السلام عليكم جميعا

انا حاليا جالس اخطط لمشروع مطعم ... وبطلع سجل تجاري ان شاء الله ... استفساري طال عمركم ...

بخصوص استخراج السجل التجاري ... هل ممكن مثلا اطلع سجل تجاري بإسم مثلا (مؤسسة حمدان للتغذية) .. بس اكتب على اللوحه مثلا (هبرقيني) ... والا لازم اسم السجل التجاري برضو (هبرقيني) ...

ودي تفيدوني بهالنقطه يا اخواني

عادي

اختر الإسم اللي تبغى تكتبه على لوحة المحل

و مو شرط يكون نفس اللي بالسجل

اذا تريد اسم تجاري . . يعني ماركة . . مثل "البيك" . . يعني علامة مسجلة لك بس . . لازم عن طريق وزارة التجارة . . بس فيه شروط . . مثلاً ما يكون اسم عائلة . . او اسم مكة او المدينة او زمزم او الكعبة . .

اذا ما تهتم للعلامة المسجلة . . فيمكنك انك تفتح سجل تجاري باسم المؤسسة . . مثلاً مؤسسة حمدان سعيد . . هذا في الوزارة . . واللوحة تحط الاسم اللي تختار . . لأن اللوحة من اختصاص البلدية . . ما لهم دخل باسم سجلك التجاري . حسب معرفتي .

اهلا اخي

البلدية تشترط ان يكون الاسم مطابق للسجل اللي بتقدم فيه طلب لاستخراج الرخصة ولا مايطلعون لك الرخصة الا وتعدل الاسم على اللوحة

اما الاسماء اللي تشوفها هي تعريب للاسماء اللي في السجل بعد مايطلعون الرخصة يغيرون اللوحة ويكتبون اسم المؤسسة بخط صغير والمعرب بخط كبير مثل برجر مولتن تشيز في بريدة مكتوب في سجلة الجبن الذائب
ومثل كذلك برجر بوكس في الرياض مكتوب صندوق البرجر ومثل تشيكن تاق سجلة وسم الدجاج
اما همرجيني فهي ماركة مسجلة واتوقع انه سجلها في الامارات لان عندنا غير مسموح تسجيل الاسماء الانجليزية الان صار كثير يسجلون علامتهم التجارية في الامارات ويدخلونها السعودية
اتمنى لك التوفيق

حسب خبرتي توكل يالذيب اسم السجل ما له شغل في اسم اللوحة وأنا مجرب.

وفاتح مشروع اسم السجل باسمي الشخصي واللوحة باسم تجاري غير..توكل على الله وبس

لازم الاسم على اللوحة يكون مطابق للاسم بالسجل التجاري
واذا بتضيف على اللوحة الاسم بالانجليزي لازم يكون بخط اصغر من العربي ويكون بالاسفل
يعني العربي فوق بخط كبير وتحته الاسم بالانجليزي او اللوغو بخط اصغر

هذه لوحة مكتبي بالاول حطيت اللوغو والاسم بالانجليزي كبير بالاعلى واسفلها الاسم بالعربي ورفضوها البلدية , وكذا وافقوا عليها وتسهلت

فيه أنشطة تجارية يطالبك البلدية المسمى في مطابقة المسمى السجل التجاري .

مثلا



هل ممكن اسجل اسم هاوس ؟ مع انه مو عربي