اخواني الكرام

السلام عليكم ورحمه الله وبركاته

اريدان اسال من عنده علم عن بكالريوس كليه الزراعه والاغذيه في جامعه الملك سعود هل لها مستقبل ام لا واي تخصص فيها افضل وكيف فرص التوظيف فيها في انتظار ردودكم وجزاكم الله خير

أنا بسأل عن الدبلوم الكلية التقنيه الزرعيه

والله اعرف واحد درس فيها وتخرج ماشاء الله ما جلس توظف على طوول

بس انا اقولك ترى وظايفها محدوده يعني يالله تلقى وظيفه والله يوفقكم

الله يوفقك

للرفع لاخذ مقترحاتكم

السلام عليكم

انا خريج منها بعام 1428 هـ تخصص هندسة زراعيه بمعدل 3.66 من 5 ما فيه جهة زراعيه حكوميه او قطاع خاص إلا قدمت عليها ودفعتي مثلي قدموا لين عضوا الارض

واللي توظف منهم ما توظف إلا بواسطه وعلى عقود مع ان الوظائف حكوميه

سنه كامله وانا اقدم لين كرهت نفسي بالنهايه قدمت على وظائف ما لها دخل بمجال تخصصي

ورواتبها متدنيه مع ان معي بكالوريوس لكن كل يدور رزقه

والحين متوظف بشركه وظيفه بائع

الشي الوحيد اللي اتمناه ان الزمن يرجع لوراء من اجل ابعد عن شي اسمه زراعه

لا نفعني عزمي ولا نفعني حماسي بالتخصص

نصيحتي لك شاب او شابه ناوي يلتحق بالقطاع الزراعي لا تقدم على تخصص إلا وانت عندك واسطه مضمونه بعد التخرج او شف لك تخصص بأي مجال ثاني

والسلام