فضفضه

ياوله روحي عليك · #11 (**permalink**) 10-10-2015, 09:49 PM

اقتباس:

المشاركة الأصلية كتبت بواسطة ايفوني خربان

كله هذا بس عشان الناس والمظاهر
قبل فتره تكلمت اناوصديقاتي بنفس هذا موضوع يقولون اللي ماتسوي كذا الناس بتنقد عليها او يقولون فيها شي الخ اوبتطيح من عيون الرجال اللي ترضى بالقليل وني انا تفكيري كذا لان عشت فتره برا سعوديه
طبعاا انا وحيده اللي مش مقتنعه بينهم

اللي اشوفه حفله بسيطه وكلن يروح بيته

تخيلي مكياج اخرته ينمسح بمويه ب3500 بمشغل بالرياض

يمكن هذي من اسباب زواج شباب بااجنبيات
انا عشت بخارج سعوديه فتره م طويله للاسف اشوف كثير شباب سعوديين معاهم اطفالهم وزوجاتهم اجنبيات يونانيات واسيويات وتركيات وبريطانيات غير اللي ياخذون من دول شقيقه مغرب وطقتها

ان مبذرين اخوان شياطين
ياربي لاتغضب علينا

وحنا وش ذبحنا غير المظاهر وكلام الناس اللي مايخلص
وياليت بعد يمدحون العرس الا من يركبون السياره تعالي اسمعي الذم بالعرس
امحق عرس حر العروس مكياجها بايخ المعرس قصير العشاء موحلو...................الخ

مايملا عين الناس الا التراب واذا بنطاوعهم بنتعب

وحده جايبه الشوكلاته من فرنسا ورب الكعبه ماعجبهم قالو محزر يعني مبطي بعد هالشي وش نقول

وبالنسبه للي يقلون بتطيح من عينه اوفيها شي تقلقلت احنوكهم ذولا اعداء مو اصدقاء

بالعكس كل ماخففت البنت على زوجها بتكبر بعينه لكن لارهقته بيقلب عيشتها بعدين

ماقول الا الله يسهل للجميع وتسلمين على المشاركه

ياوله روحي عليك · #12 (**permalink**) 10-10-2015, 09:55 PM

اقتباس:

المشاركة الأصلية كتبت بواسطة سرور الامل

اهم شي نفضفض

الله يسعدكم

اي والله احسن ما تنفقع اكبودنا هههههههههههههه

ويسعدك يارب

ياوله روحي عليك · #13 (**permalink**) 10-10-2015, 09:59 PM

اقتباس:

المشاركة الأصلية كتبت بواسطة e7sas jdid

للامانه الله يعين الشباب على هالتكاليف واحمد ربي مليوووون مرررره اني بنت
انا لما اتناقش بهالمواضيع يعتبروووني معقده
تخيلي وحده من صحباتي تقول اهلكيه مصاااريف من يوم يملك عليييك لحد ماتصيرين ببيته
عشان مايفكر نسبة 1% انه يتزوج علييييك من اللي شافه منك
جدا ماعجبني كلامهااا لو اي وحده فيهم تحط نفسها مكان هالشاب المسكين وقتها تعرف وش كثر يتعب ويفكر
من وجهة نظري ضروري نراعي ظروف اللي يتقدم ونساعده لان هالشي بيرجعلها بعد الزواج وبتعيش معه حياة سعيده وخاليه من اي سلفيات وديون

اي والله ربي يعينهم ويرزقهم

فرق بين اول وهالحين والله مساكين يوصل عمرهم فوق ال30 ومهو قادر يعرس وش ذنبه
بالنسبه للي تقول اهلكيه عشان مايتزوج لاتفكرين بكلامها يحبيبتي اذا اسعدتي الزوج وريحتيه من كل النواحي ماراح يفكر بالزواج هوناقص يجيب له هم ثاني هههههههههههههههههههههههههههههههه

الله يوفقك يقلبي ويرزقك الزوج الصالح الفالح اللي مايشوف حرمه غيرك

ياوله روحي عليك · #14 (**permalink**) 10-10-2015, 10:04 PM

اقتباس:

المشاركة الأصلية كتبت بواسطة حلا صبر

هو كلامكم صحيح بس
فيه بعض الناس ما يبون يرخصون بنتهم
انا من رأيي انه كل شي بحدود المعقول
لا غالي و لا رخيص
على قولت امي مدي رجولك على قد اللحافك

كلام سليم

انا من رايي 50 المهر وبس

الزوج ماله علاقه بارتفاع الاسعار عشان يرفعون المهر عليه يتعذرون ان كل شي غالي

شرفتي الموضوع حبيبتي

والله يخلي لك الوالده

ياوله روحي عليك · #15 (**permalink**) 10-10-2015, 10:11 PM

اقتباس:

المشاركة الأصلية كتبت بواسطة حامِدة

وعليكم السلام
مشكلة غلاء المهور و تكاليف الزواج " أقليمية عرفية "
يعني تختلف حسب ثقافة كل جماعة (مجتمع ما) ...
مثل قبيلة بالوسطى عنده هالمشكلة باقي القبائل لا ،
و بعض قبائل الجنوب وبعضهن لا ،
و الأشد حسب رأيي و الله أعلم مجتمعات الشمال الشرقي اللي داخلين على الجهراء
و دول الخليج عموما .

سهل الله تجربة أخيك ، فبالنسبة للتجربة ..
التكلف بالأعراس طفت به جماعتنا فترة حتى جاء من كسرها رغم لمز وهمز البعض لها
...أخوي عرس رجالي فقط
ذبايح و النساء عائلي باستراحة قريبات الدرجة الأولى ما يتعدن 50 حرمة ذبايح مب بوفيهات ، مهر 50 ألف ،
و الشبكة ما تعدت 10 آلاف ... الشبكة و عشاء الحريم تكفلت بهن قريبة ...
من بعدها ثلاث عروس عائلية لبنات بجماعتنا بعضهن بالبيت بعد و الله أعلم ...
وطبعا جمع قريشاته و سافرأسبوعين أندونيسيا بارك الله ماشاء االله لا قوة إلا بالله .

الدبشة تصرف كل راس ماله على يوم تفرح فيه (الناس)
و تاكل هوا بعده ،
و يعيش الرجل جحيم الدين " وأعوذ بك ... من غلبة الدين و قهر الرجال " ،
و الذكية تخليه يوم بسيط و تجمع الفلوس تفرح فيه ( نفسه و رجله)
تسافر إن شاء الله لو 3 شهور عسل ...
فالسفر للزوجين ..
من وجهة نظري كسلف اديوكايتد بالاجتماع و النفس كذا أجد أنه أعمق من سطحية مفهوم السفر
في أذهاننا ، بمعنى له آثار إيجابية نفسية فسيولوجية * لا يسعني حصرها .

" غير مقولة السفر يوضح معدن الصاحب و الشريك ..
فإن جمال البيئة مع شريك تخلق أساس متين من الشعور الإيجابي
في عقلهما الباطن ... هالشيء ممكن أقربه بمثل إذا عندك صاحب طيب في مدرسة بتهامة جوه حر سموم والطلاب مشاغبين مزعجين...
فكنت معلم تعيش في محيط زمان ومكان و حال يمارس عليك ضغط رهيب ...
هنا يكون أول انطباع first impression و تواصل دام أسابيع مع صاحبك حتى طفشت من المكان و رجعت لديرتك ...
رغم طبية صاحبك و محبته لكن إذا تقابلت معه مرة ثانية رح تحس بداخلك شعور ضيق و كدر سواءخطرت لك ذكرى المكان الأول أو لا ... مب كل الأشخاص ممكن يجري عليهم هالشيء بس أرجح الأغلب ..
بالإضافة للذكريات العميقة لتجارب حصلت في أوج يقظة الذهن و النفس و الحواس الجوارح و الوجدان ( مب بس وجداني ...بل تواصل نفسي سلوكي فسيولوجي فيزيائي فكري )".

طيب رغم كذا توي
الحين بس بفضفض ...
صعوبة الزواج حاليا ما وقفت على البنات ولا علثة غلاء المهور ترى ؟!
إلا من ردى ذكور الزمان إلا من رحم ربي ،
أقول ذلك باسم التجربة و الطب .

صحيح تختلف من مكان لامكان بس الكل قام يزيد

ذكرتيني بالشبكه

اذا جابها الزوج تاخذها ام العروس وتوديها محل الذهب تشوف بكم عشان تعرف قيمة بنتها عند الزوج واغلبهم مايبي الا من 30 الف وفوق

وهي وقفت على العرس بس

الا بليلة الملكه يسوي عشاء وطالعي كم يكلف

يقعد فتره ويسوي خطوبه لبسني والبسك وهالعاده دخيله على مجتمعنا لاكن انتشرت

بعد الخطوبه تعال جهز للعرس عاد

مانقول الا الله يسهل للجميع

تشرفت حبيبتي بتوجدك

صالح المهدي · #16 (**permalink**) 10-10-2015, 10:36 PM

لا هم إلا هم العرس ولا وجع إلا وجع الضرس

للاسف غلا المهور ومصاريف الزواج شر لابد منه

انا زواجي كلف تقريبا 100 ألف غير المهر والشبكة وووو

لكن الله يسرها الحمد لله

يا زين العزوبية

الجمآن ،، · #17 (**permalink**) 11-10-2015, 02:46 AM

معك حق ياوخيتي بكل كلمة قلتيها

اكثر نصيحه سمعتها هالايام

اقتباس:

يختى مو لازم تشترين ماركات وخرابيط مالها سنع
والعطورات اشتري التعبئه

الله يلوم اللي يلومهم المصاريف وتكاليف الزواج في ازدياد والاسعار نار

وش يخلي وش ياخذ هالمسكين

بالنهايه هي ديون يتسلف عشان عيونك ياقلبي
بس انتي فكري يابنت الناس تعيشين معه وهو حالته متبهذله والسبب انتي !

عموما ان شاء الله مستقبلا بكون معه قلبا وقالبا و اقدر حالته ليه لا

الله ييسرها على العزابيه كلهم
خص نص شباب حلول البطاله

ياوله روحي عليك · #18 (**permalink**) 13-10-2015, 08:58 PM

اقتباس:

المشاركة الأصلية كتبت بواسطة صالح المهدي

لا هم إلا هم العرس ولا وجع إلا وجع الضرس

للاسف غلا المهور ومصاريف الزواج شر لابد منه

انا زواجي كلف تقريبا 100 ألف غير المهر والشبكة وووو

لكن الله يسرها الحمد لله

يا زين العزوبية

اللهم امين

كل الزوجات تكاليفها من 100 الى 200 الف

شرفت الموضوع

ياوله روحي عليك · #19 (**permalink**) 13-10-2015, 09:02 PM

اقتباس:

المشاركة الأصلية كتبت بواسطة الجمآن ،،

معك حق ياوخيتي بكل كلمة قلتيها

اكثر نصيحه سمعتها هالايام

الله يلوم اللي يلومهم المصاريف وتكاليف الزواج في ازدياد والاسعار نار

وش يخلي وش ياخذ هالمسكين

بالنهايه هي ديون يتسلف عشان عيونك ياقلبي
بس انتي فكري يابنت الناس تعيشين معه وهو حالته متبهذله والسبب انتي !

عموما ان شاء الله مستقبلا بكون معه قلبا وقالبا و اقدر حالته ليه لا

الله ييسرها على العزابيه كلهم
خص نص شباب حلول البطاله

هههههههههههههههههههههه
تدرين لان العطورات صارت اغلى من الذهب وياليتها اصليه ميه بالميه
العطر وصل 1000 وفوق

ولو قارنتيه بالتعبئه مايفرق والتعبئه الريحه تدوم 3 ايام بالملابس

تشرفت بردك حبيبتي

عبدالمجيد _ · #20 (**permalink**) 19-10-2015, 06:08 PM

اقتباس:

المشاركة الأصلية كتبت بواسطة ياوله روحي عليك

ابفضفض

مغبونه حيل حيل

معقوله فيه ناس بهذا الغباء
قلنا ترزقو الله بس بالمعقول

وش صاير بالدنيا
مصوره زواج وحفلات ب5000
منسقه حفلات تجيب طاولات وكراسي ب16 الف واللي بتراعي ب8000

المسكين وش يدفع وش يخلي
انا قعدت احسب تكاليف الزواج كلها اطلعت تقريبا ب150 الف مع المهر اه يراسي
شكل الشباب بيعنسون هههههههههههه
ربي يسهل امورهم

ويبنات خفو على الشباب تجي وتقول المهر 70
يختى مو لازم تشترين ماركات وخرابيط مالها سنع
والعطورات اشتري التعبئه
وكثير اشياء ممكن تستغني عنها وحطي يدك بيد زوجك
لان انتي اللي بتتعبين بعد الزواج
اكيد بعد الزواج كلن يبي حقه لان الباشا متسلف عشانك
وبيبتدي يتذمر والنفسيه تشين هنا رقعيها يسندرلا
بتتحسفين على اغلب مشترياتك
اللي بعضها مارح تستفيدي منه ابد

انا اتكلم عن تجربه اشوف قريباتي تخم كل شي بسوق تقول ماعندها شي مسكينه
ومايمديها تلبس الا وهي حامل طبعن بعد الولاده بتنتفخ وماتقدر تلبس الباقي ههههههههههه

قاعده افكر بعرس اخوي يالله سترك
البيت موجود والحمد لله اخوي بياثث له
المهر موجود

البلاء بالباقي ترا هم العن شي
اقل عرس عندنا يكلف 150 الف اذا مافيه مهايط

نقول الصاله ب25 او 20
لان الاميره تبي صاله عشان صديقاتها
الطقاقه اقصد الفنانه تبي 18 الف
بعضهم مايبي ديجيه ب1500 يفشل

حقت القهوه تبي 3000 الاف
العشاء مدري كم بيكلف بس الاغلب 30 ذبيحه مع المهايط قعودين

اممممممممممممممممممممممممممممممم

الحين ام العروس تطلب من اهل المعرس يصرفون لها دولارات عشان تحذفهم على بنتها لادخلت

عسى مايطلبون على اخوي بس

طيب خلصنا من كل شي ويمكن نسيت
ابي اعرف بعد الزواج وين بتروح النعمه

وش استفدنا من هالخرابيط

انا اتكلم عن المقتدر واللي مايقدر
هالمبالغ محاسبين عليها
على العموم الله يوفق الجميع

لو يعطوني صلاحيه
بعد مايملك على العروسه ياخذها ويتوكل بيته بلا صاله وخرابيط وهم وغم

بس بس خلصت من الهذره

يويل اللي بيعارضني

الطلبات الغير معقوله اللي يطبلونها اهل البنت تجيب نتائج عسكية بعد الزواج
لان الرجال بيطلع مديون وعليه اقساط يسدد وراح يشح على البيت والزوجه عشان يسدد
وبيصير يعصب على البنت لان هي سبب رئيسي ويمكن تصير حياتهم نكد
واكثر الشباب يتاخر بالزواج بسبب غلاء المهور
والمشكلة بعضهم يطلب 90 الف و80 الف وبنته كبيره بالسن
يعني المفترض يهون امور زواجها بدل ما يعجز اللي جاي يخطب
اما اللي تطلب دولارات عشان تنقط سلامات وين قاعدين !!!

الله يعين ويستر على بنات المسلمين وشبابهم