افيدوني جزاكم الله خير

ميلاف · #1 (**permalink**) 06-10-2008, 09:02 AM

السلام عليكم ورحمة الله وبركاته

طلع اسمي مع المرشحات 3993 مرشحة والحمدلله
بداية المراجعة الاحد القادم12/ 10 والدراسة تبدا السبت 11/10
سؤالي هل استطيع اراجعهم قبل هذي الفترة اولا وهل هذا قبول نهائي او ننتظر فترة بعد المقابلات الشخصية ويطلعون الاسماء ومراكز التعيين وهل هذا الفترة طويلة شهر او اوكثر ياليت اللي عندها او عنده علم مايبخل علينا
والمقابلة الشخصية كيف تكون وش محورها اسئلة التخصص او اسئلة تربوية ترى والله حايسة ولي الحين 3 سنوات متخرجة والمشكلة ماعندي تربوي لاني متخرجة من الجامعة واخاف يردوني بعد ماطلعوا اسمي او يسالوني بتخصصي وانا نسيت اللي درسته كله
تكفون علموني وابشروا بحفلة بالمنتدى <<< نصابة
دمتم بحفظ الله

مظلوم من الدنيا · #2 (**permalink**) 06-10-2008, 09:14 AM

الله يوفقك يارب ويرزقك انشاء الله احد الاعضاء من االاخوان والاخوات يفيدوك

موفقه اختي

TAM · #3 (**permalink**) 06-10-2008, 09:20 AM

راجعيهم في الموعد المحدد

لآن اليوم الأول خاص بالمعينات الدفعه الأولى ... وتوجيههن للمدارس

بالنسبه لجوالكـ خليه بيدكـ على طول ... لأنهم يرسلون لكـ رسائل بالمواعيد

وأي اتصال غريب ردي عليه <<< اعلني حاله طوارئ

\\

اضع بين ايديكم.. اسئلة المقابلة مع الأجوبة....(متجدد).....

http://www.moeforum.net/vb1/showthread.php?t=197674

" أسئله المقابله وتختلف من مركز لمركز "

<< مركز المدينه كان

...

وماكان فيه اسئله تخصص

\\

لو مثل نظامنا

1 ) راح تعملي مطابقه لأوراقكـ في أقرب فرع للخدمه المدنيه ... وتعبي استماره زي اللي نعبيها بالديوان دائماً ... و تعهدين واحد بموافقه ولي الأمر على تعيينك في القريه ... ،، والثاني تعهد لك ...

2 ) بعد المطابقه... أسمك يروح أوتوماتيكـ للمنطقه اللي قدمتي لها ... ويرسل لك مكتب الاشراف رساله للحضور لإثبات الإقامه ....

3 ) إذا كانت اوراقك تمام ولله الحمد .. يطلع كشف بأسماء المستوفيات شرط الاقامه للإدارة التابعه لها قريتكـ أو .....

4 ) يتم ارسال رساله بموعد المقابله ...

5 ) في نفس يوم المقابله تاخذي اوراق الكشف الطبي وسريع سريع تختمينه وتسلمينه لمكتب الاشراف

6 ) بعدها راح يسلمونك 3 نسخ استمارات التعيين ..
وتسلمينهم 3 ملفات من أوراقكـ في ملف نايلون أبو ريال

<<< اسئليهم ايش يبغون لون عشان بعضهم يتشرطون

\\

تقريباً هذا الموجز

وأي أسئله ثانيه في الخدمه

فقط حددي انتي تابعه لأي مركز ... لأن كل منطقه لها تعقيداتها

موفقه ياقمر .. والله يسهل أموركـ

ميلاف · #4 (**permalink**) 06-10-2008, 09:22 AM

تسلم مظلوم من الدنيا على ردك

الاجمع · #5 (**permalink**) 06-10-2008, 09:27 AM

الله يوفقك وجميع زميلاتك

ولاتهابين من الاسئله او المقابله او غيره خليك رجاااال

تتسهل انشاء الله

‏Łơvĕłỹ prΐήçё · #6 (**permalink**) 06-10-2008, 09:28 AM

موفقه ان شاء الله

ميلاف · #7 (**permalink**) 06-10-2008, 09:30 AM

تسلمين تام الله يسعدك على هذا الرد
يعني بعد مااطابق الاوراق بعدها بفترة يرسلون لي رسالة بموعد المقابلة انا سمعت ان المطابقة نفس يوم المقابلة
وانا تابعة لمنطقة مكة المكرمة
طيب هل تعتقدين تطول مدة اعلان النتائج النهائية والا بعدها بفترة
طيب هم وضعوا لي مكتب اشراف اراجع فيه اوراقي ماوضعوا لي فرع لوزارة الخدمة
اعذريني ثقلت عليك بالاسئلة
الله يوفقك يارب