السلام عليكم ورحمة الله وبركاته

انا ع وجه تخرج من الجامعة وتخصصي غير تربوي ( محاسبة )


هل اختبر اختبار كفايات او لا؟

لان يبدا التسجيل بعد شهرين

وناس يقولون لي اختبري وناس يقولون لا .. لانك غير تربووية ماتختبرين

ياليت احد يفيدني لان انا وصديقاتي ماحنا فاهمين وش السسالفة

اذا اختبار كفايات حق التدريس، فشرط أساسي للي يبغون يقدمون على التدريس، والشرط الثاني أنك تدرسين تربوي أيضا.

كفايات للي يبون يقدمون على وظيفة معلم
وحتى اذا مو تربويه قدمي فيه لانه شرط من شروط التقديم على التعليم
سواءاً كنتي تربويه او لا يشترطونه للتعليم
وعلى فكره التربوي غير ضروري في بعض التخصصات يعينون بدونه
اما الكفايات ضروري

غير مهم لان مااتوقع تقدروا تدرسوا طبيعة عملكم خارج التدريس حطي ال200 بيجيبك

انا غير تربوية وندمت اني ما قدمت على قياس
اختبري لان فيه بعض الوظائف ما يحتاج لها تربوي
واطلعلي على تصنيف الخدمه المدنيه مهم جدا وراح تفهمين منه كل شيء
با التوفيق

بالتوفيق

شوفي دليل التخصصات يمكن تخصصك يكون معهن واذا موجود معهن اختبر وادرسي الدبلوم

واذا ماحصلتي مالك الا الوظائف الادارية وهذه لاتتطلب اختبار

أنا أقول اختبري الاختبار ما يفتح إلا مرة وحدة في السنة فلا تضيعي على نفسك الفرصة
ممكن يتاح لك التقديم على وظيفة تعليمية ويكون التقديم متجاوز فيه عن الدبلوم التربوي

انا تخرجت صيفي وعندي خبرة

اولا إذا تبين معلمة لازم تختبري اختبار التخصص والعام يسمونه كفايات المعلمين، والاختبارين شهر 4 الجاي

أما بخصوص التربوي اعرف اثنين واحد رياضيات واحد انقلش تعينوا مدرسين بدون دبلوم تربوي وهم من طلاب جامعة الملك عبدالعزيز.
يعني مو شرط أساسي للتقديم على جدارة.

والدبلوم التربوي له فائدة إذا كان هدفك التعليم اللي هو أنه شرط أساسي لتكملة الماجستير في التخصصات التربوية.

الوظايف التعليميه للبنات يشترط تكونين تربويه لان الوظايف على المستوى الخامس
ويشترط كمان اختبار قياس
لكن لو اختبرتي قياس وانت مو تربويه ماراح يفتح معك موقع جداره وقت الوظايف التعليميه لانك مو تربويه
لان هذا صار معي
تخصصي دين واختبرت قياس بس ماستفدت شي لاني مو تربويه
واعرف غيري نفس الشي صار لهم
اذا تحبين تختبرين قياس اختبري يمكن ينزلون وظايف على المستوى الرابع لنا
المستوى الخامس للتربويات والرابع لغير التربويات