الله وبركاته ,,

أختي الفاضله :

يعني أعملي مقارنة بين وظيفتك الحالية وبين العرض الوظيفي ..

هل مسمى الوظيفة نفسها أو أقل من الحالية ..

وأسألي كذا شخص أو أعملي بحث في غوغل عن الشركة ومميزاتها وعيوبها ..

هل الراتب الصافي يفرق مثلا 1192 ريال ولكن أحسبي المواصلات كذالك وهل حاليا المواصلات عليك ولا عليهم ..

يعني مثلا أنا في الاحساء وراتبي 6000 ريال وجاتني وظيفة مثلا الرياض أو الخبر راتبها 6800 ريال أو حتى 7000 ريال لا يمكن أوافق لعدة أسباب منها المواصلات والسكن عسى فهمتي مقصدي ..

وما خاب من أستخار

وفق الله الجميع