يا اخوان الله المستعان عسى فيها خيره
والله اني متردد انزل الخبر فعلا تم ايقاف التعيينات
وسالت مدير شؤون الموظفين بوزارة الشؤون الاجتماعية ويقول مع بداية السنه المالية الجديدة يعني بعد شهرين تقريبا
( معلومه اكيدة واطلعت على تعميم المقام السامي )

طلعت الاشاعات صحيحه ان شاء الله ان في الامر خيره لكن السؤال الحين وش هي الاجراءات تبقى ملفاتنا عند مراكز ترشيحنا او ترجع للخدمه المدنيه وكيف ندري اذا رجع التعيين !

للتاكيد هذي صورة التعميم من المقام السامي


http://www.shabkh.com/view1thread.php?id=62995&fid=3

سلامات وش هالخبر اللي يضيق الخاطر،

مانبي الزيادة نبي نتعين ونباشر ونخلص، ملينا من وظايف القطاع الخاص..

ياليت فيه شي رسمي،

كملو ياجماعه


ماانلغت الترشيحات


اللي يتاخر المباشره فقط

عارفين انو ماتلغت الترشيح، بس حتى تأخير المباشرة يضرنا

ياخوان القرار انا قريته، بس بعد مايعتبر شي رسمي، انا كلمت الخدمة المدنية ورد علي واحد قال ماسمعنا بهالشيء،

يعني الموضوع يبغاله تأكيد من واحد من هالهوامير،

رغم انو ملاعب الطير راح بنفسه، بس يمكن نفس الوزارة مو كل الوزارات،
ياخبر بفلوس.. بكره بلاش

الله يعين

الحمدلله أولا وآخراً
كل تأخيره فيها خيره
أهم شي إن الترشيح ما ألغي ..
وبرضه مانستعجل طالما الخدمة المدنية يقولون ما جاء قرار رسمي بهالموضوع !..
طيب أخوي ملاعب الطير إيش الإجراءات اللي قالوا لك تسويها من الآن وحتى بداية السنة المالية إن شاءالله؟!

توجهت لوزارة الشؤون الاجتماعية الساعة 8 صبحا ومعي خطاب التوجيه من وزراة الخدمه المدنية وملفي وسملته قسم الوارد وعطوني رقم وارد على خطاب التوجيه ثم استلمت ملفي وسلمته لشؤون الموظفين وعطوني نموذج سجلت فيه اسمي ورقم جوالي ووقعت عليه ويقول بنتصل عليك اول ما يصدر قرار التعيين ( لا اثق بسالفة بنتصل عليك) على العموم بتواصل معهم اسبوعيا وان شاء الله يصدر القرار قريب وعسى في كل تاخيرة خيرة وعسى اتن تكرهو شي وهو خير لكم والحمد لله على كل حال وراح اعطيكم خبر اول باول ولو تكرمتو يا اخوان اي معلومه عن قرار التعيين التواصل عن طريق الموقع وشكرا لكم

ملاحظة هامة جداً
((يا اخوان خلصوا اوراقكم كاملة وتاكدوا من تسليمها للجهة المرشحين لها ))