شكراً أخوي، عموما رحت وسويت الكشف الطبي وانا صايم احتياطيا

للأسف تجربتي في الكشف الطبي زفت، المركز اللي يحولونا فرع الدمام للأسف ولا مستوصف ابو ريالين
قس على ذلك انو كل الفحوصات تكون فيها (الزواج، العمالة إلخ)..

وطبيعي لما خلصت كل شي وسألت الاستقبال متى تطلع النتيجة قال لي 10 أيام..

اللي عنده خلفية، هل تأثر هالفترة الطويلة على التعيين؟

تحياتي..

غريبة احنا بجدة كل شي مرتب وكل شي تتابعه على موقع المستشفى والاجراءات مشيت بسرعة واقل شي يومين قالو

ان شاء الله خير لما وقعت اقرار كان معي 15 يوم انهي الاجراءات وقالت بعد 15 يوم تتلغي الوظيفة اذا ماخلصتي اوراقك ...

جتني رسالة من الخدمة المدنية

( صدرت معاملة وقيدت برقم..... كذا باسم / طبعا اسمي كامل واحيلت الي وزارة الشؤون الاجتماعية )

نفس الموضوع يامحمد جاتني مثل رساله بصادر المعاملة

ولا نعلم اي وزارة راحت الرياض او الشرقية لابد نتابعها

يعين الله ع الدوائر الحكومية

شباب انا اليوم اخذت خطاب التوجيه للمديرية الصحية بعرعر عشان اخذ خطاب التعيين, وقلت لهم انا راح اوصله وحجزت على بكرة

بس اسمي باقي مسجل في التأمينات تبع شركتي , اقدر اباشر واسمي في التأمينات؟

طبعا مابي اقدم استقالة هاليومين عشان ينزلي راتب , لان لو قدمت استقاله راح اداوم شهر انذار ولا ماراح يعطوني شيء

ضع اعلانك انتا سلمت التقرير الطبي والنماذج واعطوك توجيه ؟؟؟؟؟

الله يعيننا احنا البنات بنتهجول

الحين مانعرف المقابلات بالرياض والا بالفروع ؟؟

غريبة الكشف ياخذ 10 ايام مره كثيرة هنا في جدة امس سويت الكشف واليوم طلعت النتيجة واخذتها ورحت للخدمة المدنية وخلصت أوراقي وقالولي خلاص نرسلها للرياض لان انا وظيفتي في الرياض وبتاخذ حول اسبوعين لحد ماتوصل هناك قلت اجل اعطوني الاوراق وانا اروح اسلمها بيدي واخذتها وباروح الاسبوع الجاي باذن الله اسلمها بيدي واخلص اموري بنفسي بدال ما اجلس في قلق

طبعاً بعد ماتخلص الكشف الطبي وتروح الخدمة المدنية خذ معاك نسختين من كل الاوراق المطلوبة لأنهم يحتاجون نسختين واذا كنت موظف في شركة خذ معاك برنت من التأمينات وصوره نسختين وخذ خطاب من الشركة اللي انت موظف فيها وصوره نسختين بعد واذا كان عندك خبرات في شركات قبلها خذ ورقة الخبرة طبعاً نسختين
وبالتوفيق للجميع

ايه سلمت كل شي وعطوني خطاب التوجيه