اذا انك متوظف حكومي فخش في عينه واكسرها له بعد لان انت وهو عند الدوله ماتشتغل عنده ولاهو يشتغل عندك وتوك متوظف لاحق تاخذ خبرات وتتعلم ماعندنا اشياء يبيلها اختراعات وخبراء الشغل كله بيروقراطي لو تجيب بزر يومين ويتعلم
واذا انك في قطاع خاص سايسه لين ماتاخذ اللي تبي وتثبت نفسك وبعدها شلوت مع الباب اذا كان فعلا ناوي يضرك ولا ناوي يكون خوي وصديق عمل.
وبيني وبينك الاخوه في العمل لاتحاول كل ماشفت واحد دقيت معاه صحبه والله مااحد ينفعك مستقبلا في الترقيات وفي خارج الدوام وفي الانتدابات اذا ماشافوك حريص من نفسك ولانت معبر احد ولاتخاف من احد ماحسبو لك حساب وبيستغلون سكوتك وضعفك حتى ولو كنت كاشفهم وساكت

احسن شي لا تعطيه وجه زياده اكثر.. خلك كتوم مرة و بعدين قولة مكتبي هذا مو من حقه يناقشك فيه هذا خاص بالعمل مو من حلاله

و لازم تكون عندك ارادة للتعلم و و تحمل الضغط ادري البعض منا نفسيات ما يتحمل اي كلمه ..

خذ الموضوع حبي ووسع صدرك
وانت عارف ان وظيفتك مؤقتة
خذ الدعوة حبية ووناسة ولاتنرفز اذا حاول ينرفزك خذها بوناسة وامشي وانسى

حاول توصل له من خلال نقاط ضعفة (؛
وصدقني راح يضبط معك

وبالنسبة للتدريب يجيك مع الوقت بدونة

قصتك مشابهة لقصة قريب لي في مستشفى أيضاً، والشخص المعادي له يقوم بما يقوم به خوفاً منه بسبب مؤهله وخوفاً من أن يتميز ويحل محله.

نصيحتي لك، اعمل ما تراه مناسباً، وحاول الإندماج مع الجميع في العمل ولا تجعل هذا الشخص هو من يحدد مصيرك، اقرأ في مجالك واسأل أصحاب الخبرة.

وفقك الله لما فيه الخير لك

حاول تكون طيب مع الإدارة العليا، وخلك معه مثل ما أنت الحين..
لكن مع الإدارة العليا حاول تكون رائع جدا، أقل شيء أنك تسلم عليهم بالممرات بابتسامة واسعة فقط )

اخي الكريم ....
ماعليك منه انت اهم محترم ومحافظ على دوامك ...
تحياتي