السلام عليكم ورحمة الله وبركاته ...

نزلت هالموضوع بهدف اﻻفادة لي ولكم ..

ندخل لصلب الموضوع ...



كنت انتظر لمدة سنة قبولي باﻻمن العام وطال اﻻنتظار وجتني رسالة القبول النهائي بمكة كانت الفرحة اشد مما تتصورون ..
من قوة فرحتي ودعت كثيرر لتحضيري لل45 يوم وكانوا فرحانين لي ..

حضرنا الحمدالله اول يوم ..
اصبحت ع تصليبة فالشمس .. ياطالب ع خيط البنطلون ..
دخلنا الميز نفطر ويجينا اﻻمر العسكري ذاك باعلى صوت ( ثاااااااااااااااابت )
عم الصمت فالميز اغلب الطلبة لقمتهم م بلعوها خوف من الجزاء ..
هنا بدأت النفسية تتغير .. ونسيت فرحتي اللي قبل التحضير ..
حياتي صارت هرولة واوامر ..
وصارت نوم 3 او 4 ساعات ..
بدينا بالحصص وتعبها البدني والنفسي ..
ياطالب .. يا حمار .. يا بوسطار .. ي جزمة .. وهذا قليل
كانت اﻻﻵم تجتاح اجسامنا بعد اﻻلم النفسي العظيم ..
ندخل المسجد قبل حين وقتها بساعة ..
واي مخالفة يتبعها جزاء ..
كنا نسمع ب ( اﻻنتقال من المدنية للعسكرية )
فوالله ماتوقعت ما انا به من الم نفسي قبل البدني ..
احمد اللي كان محد يقوله عينك براسك صارت اﻻوامر تجري بعروقه ..
كان يجيني تفكير بالفصل ..
وكان اغلب الطلبة نفس تفكيري ..
و قبل دخولي للدورة العسكر نبهوني ع هالشيء ان الفصل بيراودك وانت فالدورة بس ﻻ تتبع الشيطان ..
صبرنا الحمدالله ع فترة ال45 وخرجنا منها بسلام ..

طلعت مع البوابة .. اشوف السيارات واشوف العالم واشوف المطاعم واشوف الدنيا ..
زاد اﻻلم النفسي والسؤال يراودني ايش جابني للعسكرية ..

صرت اقابل اخوياني العسكر يقولون لي مصيرك تنسى هاﻻيام ..
اقولهم والنفسية كيف بعد التخرج يقولون تزين ..
ويعلم الله م عرفت الراحة من يوم دخلت الدورة ..
حتى فاﻻجازات النفسية تعبانة ...

حضرنا بعد ال45 يوم ..
صرنا متعودين ع الهم والنكادة ...
واﻻلم النفسي اللي صح لما تطلع خميس وجمعة وتحلق السبت وتحضر ..
اقسم بجلال الله انفجار نفسي واللي دخله الدورات العسكرية يدرون بالشيء هذا ..
صرنا م نضرب هم للجزوات همنا الوحيد بس اننا م ننحجز ..
صرنا نتقبل السب .. والجزا صار ترفيه لنا ..

اﻻن لنا 6 شهور فالدورة .. والنفسية من يومها تعبانة ..
باقي ع تخرجنا 4 شهور ..
و اﻻلم النفسي يقتلنا ..
وللتنويه / بعد ال45 تعب بدني مافي الحصص تصير خفيفة بس اﻻلم النفسي يتعبك ..

لعل وعسى مع التخرج تتعدل النفسية و نرجع زي قبل دخولنا للدورة ..

و اللي كان زيي و زي زملائي ..

يتحفنا ♡♡ ..

الله يوفقك يارب ويسهل عليك
هذي العسكريه كذا
ليش تشوف كثيرين ينسحبون من فترة الدوره العسكريه سواء ( ضباط او فراد ) بسبب هالشي
وهذا شي طبيعي

اذا على كلامك هذا ،، انت امورك طيبه وكويسه

فيه دورات ثانيه اقوى واشد وتخرجوا منها ومبسوطين وعايشين

انا زيك دخلت هذي السنة
لكن بالمدينة
والله فله وضحك ووناسه يمكن لان عددنا قليل 70
وربك مابيني وبين الفصل الا ثواني بس الحمدلله خلصت الحصه ههههههههههههههه قبل لا اطلع

بعد ال 45 الوضضضضضضضضضضضضضع سهاله
قبل مهمة الحج دخلوا معنا 400 طالب واحنا القديمين 200 طالب خلونا ناخذ راحتنا وبعد الحج بيكرفونهم كمان واحنا ماعندنا شي

جدولنا بال 45 طبعا اخذنا منها 33 يوم بسبب مهمة رمضان:
حصه هروله 3 لفات او 4 بعد الفجر
+
فطور + حصه ثانية + يصرفوا للتعليم الساعه 8 الى 11 ونصف طبعا مافي تعليم نووووووووم
وبعد صلاة الظهر غدا وعلى السكن لقبل الصلاة عصر ب نص ساعه
بعد صلاة العصر حصتين بينهم راحه نروح البوفيه ( اخر اسبوعين خلوها حصه ) طبعا حصة العصر كل ابوها ضحك
النفسية كانت اخر اسبوع بال 45 كل يوم واحد يطلع اشاعه انو بكرا بنطلع
بعد ما اخذنا 33 يوم محشروين
عطونا خرجنا يارباااااااااااه قسم شعور لايوصف
اجازة 9 ايام ورحنا مكه مهمة رمضان كان دوامنا 6 ساعات ب 42 ذبحنا النوم مافي حصص ولا شي
حقين الرياض ياخذون حصص

انتهت مهمة رمضان وجازة 16 يوم وحضرنا على مدينة التدريب

بعد ال 45

بعد الفجر حصه
فطور
حصه
التعليم ( الساعه 9 نروح البوفيه ونرجع للتلعيم )
الظهر غدا وعلى السكن
العصر حصه رياضية تمارين وكذا ممتعه كارتين مدري كارتيه
وبعدها بوفيه
وبعدهااااااا مافي شي الى وضع النوم


طبعا احنا بالمدينة عندنا بعد المغرب تحفيظ قرآن الحمدلله اكثره مستفيدين منه اول باول مع الشيخ يسمعون


الان احنا بإجازة بعد مهمة الحج نرجع الاسبوع الجاي ان شاء الله يعلموننا التخصصات


اعتذر كلامي ملخبط

اي استفسار انا حاضر

انت جامعي وكيل رقيب
أو دبلوم

الله يعطيك العافية وبالتوفيق

https://www.btalah.com/t595345.html


شباب ماودنا نشتت المواضيع

اتمنا تنتقلون الى الرابط

وتفيدون اخوانكم



بارك الله فيك اخوي وكثر الله من امثالك