فـكرة حلوة . جبلك عامل يمني او هندي يعرف يسوي اكلات سريعه . اهم شي تحصل له سكن قريب في المحطة او حولها عشان يفتح من بدري ويقفل متاخر يعني على الساعه 12 او 1 لان طريق سفر مارح ينقطع من المسافرين والناس العابرة . وان شاءلله تتوفق ي صاحبي

ايجاره 90 الف
مره كثير

90 الف . . اوجعت قلبي . . . .

فكرة حلوة بس ياليت احد عندة خبرة في موضوع الكوفي ويعطينا خبرته ونصايحة

موضوعك ماهو واضح يالغالي
هل المحطه قديمه ام جديدة .. هل قابلت صاحب المحطه او المسئول عن المحطه وسئلته عن اجار الرصيف عندهم بكم قبل لا تستأجر الكشك وبالنسبه للمحطه هل هي في الخلاء او يوجد حولينا كثافه سكانيه
وحاول تراقب وضع المحطه في الايام العاديه وفي الويكند وشوف الكشك جديد ام قديم هل يبيله صيانه ومعدات ام كامل بمحتوياته هل الماء متوفر ام لا وتشوف فاتوره الكهرباء هل صاحب الكشك القديم حاط انوار مالها داعي ام لا لان المصروفات راح تأثر بنسبه كبيره وهل يوجد سكن للعمال ام لا لانك تحتاج عاملين اقل شي اذا كانت المحطه عليها زباين كثير
بالنسبه للمبلغ 90000 في السنه ممتاز اذا كانت المحطه فعلياً شغاله ومكتظه بالناس والزائرين اما اذا كانت جديدة لا انصحك بالمغامره بهذا المبلغ قبل دراسه الوضع جيدا والله يوفقك

اذ المحطه حديثه اقول ما قالوه الاخوان غالي جدا وعلى اي اساس المكتب وضع السعر ؟؟؟ حاول تتفاوض معاه بالسعر وقوله المحطه حديثه على اي اساس تغليها علينا كذا وانت قوله بعطيك 50 الف 20 الف اجار سنوي و30 الف قيمه الكشك وعطه رقمك واتركه صدقني راح يرجع لك بعض اصحاب المحطات اصابهم الجشع والطمع الله لا يبلانا
يا شيخ ادفع على دراسه جدوى 2000 ريال ولا اخسر 90000 الف والله يكون بعونك يالغالي وبالله التوفيق