السلام عليكم ورحمة الله وبركاته ...

نزلت هالموضوع بهدف اﻻفادة لي ولكم ..

ندخل لصلب الموضوع ...



كنت انتظر لمدة سنة قبولي باﻻمن العام وطال اﻻنتظار وجتني رسالة القبول النهائي بمكة كانت الفرحة اشد مما تتصورون ..
من قوة فرحتي ودعت كثيرر لتحضيري لل45 يوم وكانوا فرحانين لي ..

حضرنا الحمدالله اول يوم ..
اصبحت ع تصليبة فالشمس .. ياطالب ع خيط البنطلون ..
دخلنا الميز نفطر ويجينا اﻻمر العسكري ذاك باعلى صوت ( ثاااااااااااااااابت )
عم الصمت فالميز اغلب الطلبة لقمتهم م بلعوها خوف من الجزاء ..
هنا بدأت النفسية تتغير .. ونسيت فرحتي اللي قبل التحضير ..
حياتي صارت هرولة واوامر ..
وصارت نوم 3 او 4 ساعات ..
بدينا بالحصص وتعبها البدني والنفسي ..
ياطالب .. يا حمار .. يا بوسطار .. ي جزمة .. وهذا قليل
كانت اﻻﻵم تجتاح اجسامنا بعد اﻻلم النفسي العظيم ..
ندخل المسجد قبل حين وقتها بساعة ..
واي مخالفة يتبعها جزاء ..
كنا نسمع ب ( اﻻنتقال من المدنية للعسكرية )
فوالله ماتوقعت ما انا به من الم نفسي قبل البدني ..
احمد اللي كان محد يقوله عينك براسك صارت اﻻوامر تجري بعروقه ..
كان يجيني تفكير بالفصل ..
وكان اغلب الطلبة نفس تفكيري ..
و قبل دخولي للدورة العسكر نبهوني ع هالشيء ان الفصل بيراودك وانت فالدورة بس ﻻ تتبع الشيطان ..
صبرنا الحمدالله ع فترة ال45 وخرجنا منها بسلام ..

طلعت مع البوابة .. اشوف السيارات واشوف العالم واشوف المطاعم واشوف الدنيا ..
زاد اﻻلم النفسي والسؤال يراودني ايش جابني للعسكرية ..

صرت اقابل اخوياني العسكر يقولون لي مصيرك تنسى هاﻻيام ..
اقولهم والنفسية كيف بعد التخرج يقولون تزين ..
ويعلم الله م عرفت الراحة من يوم دخلت الدورة ..
حتى فاﻻجازات النفسية تعبانة ...

حضرنا بعد ال45 يوم ..
صرنا متعودين ع الهم والنكادة ...
واﻻلم النفسي اللي صح لما تطلع خميس وجمعة وتحلق السبت وتحضر ..
اقسم بجلال الله انفجار نفسي واللي دخله الدورات العسكرية يدرون بالشيء هذا ..
صرنا م نضرب هم للجزوات همنا الوحيد بس اننا م ننحجز ..
صرنا نتقبل السب .. والجزا صار ترفيه لنا ..

اﻻن لنا 6 شهور فالدورة .. والنفسية من يومها تعبانة ..
باقي ع تخرجنا 4 شهور ..
و اﻻلم النفسي يقتلنا ..
وللتنويه / بعد ال45 تعب بدني مافي الحصص تصير خفيفة بس اﻻلم النفسي يتعبك ..

لعل وعسى مع التخرج تتعدل النفسية و نرجع زي قبل دخولنا للدورة ..

و اللي كان زيي و زي زملائي ..

يتحفنا ♡♡ ..