السلام عليكم ورحمة الله وبركاته



رجال عليه دين بالبنك وعمره ماتجاوز 22
و اقساط سيارة 1200 و البنك 1480 و الشقة شهريا 900 ، غير ان عليه مخالفات 54 الف
طبعا عزابي و متغرب عن اهله بديره تبعد 800 كيلو عشان الشغل

الكلام هنا ايش نصايحكم له خاصة المجربين الوضع،

يعني اذا دوامه 9 س و يوم واحد اوف طبعا شركه ،
وما يدرس حاليا،، او يقدم على وظيفة براتب فرق 500 ريال لكن 12 ساعة عمل عشان يسدد الي بظهره ،،
او يدرس و يشتغل كلهم

و تعرفون الواحد اذا صار لحاله اكل لبس مصاريف كلها عليه و كل شيء يسويه بلحاله ..
ابي رأيكم ومنها انا استفيد و صاحبنا ننصحه
علما انه مؤهله ثانوي ودخل التقنية ترم وطلع عشان يقدر يداوم وماينفصل ..




و اخيرا الله يرزق كل عاطل وظيفة كريمة تبعده عن طلب الناس ،، امين

يسكن أحد معه بالشقة, ويرجع السيارة ويشتري وحدة نص عمر بحول 10.. ويدور له شغل ثاني وإن جاه سحب على هالشغلة.

��مع الاخ كلهم راحو بعيد
وخليه يكمل دراسته ويشد حيله عشان ياخذ معدل
اويقدم ع العسكريه اذا يمديه
و خليه بوظيفته الحاليه 12 ساعه مره كثير
وبوظيفته الحاليه بيصير عنده وقت يدرس
اما ثانيه ماعتقد
وخليه يشترك ب**** السعوديه يصير سائق خصوصي والعملاء يطلبةنه من ابلكيشن اوبير متى ماصار عنده وقت يشغل ابلكيشن
وقد مايقدر يبعد عن قروض

أولاً : قم بالتالي :
وضع ميزانية مهم جداً لك كالتالي :
المبلغ المتبقي من الراتب كم : مصاريف ثابتة اكل ،شرب ، بنزين، ايجار شقة ( دائماً كل شهر موجودة) + مصاريف متغيرة كشراء ملابس معينة للعيد ....( ممكن تكون موجوده وممكن لا ) + الادخار المتوقع كم حتى لو ريالات تفرق لا تلمسوا .( لازم تعرف كم من المصاريف اقدر استغني عنه بتخفيضها تدريجياً )+ مبلغ طوارئ حتى لو ريالات
الحلول :
يوم الاجازة :ممكن تقوم بالاشتراك مع جريدة لتوزيع الجرائد اربع ايام ب 400 ريال شهرياً (الوسيلة – الاسبوعية– المبوبة ....) الارقام : الاسبوعية : 920020110 – الوسيط : 920006090 – المبوبة : 0547770025 – الوسيلة : 920004848
توصيل مشاوير بعد الدوام أو قبل الدوام مدارس والاجازة بالتعاقد انشر الخبر بين الجيران وتلاقي أو في جريدة من المكتوبة فوق .
حاول تغير سكنك بموقع اخر ارخص حواف المدن أو مناطق معروفة بالرخص.
حاول تغير من حياتك مثال : الكوى والغسيل قوم به بنفسك في وقت معين المبلغ يفرق معاك المبلغ + الاكل والشرب تعلم أنك تسوية بنفسك والمبلغ سينفعك حتى لو ما تعرف تعلم .
تقسيط مبلغ المخالفة أو تخفيضها والتفاهم مع المرور عليها والابتعاد عن المخالفات يسأل عن هذا الامر اهل الخبرة يدلونه في حدود النظام والشرع ينتبه من بعض إلى ما يخافون الله.
الاشتراك في العروض المتأكد منها بتجربة الغير في موضوع الجوال + والانترنت المبلغ ينفع واحسبها بالوقت والكمية وليس بالمبلغ فقط.
المقاضي يشترى وقت العروض من السوبرماركت حتى الشاي والسكافة وغيروا نشرات العروض في النت موجودة .
ممكن يتوجه لمطعم الطازج ،البيك .... + لبنده +جرير+ الدانوب – كارفور وغيرها من السوبر ماركات ويعمل بالساعة إذا يقدر يبحث في شركات الاعلانات بنظام الساعة عن عمل توزيع منشورات أو اعلان عن منتجات في الاسواق.
ووظيفته الحالية وقتها مناسب لا يغيرها لان 12 ساعة ما يقدر يستفيد منها نهائياً إذا يقدر يدرس الان يبدأ أو يؤجل مدة حتى يستطيع يرتقي للأفضل .
يبتعد عن الرفاهية قليلاً حتى يصل لحلول مرضية من كانت بدايته محرقة كانت نهايته مشرقة .

الله يعطيكم العاآافيه

و موضوع الدراسة الان الدبلوم ماهو بشيء
و الباكلوريا الحين حتى الخريجين معظهم جالسين بدون وظيفة ،،او بمكان غير المناسب فما بالكم بالثانوي الواحد يبقى موظف صغير ،، و احذر كل موظف ببداية مشواره لا ياخذ قروض او سيارة .. لا تغتر بالراتب ماتدري بعدين وش يختلف عليك !

ماله الا الدعاء ان الله يسدد دينه ويزين أحواله