والله الرجل له مجال واسع ف التجاره والمشارع مو زي المراءه مشاريعها محدوده بس الحمدلله سوقها ونجاحها اقوى ..

بختار مشاريع ع قد فلوسك والافضل هي المشاريع العمليه اللي مافيها متطلبات وبضايع وميزانيه كبيره

اول شي مشروع زينة السيارات والكماليات ..اهم شي موقعه
مغسلة سيارات
حلاق رجالي
بوفيه مبسطه يعني سندوتشات خفيفه وشاي وعصيرات والافضل تكون جنب مدرسه او محطه او سوبرماركت
او اذا لك بالعقار افتح لك مكتب عقار وتابع العروض ف المنتديات وكلم اصحابها تعرضها لهم ولك الدلاله

ان شاءالله اكون افدتكم بشيء

الله يوفقك ويرزقك ،، بما أنك عاطل فأتمنى أن تستغل هذا الشيء في تعلم هوايات جديدة تستفيد منها في عمل حتى المشاريع ،، هذا المبلغ مدري يكفي لعمل مشروع ، مثلاً ممكن تعمل محل للقهوة العربية (محل محامص وقهوة ) يعني يتم تحميص القهوة وطحنها ، ممكن تبيع فيه تمور وشعبيات لأن بصراحه الحين الناس صاروا قليل يحمسون القهوة في بيوتهم اكثرهم يشترونها جاهزة .

ممكن محل صغير للأدوات السباكة وجب لك سباك شاطر

مكتبة قرطاسية وفيها خدمات تصوير وتغليف وبيع ورق الطباعة عشان حتى للي عندهم اله طابعة يحتاجون يجون عندك ، وهذا مطلوب ليس فقط للطلاب الأن الكثير يحتاجون لهذه الخدمات

ما ادري أيضا هذا المبلغ يساعدك في عمل معامل صغيره تتطور لاحقاً إن شاء الله لمصنع مثلاً معمل أغذية (أي مجال أو فكرة مجال الأغذية واسع تقدر تتخصص في شيء بداية لين تكبر وتتوسع ) وممكن توزع على المحلات التجارية والبقالات

مثلاً أيضاً عمل مخبز راقي ونظيف اهم شيء

أيضاً ممكن عمل منجرة اخشاب ،، ممكن عمل أفكار كثيرة منها للزينة وادراج احد الاخوان كان كاتب موضوع عن النجارة رائع جداً لوكنت شاب كان تعملت نصيحة ابحث واطلع عليه ،،

ونصيحة لك أخوي لا تنسى أيضاً أنك تتعلم الصنعة حتى لو ما ودك تكمل في هذه المجالات عشان ما يكون اعتمادك على العمالة ومتى ما راح العامل تلقى نفسك خسران أو ضايع ، ونصيحة لكل شاب سعودي لو كنت انا شاب ما تركت شيء الا وتعملته انا بنت متحمسة للتعلم صناعات كثيرة ليش انتم تبون فلوس من غير اهتمام بتعلم الصناعات حتى لو جبت عمال وقدرت تدفع رواتبهم في النهاية انت سلمت المشروع لهم .
عشان كذا كل المشاريع اللي انا ذكرتها خذلك لفه على النت ولفه على المحلات وجهز ورقة وقلم واكتب كل شيء تسمعه او تقرأه وادرس الموضوع جيداً ،،

كني قرقرت واجد

السلام عليكم ورحمة الله

اهم شي السيارة ثم اجمع وشتغل شي تفهم فيه
عندك الحداده شغل+ فلوس كثير
سعر الطن الحديد تيوب من 1100الى 1350
الطن تقدر تسوي مجموعة شبوك طيور يكلفك من 150 الى 400 على حسب طول الشبك
شبك 2*3 سعره من 300 الى 400
2*4سعره من 600وفوق

عندك محل السباكه رح شف اقرب محل عندكم وجلس مقابل المحل وشف الزباين

محل تبريد وتكييف غسل المكيف ب50 تعبيت المكيف 150
سعر اسطوانت الفريون 600 ريال
الاسطوانت تعبي من 10 مكيفات وفوق
بس عيب التبريد والتكييف شغلها في الصيف

محل تسالي للوجبات السريعه يكلفك من 30 الى 40 على حسب المنطقه الي انت فيها

على فكره الحداده +التبريدوالتكييف+السباكه +المكانيكا خفيف الحمد لله اشتغلت فيه لنفسي اسوي شبوك
ومراوح الشفط والسخنات والبزابيز اشتغل فيها بنفسي
السيارة برضو اشتغل فيها بنفسي
وعندك الحلال بس متعب شوي لعف ورضع وعالج ورح وود بس مكسبها خيال اذا تعرفلها صح \
الختام الله يرزقك الرزق الصالح لك ولجميع المسلمين

اذا نويت وتوكلت على الله تشتري سياره

ممكن تتكسب منها بانك تصير مندوب توصيل طلبات بدل تاكسي

توصل طلبات من تاجرات وطباخات بمنطقتك للزباين

الشغله مربحه جدا والمشوار الواحد من ٣٠ الى ٥٠ حسب البعد

وتتعاون مع طباخات معينات بحيث تستلم منهم اكثر من طلبيه باليوم

اذكر احد الاشخاص حسبها يشتغل بالويكند فقط من الصباح للمساء وطلع بالشهر ٨ الاف ريال او مبلغ مقارب