السلام عليكم

يااخوان بدخل بالموضوع ع طول

انا انسان متزوج وعندي ولد

ومحتاج يااخوان لوظيفه مدنيه حكوميه على اي مرتبه مااتشرط انا

معاي يااخوان ثانوي وحاسب كمبردج

والله يااخوان ان ايجار لبيت اللي ساكنه ماعندي ومحتاج للوظيفه تكفون افزعو لااخوكم

عادي في اي مكان بالغربيه بلديه وزارة عدل اي وزاره واي قطاع حكومي تكفون محتاجها ولدي يحتاج عمليه

وعليكم السلام ورحمة الله وبركاته ..

اخوي الفاضل فيه أقسام هنا مخصصة إعلانات التوظيف سواء كانت حكومية أو خاص تتواصل معهم ...

الآن في الحرس الوطني مفتوح التقديم من خلال موقع الوزارة .

وبالنسبة للإيجار البيت او للابنك هناك جمعيات البر الخيرية توجه لها وأن شاءالله يساعدونك .

الله يسهل أمرك

يااخوي كنت بدورة الحرس وتعبت وفصلت العسكريه ماتنفع لي

وادري فيه اقسام للوظايف لكن مافيه نفس شهادتي يبون يادبلوم ياجامعه الخ

وانا طلبت الله ثم طلبتكم ﻻني عارف اقدم هنا واروح اسوي اختبار وﻻانقبل

صح الرزق بيد الله لكن فيه اسباب للرزق يسعى لها الواحد مثل واحد يعين اخوه المسلم ع وظيفه يصرف ع اهله منها ومايحتاج للناس
واللي سوا خير يكسب اجره إن شاء الله

طيب اخوي وش المانع ان تشتغل بشركات
فيه شركات كويسه ورواتبها ممتازه افضل من رواتب القطاع الحكومي
وعندك بمكه مثلا الفنادق كثيرة قدم عليهم