بسم الله الرحمن الرحيم والصلاة والسلام على اشرف الانبياء والمرسلين وبعد ....

اخواني واخواتي الاعزاء ابي حلولكم ومشورتكم وتفاعلكم في هذا الموضوع ..

انا عمري 22 .. طبعا كنت متوظف قبل سنه وكان راتبي 5700 ريال ..وكان علي قرض تقريبا 110,000 مئه وعشر الاف ريال
حصل اللي حصل وانفصلت من الوظيفه .. الاقساط اللي سددتها 3 اقساط ... كل شهر 2200 ريال ..

والان اتوظفت بالقطاع الخاص وراتبي 4500 ريال ..
علي متعثرات لدى البنك 30,000 وكل شهر يزيد القسط ( المتعثر ) 2200 ريال ..
؟..
الان انا بتزوج وماني عارف ايش الحل يعني ماقدر اخذ قرض لان اسمي بقائمة سمه وعلي حظر ..
وابي حل لهذي المشكله ...
والممهم كيف راح اقسط البنك ... وكيف راح اقسط بنك التسليف اذا اخذت قرض زواج وكيف وكيف .....الخ .


ابي تفاعلكم ودمتم في رعاية الله .

الله يعينك .. اذا معاك ثانوية او جامعه قدم في قطاع حكومي او عسكرية راح يفيدك راتبها ويخفف عليك شوي

الله يوفقك وتتيسر امورك

يعطيك العافية ... بس العسكريه ما اقدر ... والقطاع الحكومي لازم واسطه ... شكرا .

الله يسهل لك كل امر يارب

نصيحتي فك نفسك من القروض وسو لك جمعيه مع ربعك بالعمل واخذها اول شهر كذا اريح
وقدم على الجمعيات راح تساعدك بالتاثيث والله يوفقك

الله يسهل امرك
ويوفقك

نصيحة أخوية : لا تستعجل على الزواج حتى لا تظلم نفسك وتظلم بنت الناس معاك وتدخل في مشاكل مالية ما تقدر تطلع منها

دور لك شغل اضافي او اي شغله تحصل من وراها دخل اضافي حتى تستطيع تسديد القرض وتتحسن أمورك المالية


نصيحه حتى لا تندم يوم لا ينفع الندم



اللهم بلغت اللهم ف اشهد

اذا عندك وقت
وصل طالبات اومعلمات اومشاوير
اوتاكسي
او. **** السعوديه كذا اكتب بجوجل اوتويتر
اوبير
الله يوفقك

ما عندي حل لكن توك صغير الحياه قدامك ان شاء الله لا توتر عمرك

شوف ع سالفة القرض

جدي يقول اللي ماعنده قرض ماحكته الدنيا

الحل ياطويل العمر و السلامة اشتغل بالاضافة لعملك وطور نفسك

اذا حاب اشرح لك كالتالي :


اول شي

كون لك راس مال صغير لايتجاوز ال 3000 ريال

واشتري بضائع مخفضه وانا اقدر اساعدك بهالشي

وبيعها وربحها حلو حيل تقدر تصرف ع نفسك وتدلع نفسك بدون ماتحرك راتبك

اسئل مجرب ولا تسئل خبير


ثاني شي استثمر بنفسك :
يعني اتعب ع نفسك بدورات تدريبية وطور نفسك علشان ماتتعب بالقطاع الخاص

قد ماتقدر اخسر ع نفسك بدورات

وصدقني بعد فترة بيوصل راتبك 35 الف بالراحة

بس يبيلك تتعب ع نفسك وصبر

وشوف وانا اخوك اذا الشغله شغلة القرض وكذا

عادي اغلب الشعب تمرمر من هالبنوك

لذلك فكر بحل جذري للموضوع وافتح لك مشروع صغير ومع الايام توسع وصدقني راح تنفرج عليك

هذه وجهة نظري بحكم خبرتي بالحياة

تفائل + ابتسم = القادم أجمل

فكر وحلل و انطلق لاتتردد ابداً

العزيمة و الأصرار يولد المعجزات

لاتستلم ولاتتشكى هذا بداية الطريق

الأخوة والأخوات كفو ووفو الله يجزاهم خير لاتشربك نفسك أكثر من اللي أنت فيه
قسط ماعليك وعدل وضعك أولاً..

__________________
"لله دُر أمي إذا ابتسمت
تهادت جروح قلبي والتئمت"