يا هلا ومسهلا يا دبلوم اعلام . .

انت خلطت رمضان في شعبان . .

اللي يحتاج للمحلول الغذائي هو الخضروات والفواكه . . الشعير ما يحتاج . . فقط ماء عادي . .

والنسبة للبيت المحمي ما يحتاج الشعير المستنبت للبيت المحمي . . يكفي غرفة . . فيها مكيف . . وتهوية لتصريف الرطوبة . .

بس يا ليت توضح لك اكثر ايش مشكلة الماء معك بالضبط ؟ ؟ ممكن نتساعد ونحل المشكلة . اذا فيه مشكلة . .

فكرة جدا ممتازة , وفكرت اسويها قبل فترة واستغل السطح ,
بس كنسلت لاني مدري حستفيد او حخسر , لاني صراحة تعبت من فشل المشاريع اللي شغال عليها ,

وبخصوص انك تبيع اللي عندك لمحلات الخضار والفواكه , انا اعتقد مثل م قلت حيخسفو الاسعار فوق تحت
وحتكون خسارة لو تقارنها بوقتك والمجهود و المبلغ اللي بتبني فيه البيت المحمي والزراعة ,
لكن لو الواحد يفتح محل خضار وعنده المزرعة اعتقد كذا بتكسب اضعاف اللي تبيعه لاصحاب المحلات !

برافووو عليك مشروع ممتاز لكن محتاج وقت...وصبر على التجربة...وتحتاج تتواصل مع خبير في المجال وصاحب تجربة...وإذا قدرت توفر البيئة المناسبة وتضبط جميع الظروف للزراعة المائية فهي سر النجاح...إن شاء الله تبشرنا بنجاح مشروعك

مساك الله بالخير يا (( تاجر طازه ))

والله شدني جدا موضوعك ... وواضح عليك - ماشاء الله - عندك معلومات طيبة في هالمجال ..

بس تكفى تكفى تكفى ياجعل والدينك بالجنة .. لاتسوي مثل أغلب المشاريع والمواضيع اللي بالمنتدى .. في البداية يحمسوننا وبعدين ينقطعون نهائي ولا ندري وش صار واش سوو و وين وصلو ..

ابي منك لاهنت تحدث الموضوع أول بأول باللي يصير معك .. وجعل ربي يباركلك في علمك وجهدك ومالك ويرزقك الرزق الحلال

أخي الفاضل تاجر طازه .. أشكرك على طرح الموضوع الزراعة فعلا فيها خير .. رغم قلة خبرتنا الا انني اسمع عنها الكثير ولكن الجديد فكرة الزراعة المائية الحقيقه جديدة علينا بس سؤالي :
هل ممكن زراعة الاعلاف كالبرسيم والرودس داخل البيوت المحمية ضمن الزراعة المائية ؟؟
سائلا الله التوفيق لك وولجميع ,,,

متاااااااااااااااااااااااااااااااااااااااااااااابع

موضوع شيق

وفق الله الجميع

اخي الكريم .. تعقيبي فقط للنقاش وربما يكون خاطئ ,,,

اخي الكريم بقولك ملاحظة .. المحلات داخل الاحياء يشترون بعد صلاة الفجر من الحراج في سوق الخضار , بالتالي يشترون رخيص من المزارعين بعد الصلاة مباشرة , فحتى لو وصلت له لمحله صعبة تنافس الحراج وسعر الحراج رخيص اصلاً و نسبة الفايدة الأعلى دايم ياخذها المحل بحكم عنده اجارات ورواتب ..الخ ..

من جهة ثانية , التخصص مهم , لأن التخصص بنوع واحد من الخضار يخليك تتقن الشغله وتعرف العمر المضبوط لها , بالإضافة للمشاكل الي ممكن تواجها , بالاضافة لتثبيت اسمك بالسوق , على سبيل المثال , يوجد شخص متخصص بالطماط , لأن الطلب عليه عالي جداً , ويرتفع سعره في الشتاء , والبيوت والمطاعم تطلبه , لذلك ماينتج الإ طماط فقط ومركز عليه تركيز عالي , وكل فترة يزود محمياته للطماط ماشاء الله ..

اقولك هالكلام وانا مااعرف أي شئ عن الزراعة 0% , فقط حاولت اشارك النقاش